බොහෝ දෙනෙකු හට ගර්භණී භාවය දිස්වන්නේ, කාන්තාවක් දොල දුක සංසිඳුවා ගැනීම සඳහා ඇඹුල් ආහාර ඇතුලු අනං මනං අසාමාන්‍ය ලෙස භුක්ති විඳින දර්ශනයකි.
මෙය මිථ්‍යාවකි. ගර්භණී අවධියේ මුල් අවධියේ බොහෝ මව්වරු කෑම අරුචියෙන් පෙලෙති. ආහාර දිරවීමේ අපහසුතාවය මෙන්ම අරුචිය මෙම කාලයේදි සාමාන්‍යයෙන් දක්නට ලැබෙයි. කෙසේ නමුත් ඊට බලපාන හේතු සොයා බලා මෙම තත්ත්වය මඟ හරවා ගැනීමට කටයුතු කල යුතුය. මන්ද, මවකට අවශ්‍ය පෝෂ්‍ය පදාර්ථ නිසි ප්‍රමාණයෙන් ලැබිය යුතු හෙයිනි.
පහත දැක්වෙන්නේ ගර්භණී අවධියේ මුල් අවධියේ, මවකට දැනෙන ආහාර අරුචිය සඳහා සමාන්‍යයෙන් බලපාන හේතු කාරක පහකි.

උදෑසන වමනය යාම. (උදා ආබාධය )
ගර්භණී සමයේ පළමු කාර්තුව තුල මෙය සාමාන්‍ය සංසිද්ධියකි. දරුවකු කුස තුල දරා ගැනීම සඳහා ශරීරය ඒ අනුව හැඩ ගැස්වීමේදි හෝමෝන වෙනස්වීම් ඇතිවේ. උදෑසන වමනය යාම හා ඔක්කාරය ඇතිවන්නේ මෙහි ප්‍රතිඵලයක් ලෙසිනි. මේ තත්ත්වය මඟ හරිනු පිණිස සමහර මව්වරුන් කෑම කෑමෙන් වැලකී සිටීයි.

ඔක්කාරය
ගර්භණී අවධියේ පලමු සමයේ ඇතිවන ඔක්කාරය, මවගේ කෑමර අරුචිය සඳහා බලපායි. ඇමරිකානු ගර්භණීභාවය පිලිබඳ සමාගමට අනුව ගැබිනි මව්වරුන්ගෙන් අඩකට වැඩි ප්‍රමාණයක් ඔක්කාරය නිසා කෑමර අරුචියෙන් පෙලෙන බව සොයා ගෙන ඇත. පලමු කාර්තුවේ, ආහාර ජීර්ණ පද්ධතියේ ක්‍රියාකාරිත්වය මන්දගාමි වන හෙයින් කෑම අරුචිය ඇතිවීමට ඉඩ ඇත.

ප්‍රොජෙස්ටරෝන් මට්ටම ඉහල යාම.
ප්‍රොජෙස්ටරෝන් මට්ටම ඉහල අගයක් ගැනීම, ආහාර ජීර්ණය කෙරෙහි බලපානු ලැබේ. ජලය උරාගැනීම ඉහල යාම මේ සඳහා හේතුකාරයක් වේ.

යකඩ මට්ටම ඉහල යාම.
වෛද්‍ය උපදෙස් මත බොහෝ ගැබිනි මව්වරුන් යකඩ පෙති ලබා ගනිති. නමුත් යකඩ මට්ටම ඉහල යාම, කෑම අරුචිය මෙන්ම මල බද්ධය ඇතිවීමට බලපානු ලැබේ.

