මාතෘත්වය සඳහා දෙනු ලබන නිවාඩු කාලය, කාන්තාවකට එය අර්ථවත් කාලයක් වෙනු ඇත. ඇය එම කාලයේදී, දරුවාගේ පැමිනීම සඳහා ළමා කාමරය සහ දරුවාට අවශ්‍ය කරන අනිකුත් දේවල් සූදානම් කර ගනී.
ඔබේ මාතෘ නිවාඩුව ඉවර වීමට යනවිට ඔබට කුමන හැඟීමක් ඔබට දැනේවිද? ඔබත් සිත් තැවුලට පත් වෙනවා නොඅනුමානයි. එසේම අනිකුත් කාන්තාවන්ට තම මාතෘ නිවාඩුව ඉවරවීමට ලංවන අවස්ථාවේදී ඔවුන්ද සිත් තැවුලට පත් වෙයි. එහෙත් ශ්‍රී ලංකාවේ නීතියට අනුව, දරුවා ඉපදී මාස 4කට නොඅඩු මාතෘ නිවාඩුවක් පලවෙනි සහ දෙවෙනි වරට දරුවන් ලැබෙන මව්වරුන්ට ලබාදෙයි. එමනිසා අලුත් මවකට තම අලුත් බිලිඳා සමඟ දීර්ඝ කාලයක් ලඟින් සිටීමට අවකාශය සැලසේ. එමෙන්ම මාතෘ නිවාඩුවෙන් පසුවත්, දරුවාට අවුරුද්දක් යන තෙක් මවුකිරි දීමට ඇති නිසා, රැකියාවෙන් පිටත් වියයුතු නියමිත වේලාවට වඩා පැයකට පමන ඉහතදී ඔබට නිවසට පිටත් වීමටද අවකාශය බොහෝවිට සමහර රැකියා ස්ථානවලින් සැලසේ. එහෙත් නිවාඩුව අවසන් වන විට මවුවරුන් සිත් තැවුලට පත්වීම සාමාන්‍ය දෙයකි. මව සහ පියා දෙදෙනාම රැකියාවට යාමට පටන් ගැනීමෙන් පසු දරුවාගේ අවශ්‍යතා සම්පූර්ණ කිරීම සඳහා කාලය සොයා ගැනීමට තරමක් අපහසු විය හැක. එයට හේතුව විශේෂයෙන්ම මව දරුවාගේ සියළු අවශ්‍යතා ඇය විසින්ම කල යුතු නිසාවෙනි. එහෙත් ඔබේ දරුවාව බලාගැනීමට ඔබේ මව හෝ වෙනත් විශ්වාසවන්ත කෙනෙකු සිටීනම් එය ඔබට අස්වැසිල්ලක් වනු ඇත.
අලුත් මව්වරුන්ට මාතෘත්වය සඳහා මුහුණදීමට උදව් වන කරුණු පහත දැක්වේ.
නෑදෑ හිතමිතුරන්ගේ පැමිණීම් වලට ඉඩදීම.
අපගේ නෑදෑ හිතමිතුරන් ගෙදරට එන විට, එය අපගේ හුදෙකලාවෙන් මිදීමට හොඳ ක්‍රමයකි. ඔවුන් පැයකට වැඩි වේලාවක් ඔබ සමඟ සිටියත්, එය ඔබට අස්වැසිල්ලක් වනු ඇත. එමෙන්ම අලුත් මවක් වන ඔබට, එය ඉතා වැදගත් වනු ඇත. ඔබට එයින් විවේක ගැනීමට සහ අන් අය සමඟ සුහදව කාලය ගත කිරීමට උදව් වේ.
ඔබේ ස්වාමි පුරුෂයාට නැවත රක්ෂාවට පිටත් කිරීමට සූදානම් කිරීම
ඔබේ ස්වාමි පුරුෂයා නැවත රක්ෂාව සඳහා පිටත් කිරීම අනිවාර්ය වේ. එය අලුත් මවකට වැඩි වගකීමක් ගෙන දෙන නමුත් එය බොහෝ විට කල හැකි කාර්යයකි. මෙම අලුත් ආතතිය මඟහැරවීම සඳහා ඔබට කෙටි ක්‍රමෝපායක් භාවිතා කල හැක. උදාහරණයක් වශයෙන් ඔබට සතියකට පිලියෙල කල යුතු කෑම තෝරාගෙන, එම එළවළු සහ මස් මාංශ සියල්ල කපා කොටා ශීතකරණයේ තැබිය හැක. ඔබේ දරුවා නිදාගන්නා වේලාවල, ගෙදර වැඩ සියල්ල සම්පූර්ණ කිරීමට උත්සහ කරන්න. එහෙත් ඔබට එසේ කිරීමට නොහැකි වුවහොත් ඔබ කලබල නොවන්න.
නිවසින් මදකට එලියට එන්න.
ඔබ දවසකට එක්වතාවක් හෝ දරුවා සමඟ විවේකීව ඇවිදීමට යාමට පුරුදු වෙන්න. අවන්හලකට, පොත් සාප්පුවකට හෝ වෙනත් විවේකී ස්ථානයකට ඔබට යා හැකිය. හොඳ විවේකී ස්ථානයකට ගොස්, හොඳ තේ කෝප්පයක රසවිඳමින්, නිදහසේ පොතක් කියවා ඔබට හොඳ විවේකයක් ගත හැක. ඔබ ගෙදරින් ටික වේලාවකට පිටවී නිදහසේ ඔබේ මනස සැහැල්ලු කරමින් එලිමහනත් සමඟ ඇති සබැඳියාව වැඩිදියුණු කරගත හැක. එයද ඔබට හුදෙකලාවෙන් මිදීමට හොඳ ක්‍රමයක් විය හැක.
අනිකුත් මව්වරුන් සමඟ හොඳ සම්බන්ධතාවයක් පවත්වාගෙන යාම.
අනිකුත් මව්වරුන් ඔබට හොඳ සම්පතකි. එයට හේතුව Diaper එක මාරු කිරීම, ආහාර දීම, ගර්භණීභාවයෙන් පසු බර අඩුකිරීම පිලිබඳව සහ අනිකුත් දේවල් පිලිබඳව යම් කිසිකෙනෙකුට හොඳ ප්‍රතිඵලයක් අත්විඳ ඇතිනම්, ඒ පිලිබඳව ඔබට දැනුමක් ලබා ගැනීමට සහ ඔබේ අත්දැකීම් ඔවුන් සමඟ බෙදාහදා ගත හැක. එසේ කිරීමෙන් ඔබට ඔබේ හුදෙකලාව මඟහරවා ගත හැක. සමහර වේලාවට විනාඩි පහක කතාබහෙන් ඔබට සෑහීමට පත්විය හැක.
බොහෝ කාන්තාවන්ට මාතෘත්වය සඳහා තනිවම මුහුණදීම අනිවාර්ය වෙයි. නමුත් ඒ සඳහා සූදානම් වීමට හොඳ දැනීමක් සහ ක්‍රියාශීලීබව තිබීමෙන්, එයින් ඔබට මිදීම සඳහා උපකාරී වේ.