ආඝ්‍රාණය කිරීමේ සංවේදනය තීව්‍ර වීම.
සමහර ගර්භණී මව්වරුන්ගේ ආඝ්‍රාණය කිරීමේ සංවේදනය මෙම කාලයේදි තීව්‍ර වේ. මෙහි ප්‍රතිඵලයක් ලෙස, සමහර ආහාර ඔවුන්ට අරුචියක් ගෙන දේ.
ගර්භණී මව්වරුන් සෑම දෙනෙකුටම ඉහත සඳහන් අවස්ථා වලට මුහුණු දීමට සිදු නොවන බව සැලකිය යුතු කරුණකි. තවද මෙම අත්දැකීම එකිනෙකාට වෙනස් අයුරින් දැනිය හැක. ඔබ නිතරම කෑම අරුචියෙන් පෙලෙන්නේ නම්, වෛද්‍ය උපදෙස් වෙත පිවිසිය යුතු වේ.

එක් ගර්භයක් සහිත ගැබ් ගැනීමක, වැදෑමහ එක් දරුවකු දරා සිටියි.නිවුන් දරු ගැබ් ගැනීමකදී ගර්භයට දරුවන් දෙදෙනෙකු දරා සිටීමට සිදු වේ.සමහරවිට මෙම නිවුන්නු එක් වැදෑමහක සිටිනු ඇත.මෙය “මොනොසයිගොටික් නිවුන්නු” (Monozygotic Twins) ලෙස හඳුන්වනු ලැබේ.වෙනස් වැදෑමහ දෙකක සිටින නිවුන්නු “ඩය්සිගොටික් නිවුන්නු” හෝ එක කුස උපන් නිවුන්නු ලෙස හඳුන්වනු ලැබේ.නිවුන් දරුවන් දරා සිටීම බරපතල සංකුලතාවයන්ට මුහුණ දීමට සිදුවීමට ඉඩ ඇත.

එක කුස උපන් නිවුන්නුන්ට ඔවුන්ගේම වැදෑමහ තිබෙන අතර ඔවුන්ගේම වැදෑමහ කෝශවල දරාගෙන සිටියි. කෙසේ වෙතත් එකම කෝශයක සිදුවන නිවුන් උපත් වලින් 70% දක්වා ප්‍රමාණයක් බරපතල සෞඛ්‍ය අවදානම් වලට මුහුණ දීමට සිදුවනු ඇත.මෙවැනි සිදුවීමකදී පෙකණිවැල කුමන හෝ ස්ථානයක රෝපණයවීමට ඉඩ ඇත. මෙම රෝපණය සිදුවන ස්ථානය අනුව ගර්භයන් දෙකටම පෝෂණය බෙදාහැරීම අසමතුලිතව සිදුවීමට සහ අඩු රුධිර ප්‍රමාණයක් ලැබීමටද මග පාදනු ඇත.විද්‍යාඥයෝ මෙය අසම ඩිම්බබන්ධන බෙදාගැනීම ලෙස හඳුන්වයි.බොහෝ නිවුන්නු එකම ජාන ද්‍රව්‍ය බෙදා ගත්තද වෙනස් අන්දමට වැඩෙන්නේ මේ නිසාය.සමහරවිට එක් එක් රැහැන් ඔස්සේ ගමන් කරන රුධිරවාහිණී එකට සම්බන්ධ වීමෙන් එක් ගර්භයකින් අනෙක් ගර්භයට රුධිරය සංසරණය ( පාරවිලයනය ) වීමට හේතු විය හැක.මෙවැනි සංකූලතාවයන් twin to twin transfusion syndrome හෝ TTTS ලෙස හඳුන්වනු ලැබේ.

TTTS
එක වැදෑමහක් බෙදාගන්නා නිවුන් දරුගැබකදී (MZ Twins) එක් එක් ගර්භයන් වෙන්කර ගැනීමට බාධාවක් නැත.එම නිසා අවසානයේදී රුධිර වාහිණී බෙදා ගනු ඇත.MZ නිවුන් දරු උපතකදී 15% ක ප්‍රමාණයක අසමතුලිත රුධිර සංසරණයක් සිදු විය හැක.මෙහිදී එක් ගර්භයක් අනෙක් ගර්භයට වඩා වැඩි රුධිරය ප්‍රමාණයක් ලබා ගැනීමක් සිදු වීමෙන් TTTS වලට යොමු විය හැක.TTTS වලට මතුවිය හැකි තවත් සංකූලතාවයක් acardiac twins හෝ Twin Reversed Arterial Perfusion (TRAP) ලෙස හඳුන්වනු ලැබේ.මෙය MZ ගැබ්ගැනීම් වලින් 1% ක ප්‍රමාණයකින් සිදුවිය හැකි දුලභ අවස්ථාවකි. TTTS අවස්ථාවක එක් ගර්භයක් සාමාන්‍ය ලෙස වැඩෙන අතර අනෙක් ගර්භය අවයව,ඉන්ද්‍රියයන් සහ ශරීර කොටස් සහ සාමාන්‍යයෙන් හෘදය වස්තුව නොමැතිව අසාමාන්‍ය ලෙස වර්ධනය වීමක් දැකිය හැක.බොහෝ විට මෙය හෘදය වස්තුව නොමැතිව දැකිය හැකි බැවින් මෙය acardiac ලෙස හඳුන්වනු ලැබේ.සාමාන්‍ය ලෙස වැඩුණු ගර්භය අනෙක් ගර්භයට රුධිරය සපයන නිසා කලින් සඳහන් ගර්භයේ උන්නතිය ශුන්‍ය අගයක් ගනී.

Preterm Labour යනු නිවුන් දරු ගැබකදී ඇතිවිය හැකි සුලබම සංකූලතාවයයයි.මෙය 70% ක පමණ ප්‍රතිශතියක් දරණ අතර 100% ක ප්‍රමාණයක් නොමේරූ ( අපරිණිත ) දරු උපත් වේ.

Intrauterine Growth Retardation (IUGR)
මෙය දරුගැබ් වලදී සිදුවිය හැකි වූවත් බහු උපත් වලදී මෙය සාමන්‍ය සිදුවීමකි.මෙම තත්වය ඇතිවන්නේ එක් ගර්භයක් ගර්භාශය තුල සිටින විට ගර්භයේ වර්ධනයට සහ දියුණුවට බාධා ඇතිවෙන විටකදීය.
ඔබ නිවුන් දරු උපතක් බලාපොරොත්තු වන්නේ නම් සෑම වෛද්‍යවරයෙකුගේම අවධානය සහ පූර්වාරක්ෂාව අනුගමනය කල යුතු වේ.මෙයට ප්‍රමාණවත් ව්‍යායාම සහ ආහාර පාලනයද ඇතුලත් වේ.
(තිලෝතමා චටර්ජී onlymyhealth.com වෙත ලියන ලද ලිපියක් ආශ්‍රයෙනි.)

ශ්‍රී ලාංකික සංස්කෘතික රාමුව තුල, කාන්තාවන් තම ගර්භණී කාලය තුල කල යුතු හා නොකල යුතු දෑ බොහෝ ඇත. අඩු බරක් ඇති මවක් බිහි කරන දරුවා සෞඛ්‍ය සම්පන්න නොවන බව සමාජයේ පවතින පොදු මතයකි. ගර්භණී අවධිය තුල සාමාන්‍යයෙන් බර වැඩි වූවත්, එම ක්‍රියාවලිය ශරීරයට හිතකර අන්දමින් සිදු විය යුතුය. මාගේ ගර්භණී කාලය තුල එක් අවස්ථාවක දී වැඩිහිටි කාන්තාවක් නිතරම පැවසූ දෙයක් නම් මාගේ බර නිසි පරිදි වැඩිවී නොමැතිවී බවයි. මා මේ සම්බන්ධයෙන් නාරි හා ප්‍රසව වෛද්‍යවරයෙකුගෙන් විමසීමක් කලෙමි. ඔහු පැවසූවේ අධි බරකින් යුත් කාන්තාවන් පවා බර අඩු දරුවන් බිහි කරන බවය. මාගේ බර සෞඛ්‍යයට හිතකර පරාසයක තබා ගන්නා කල්, මා හට බිය වීමට කිසිදු හේතුවක් නොමැති බව ඔහු වැඩි දුරටත් සඳහන් කලේය.

එම නිසා සෑම දෙනෙකුටම මා කරන යෝජනාව නම්, ඔබගේ නාරි හා ප්‍රසව වෛද්‍යවරයා ඔබේ බර පිළිබඳව ප්‍රශ්නයක් නොනඟන තාක් ඔබටත් බියවීමට හේතුවක් නොමැති බවයි.

මාගේ පළමු දරුවා මාස 7 සම්පූර්ණ කලා පමණි. කියන්නත් සතුටුයි ! මාගේ ශරීරය නැවතත් ප්‍රකෘති තත්ත්වයට පත් වීමට අවශ්‍ය වනුයේ කිලෝ 2ක බර අඩු වීමක් පමණයි. මම දින කිහිපයක් තුල සිසේරියන් සැත්කමකින් සුවය ලබා පැමිණියෙමි. මාගේ දරුවා දැන් මනා සෞඛ්‍ය තත්තවයේ පසුවන්නේය. රෝහලින් පිට වී දින දෙකක් ගතවන විට, මට මාගේ සියලු වැඩ කටයුතු තනියෙන් කර ගැනීමට හැකිවුණා. සිසේරියන් සැත්කම සිදුකල ස්ථානයේ යම් වේදනාවක් පැවතුනත්, වෛද්‍ය නිර්දේශය මත සතියක් සඳහා ලබා දුන් වේදනා නාශක පෙති වලින් එම කැක්කුම සමනය වුණේය. ඉන් අනතුරුව, සුපුරුදු අන්දමට මම වැඩ කටයුතු වල යෙදුණෙමි. සෞඛ්‍යමත් දරුවකු ලැබීමෙන් පසු සෞඛ්‍ය සම්පන්න බවින් පසු වීමටත්, ඉක්මන් සුවය ලබාගැනීමටත් මා හට හැකිවූයේ කෙසේද? ගර්භණී අවධියේ අභිරහස් මා සමඟ බෙදා හදා ගැනීම වෙනුවෙන් මාගේ සොහොයුරියට මා ස්තූතිවන්ත විය යුතුයි. American Pie චිත්‍රපටයේ, කෙවින් ඔහුගේ වැඩිමහල් සොහොයුරාට බයිබලයක් ලබා දෙන දර්ශනය මේ මොහොතේදි මාගේ සිහියට නැගේ.

සෞඛ්‍ය සම්පන්න දරුවකු ලැබීම සේම තමා මනා සෞඛ්‍ය තත්ත්වයේ පසුවීමේ රහස පෝශ්‍යදායි ආහාර ගැනීමයි. එය ඒ තරමට සරලයි. මාගේ ගර්භණී අවධියේ මාස 9ක කාලය තුල , මා සුපුරුදු ආහාර වේල් ලබා ගත් අතර, මාගේ රුචිය අනුව ආහාර ප්‍රමාණය මම වෙනස් කර ගත්තෙමි. ගැබ්ගත් මවක් දෙදෙනෙකුට සෑහෙන අහාර ප්‍රමාණයක් ගත යුතු බව සඳහන් මිත්‍යාවක් සමාජයේ පැවතේ. මා ගර්භණී මාතාවන් සඳහා විශේෂයෙන් සකස් කල පිටි කල කිරි හෝ ආහාර ලබා ගත්තේ නැත. මාගේ ප්‍රධාන ආහාර වේලෙහි බොහෝ විට අඩංගු වුනේ රතු බත්, එළවලු බත්, පළා වර්ග සහ මාලු ය. මා අනුභව කලේ, මට දරා ගත හැකි ප්‍රමාණයට පමණකි. එය මා සුපුරුදු ලෙස ගත් ආහාර ප්‍රමාණයයි. පසුව මම එය ක්‍රමක්‍රමයෙන් වැඩි කලෙමි. තවද, මාගේ මුහුණේ කිසිදු ඉදිමුම් ස්වභාවයක් නොතිබුණු අතර ගර්භණී අවධිය මුළුල්ලේම එය දීප්තිමත් ව තබා ගැනීමට මම සමත් වුණෙමි.

කෙසේ වෙතත් මම දොල දුක් ආශාවන් පාලනය කර ගතිමි. මා නිතරම ප්‍රිය කල ආහාර ජාති අතර අයිස් ක්‍රීම්, දැල්ලෝ, තෙම්පරාදු කරන ලද බත්, වඩේ සහ අනෙකුත් අනං මනං ඇතුලත් විය. ශරීරයට හිතකර නොවන ආහාර කෙරෙහි ද සිත ඇදී යන වේලාවන් තිබුණි. සමහර අවස්ථාවන්හි දී, මා මෙම දැඩි ආශාවන් වලට අවනත වී ඒවා සපුරා ගත් බව පිළිගත යුතුව ඇත. මෙම විශේෂ ආහාර සඳහා ඇති ලොල් බව ඉක්මවාලිය නොහැකි තරමක පැවතුණි. කෙසේ වෙතත් මෙම ප්‍රමාණය, මා දැනුවත්වම, ගර්භණී කාලයට පෙර මා ගත් ප්‍රමාණයටම සීමා කලෙමි. මෙය ඉතා දුෂ්කර කාර්යයක් විය. එහෙත් සෞඛ්‍ය සම්පන්න දරුවකු ලැබීම සහ සුන්දර පෙනුමකින් පසු වීම සඳහා මෙය අනුගමනය කිරීම ඉතා වැදගත් බව මා තරයේම මතක තබා ගත්තා.
ගර්භණී භාවයට එළඹීම හෝ මවක් වීම කාන්තාවකගේ බර සහ පෙනුම පිළිබඳ නොසලකා හැරීමට නිදහසට කාරණාවක් නොවේ. කෙසේ වෙතත් තම රූ සපුව හෝ ශරීරය පිළිබඳව නොසලකා හැරීම සමහරක් අපේක්ෂිත පවුල් ප්‍රශ්න වලට මුල පිරීමට ඉඩ ඇත.
පළා වර්ග සහ ජලය මම මැනවින් පරිභෝජනය කලෙමි. මා කෙතරම් පළා ජාති අනුභව කලාද කිවහොත් මාගේ නැන්දම්මා මා නිවසේ වෙසෙන එළුවකු කියා සිතන්නට ඇති. මම අධික ලෙස ජලය පානය කිරීමට පුරුදුව සිටියෙමි. එහි ප්‍රතිඵලයක් වශයෙන් මා දරුවාට මව් කිරි දීමේදි දවසට කිහිප සැරයක් බිළිඳාගේ ඉණකඩ (nappies) මාරු කිරීමට සිදු වුණේය.
Image Credit: celebrityparentsmag.com

 කතුවරිය ගැන බිඳක් :
මාරි කෲස් යනු රැකියාවක නිරත වන කාර්ය බහුල මවකි. ඇයත් ඔබ වගේම වගකීම් සහ අභියෝග රැසක් සමඟ පොර බඳින කෙනෙකි. අලෙවිකරණ වෘත්තීයේ සාර්ථක ඉණිපෙත්තක් පසු කරමින් සිටින අතරේදි, ශ්‍රීලංකාවේ මව් පදවිය ලැබීමට නියමිත කාන්තාවන්ගේ අභිවෘද්ධිය වෙනුවෙන් මැය විසින් ඇය ප්‍රථම වරට මවක් වූ අත්දැකීම් පිළිබඳව ඔබත් සමඟ බෙදා හදා ගනියි. මාරි කෲස් ගේ තවත් ලිපි සඳහා Parenting.lk වෙබ් අඩවියේ ""First Time Mom" කොලම වෙත පිවිසෙන්න.

සමහර කාන්තාවන් අනෙකුත් කාන්තාවන්ට වඩා හොඳ මව්වරුන් වන්නේ ඇයි? මේ කාන්තාවන්ගේ ඔක්සිටෝසින් මට්ටම ඉහළ අගයක පැවතීම මීට හේතුවක් විය හැක. මෙය “සෙනෙහස් හෝමෝනය” (Love Hormone) ලෙසද හඳුන්වනු ලැබේ. ඔක්සිටෝසින් ඉතා අත්‍යවශ්‍ය මාතෘ හෝමෝනයකි. මෙය කාන්තාවන්ගේ මාතෘත්වය වර්ධනය කරනවා පමණක් නොව ඔවුන්ව වඩාත් සතුටට හා ස්නේහවන්ත බවට පත් කරයි.
සමීක්ෂණ වලින් නැවත නැවතත් අනාවරණය වී ඇත්තේ, අඩු ඔක්සිටෝසින් මට්ටමක් ඇති සතුන් ඔවුන්ගේ පැටවුන් මුවින් පිරිමැදීම සහ ලෙව කෑම වැනි සෙනෙහස පාන හැසිරීම කෙරෙහි මන්දගාමි ඇල්මක් දක්වන බවයි. මේ දක්වා, ,මනුෂ්‍ය වර්ගයා සම්බන්ධයෙන් මේ පිළිබඳ එතරම් සමීක්ෂණ කර නැති බව පෙනේ. ගර්භණී අවධියේ පළමු මාස 3 හිදී කාන්තාවන්ගේ ඔක්සිටෝසින් මට්ටම, ළඳරුවාගේ පලමු මාසය තුල, ළඳරුවාත් මවත් අතර ඇති බැඳීම පිලිබඳ මනා අවබෝධයක් ලබා ගැනීමට උපකාරි වන බව සොයා ගෙන ඇත. මීට අමතරව ගර්භණී අවධිය ඔස්සේ හා දරු උත්පත්තියෙන් පසු පලමු සති 6 තුලදී අධික ඔක්සිටෝසින් මට්ටමක් පෙන්නුම් කල මව්වරුන්, දරුවා සමඟ සමීප සම්බන්ධතා පෙන්නුම් කර ඇති බව අනාවරණය කර ඇත. එම නිසා ඔක්සිටෝසින් අගය වැඩි වන තරමට දරුවා කෙරෙහි මවගේ ඇති ආදරය සහ අවධානය වර්ධනය වන බව නිසැකය.

තවද අනතුරක් යටපත් වූ පසු ඔක්සිටෝසින් විසින් ආතති හෝමෝනය ප්‍රතිවර්තනය කර ශරීරයේ මාතෲ සෞඛ්‍යය සහ තැන්පත්භාවය නැවත ඇති කරනු ලැබේ. හිතවත් භාවය, රුධිර පීඩනය අඩු අගයක තබා ගැනීම සහ අනිත් අය සමඟ සම්බන්ධතාවයක් පවත්වා ගෙන යාමට ඇති ලැදියාව වැඩි දියුණු කිරීම ඔක්සිටෝසින් හෝමෝනයේ මූලික කර්තව්‍යයකි.

මින් අදහස් කරන්නේ කාන්තාවකගේ ගර්භණී අවධියේ පළමු මාසය තුල ඇයගේ ඔක්සිටෝසින් අගය පහල මට්ටමක පවතී නම් ඇය හොඳ මවක් නොවන බවද? මෙම හෝමෝනය වැඩි කරග ගත හැකි ක්‍රම තිබේද?

මෙම ඔක්සිටෝසින් හෝමෝනයේ රුධිර මට්ටම වැඩි කිරීම සඳහා ඔක්සිටෝසින් පෙති භාවිතා කිරීම කියා දෙයක් නැත. මෙම හෝමෝනය, නාස් ඉස්නය (Nasal Spray) හි තිබුනත් දීර්ඝ කාලයක් භාවිතා කිරීමෙන් මොළයට හානි පැමිණවිය හැකි බව වෛද්‍ය මතයයි. මෙය ක්‍රියාවෙන් කල යුතු දෙයකි.

සුභදායි අන්දමට බලන විට ශරීරයේ ඇති ඔක්සිටෝසින් අගය ඉතා පහසුවෙන් වැඩි කර ගත හැක. සුරතලෙකු හෝ ළඳරුවෙකු ස්පර්ශ කිරීම, භාවනාව, ශරීර සම්භාහනය, ස්වේච්ඡා සේවය , පොතක් රස විඳීම, ගී ගැයීම, ලිංගික සේවනයේ නිරත වීම, යෝගා සහ ව්‍යායාම් වල යෙදීම මෙම හෝමොනයේ අගය වැඩි කිරීමට ඉවහල් වන බව දැන ගත යුතු කරුණකි. දෙමාපියන්, මිතුරන් හෝ අසල්වැසියන් සමඟ සුහද සම්බන්ධතා පැවැත්වීමෙන්ද ඔක්සිටෝසින් මට්ටම වර්ධනය වේ. මෙම හෝමෝනය ” සෙනෙහස් හෝමෝනය” ලෙස සමීක්ෂකයින් හඳුන්වන්නේ ඒ නිසාවෙනි.

ගර්භනී මාතාවන් තම දරුවන්ට මව්කිරි දීම ඔක්සිටෝසින් අගයන් වැඩි කර ගැනීම සඳහා ගත හැකි හොඳම ක්‍රියා මාර්ගයකි. මෙසේ ඔක්සිටෝසින්හි රුධිර මට්ටම ඉහල යාම හේතුවෙන් සෙනෙහසේ සහ සෙනෙහස දැක්වීමේ හැඟිම් උත්තේජනය කරයි. ශරීරයේ ඔක්සිටෝසින් ප්‍රමාණය වැඩිපුර නිෂ්පාදනය වන තරමට ස්නායු පද්ධතියේ ඇති ප්‍රතිග්‍රාහක මඟින් ඉහත සඳහන් කාර්යයම කරනු ලැබේ. මෙය උඩුකුරු වර්ධනයකි.

ඔබ, පලමුවරට මවක් වීම සහ අලුත් බිලිඳෙකු රැකබලා ගැනීම, ඔබේ ජීවිතේට අලුත් අත්දැකීමක් වන බව නොඅනුමානයි. ඔබේ සිතට ඇතිවන දෙගිඩියාව, බය වැනි සිතිවිලි ඇතිවීම සාමාන්‍ය දෙයක් වේ. ඔබේ ජීවිතය ප්‍රශ්න, සිතිවිලි සහ දුකින් පිරී තිබුනත්, ඔබේ අලුත් සුරතල් සිඟිත්තා සමඟ ඇති ගැඹුරු සම්බන්ධතාවය නිසා ඒවා ඔබේ මනසෙන් නැතිවී යා හැක.

ඔබට දෙගිඩියාවෙන් මිදීමට සහ මාතෘත්වයේ ප්‍රතිලාභ නිසිලෙස විඳ ගැනීම සඳහා උදව්වන පහත දක්වා ඇති කරුණු කිහිපයක් පිලිබඳව සලකා බලන්න.

ඔබේ බිලිඳා සමඟ එලියට යාමට බිය නොවන්න.
ඔබේ සිඟිත්තාට ඔබට වගේම නැවුම් වාතය ලබා ගැනීමට අයිතියක් ඇත. එලිමහනෙන් ලැබෙන නැවුම් වාතය දරුවාට ඉතා වැදගත් වේ. දරුවාට මාස 3ක් වන තෙක් සෙනඟ ඇති තැන් වලට යාමෙන් මඟහරින්න. ඔබ, නෑදෑ හිතමිතුරන් බැලීමට යනවා නම්, ඔවුන් දරුවාව ඇල්ලීමට පෙර අත් සෝදන ලෙස ඔවුන්ට උපදෙස් දෙන්න. කුඩා දරුවන්ට ඔබේ බිලිඳා ඇල්ලීමට ඉඩ නොදෙන්න.

ඔබේ හඬන දරුවා ඇඳ උඩ තබන විට, එය වරදක් යැයි නොසිතන්න.

ඔබේ ආතතිය වැඩි නොකර, සන්සුන්ව සිටීමට උත්සහ කරන්න. ඔබ නිරන්තරයෙන් සිඟිත්තාව උසුලාගෙන් සිටීමෙන් වලකින්න. එසේ කලහොත් ඔබේ සිඟිත්තා ඇඳ උඩ තබනවිට කලබලකාරී ලෙස හැසිරීමට පුලුවනි. සිඟිත්තාට ඔබ සමඟ සන්නිවේදනය කිරීමට ඇති එකම හැකියාව හැඬීම පමනි. එහෙත්, ඔබේ දරුවා පැය 3කට වඩා හඬයි නම්, ළමා විශේෂඥයකුගෙන් උපදෙස් ගැනීමට අමතක කරන්න එපා. එය සමහරවිට ආමාශයේ තිබෙන ඇසිඩ් නැවත ආහාර මාර්ගය උඩට ඇදී ඒම නිසා නැතහොත් වෙනත් හේතුවක් විය හැක.

ඔබේ දරුවා නිදාගෙන සිටින අවස්ථාවලදී, ඔබ කකුලේ ඇඟිලි තුඩු අගින් ඇවිදිනවාද නැතහොත් රහසින් කතා කරනවාද?

කතා කිරීම හෝ ඇවිදීම දරුවාට කරදරයක් නොවේ. එයට හේතුව නම්, දරුවා ගර්භාෂයේ සිටින කාලයේදී, ඔහු වටේ තිබෙන ශබ්ද වලට හැඩ ගැසී ඇත. දරුවා ශබ්ද වලට හැඩගැසී ඇති නිසා, ඔබට රෙකෝඩර් (Recorder) එක වැඩි ශබ්දයකින් දැමිය හැකි යැයි නොසිතන්න. ඔබේ දරුවා ඉක්මනින් නැගිටුනහොත්, විදුලි පංකාව ලඟින් දමන්න. එයින් පිටවන කුඩා ශබ්දය නිසා, SIDS සහලක්ෂණය ඇතිවීමේ අවස්ථාවන් අඩුවෙයි.

නිරන්තරයෙන් ශබ්දය වැඩිවශයෙන් ඇති ස්ථානයක ඔබ සිටිනවානම්, විවිධ සුළු ශබ්ද වන දියඇල්ලක ශබ්දය හෝ සුලඟේ ශබ්දය නිකුත් කරන White Noise Device යන උපකරණය දැමීමෙන්, දරුවා හොඳින් සැනසී නිදාගනී.

ඔබේ ළදරුවා මුනින් අතට දැමීම පිලිබඳ බිය නොවන්න.

ළදරුවන් සෑම දවසකම ටික වේලාවකට මුනින් අතට හිඳ කාලය ගත කිරීමට ඉඩ දෙන්න. එයින් ඔවුන් ඔළුව උස්සා බඩගා යන ක්‍රමය ඉගෙන ගනී. දරුවාට මෙම ක්‍රමය පිලිබඳව එතරම් සතුටු නොවූවද, දිනපතා එක වේලාවකට අඩුම තරමින් විනාඩි 5ක් එහෙත් විනාඩි 20ක පමණ නොවැඩි කාලයක්, දරුවා මුනින් අතට තැබිය යුතුය. දරුවා එම ක්‍රමය ඉගෙනගන්න තාක්, ඔබ මෙය සිදුකල යුතුය.

විශේෂයෙන්ම ඔබේ ස්වාමි පුරුෂයාගෙන් හෝ උදව් කිරීමට කැමති අයගෙන් උදව් ලබා ගන්න.

ඔබ දරුවා ලඟ නිරන්තරයෙන් සිටීම හේතුවෙන් ඔබේ ආතතිය වැඩිවිය හැක. එමනිසා ඔබ විටෙන් විට කෙටි විවේකයක් ගැනීමට අමතක නොකරන්න. ඔබේ ස්වාමි පුරුෂයා දරුවා ටික වේලාවකට බලාගන්නා තෙක් ඔබට, ටික වේලාවකට විවේකීව ඇවිදීම හෝ රූපවාහිනිය නැරඹීම කල හැක.