පලමු වතාවට ළදරුවෙකු රැක බලාගන්නා විට ඔබට යම්තාක් දුරට නුහුරු ගතියක් පැවතිය හැක. එය හරියට ඔබ යන ස්ථානය දන්නා වූවද, ඒ ස්ථානයට කෙසේ යන්නේද කියා නිසි අවබෝධයක් නැතුවා සේය. ඒ වගේම ඔබට නිරෝගී, සැපවත් දරුවෙකු බිහිකල යුතු වුවද, ඔබට ඒ පිලිබඳව නිශ්චිත අවබෝධයක් නොමැති ආකාරයෙන් ඔබ කලබලයට පත්වෙයි. ආධුනික දෙමව්පියන් නිතරම වදවන කරුණක් නම්, ඔවුන් වැරදි තෝරාගැනීම් කර එය දරුවාට හානිදායක විය හැකි යැයි කනස්සල්ලෙන් පසු වීමයි. මුල්වරට අත්විඳින මාතෘත්වය හෝ පීතෘත්වය නියත වශයෙන්ම අභියෝගාත්මකය.
දරුවෙකු කෙසේ හදාවඩා ගත යුතුද යන්න පිලිබඳව තද හෝ ස්ථීර නීති නොමැති වූවද, දරුවෙකුගේ සංවර්ධනයේ කඩයිම් බලාපොරොත්තු විය හැකි මාවතක් තිබේ. ඔබගේ දරුවාගේ සංවර්ධන, කායික, හැඟීම්බර සහ බුද්ධිමය ක්‍රියාකාරකම් ලඟාකර ගැනීමේ හැකියාව අනුව ඔබ හරිදේ කරනවාය යන්න පෙන්වීමට සාධකයක් වේ. මේ මාවත ඔබට ඉදිරි මාස වලදී ඔබට අපේක්ෂා කලහැකි දේ පිලිබඳව සංඥාවක් ලබා දෙන අතරම දරුවා යන මඟ පිලිබඳව අනතුරු ඇඟවීමක්ද කෙරේ.
කායික, බුද්ධිමය සහ හැඟීම් සංවර්ධනයේදී ළදරුවන් තම පලමු වසරේදී ආශ්චර්යවත් වැඩීමක් පෙන්නුම් කරයි. ඔවුන් ජීවිතය පටන්ගන්නේ අසරණ වූ අලුත උපන් බිලිඳුන් ලෙසයි. නමුත් වසරක් තුල ඔවුන් ඉඳ ගැනීමට, දණ ගෑමට, ඇවිදීමට, දිවීම සහ ඔවුන්ගේ මුවින් පිටවන පලමු වචන පිටකිරීමට ඉගෙනගනී.
සෑම ළදරුවෙකුම පොදු වූ සංවර්ධන අවධියක් පසු කරයි. සෑම දෙමව්පියකුම සිය දරුවා වැඩෙනවාත් සමඟ නිරීක්ෂණය සහ පිළිපැදිය යුතු මූලික සංවර්ධන සළකුණු තිබේ.
උපන් දවසේ සිට මාස තුන දක්වා කාලය
ළදරුවෙකුගේ ජීවිතයේ පලමු මාස කිහිපය ගත වන්නේ ගර්භාෂයෙන් පිටත ලෝකයට අනුගත වීමටය. මේ මුළු ලෝකයම ඔවුන්ට බලවත් ලෙස පෙනෙයි. දරුවන් හැඬීම මඟින් ඔවුන්ගේ කායික තත්වය සන්නිවේදනය කරයි. උදා: ඔවුන්ට බඩගිනි සෑදුන විට, අපහසුවෙන් සිටින විට, බිය වීම් හෝ තෙත්වීම. මේ සෑම අවස්ථාවකදීම එම හැඬීමට මව හෝ පියා ප්‍රතිචාර දක්වන විට, දරුවා තම දෙමව්පියන් සමඟ ආරක්ෂාව තිබෙන බව දැනීමට පටන් ගනී.
මේ කාල වකවානුවේදී බිලිඳා සිනහසීමට, තම මව හඳුනා ගැනීමට, පයින් ගැසීමට සහ අත්පා සෙලවීමට ඉගෙන ගනී. අත්පා හසුරුවා ගැනීමට ඉගෙන ගනී.
මාස තුනේ සිට 6 දක්වා කාලය
මේ කාල වකවානුවේදී ඔබගේ දරුවා පිටස්තර ලෝකය දැකීමට මහත් සේ උනන්දුවක් දක්වයි. ඔහු හෝ ඇය බාහිර ලෝකයට සම්බන්ධ වීමට මෙන්ම විශේෂයෙන් තමන් රැකබලාගන්නා පුද්ගලයින් හා සම්බන්ධ වීමද ආරම්භ කරයි.
මේ කාල වකවානුව තුල ඔබගේ දරුවා පෙරලීමට හිස එසවීමට සහ විවිධ වස්තූන් ඇල්ලීමටත් ඉගෙන ගනී. එමෙන්ම දරුවා ඔවුන්ගේ සතුට සහ ප්‍රීතියද ප්‍රකාශ කිරීමට පටන් ගනී. දෙමව්පියන් තම දරුවා ස්නානය කිරීම රස විඳිනවාද නැතහොත් අනිත් ක්‍රියාකාරකම් ද ඉතා ඉක්මනින් හඳුනා ගනී.
මාස 6 සිට 9 දක්වා කාලය
බාහිර ලෝකයත් සමඟ දරුවන් සම්බන්ධ වීමට පටන් ගත් පසු දරුවාගේ වටා සිදුවන දේවල් පිලිබඳ වැඩියෙන් සොයා බලන කාලයක් එයි. මේ කාලයේදී දරුවා නාඳුනන පුද්ගලයන් දැකීමෙන් හැඬීමට පටන් ගැනීම හෝ අලුත් පුද්ගලයන් වටා සිටින විට ඉතාමත් ප්‍රීතියෙන් පසු වීම හෝ ඔබ නොපෙනුන විට කලබල වීම සිදුවිය හැක. ඔවුන් වටා ඇති අලුත් ලෝකය ගවේෂණය කිරීමට පටන් ගැනීමත් සමඟ ඔවුන් බියගැන්විය හැකි අවස්ථාවන්ට ඇතැම්විට මුහුණදෙයි. නමුත් බිය නොවන්න. ඔවුන්ද නව හැකියාවන් සංවර්ධනය කරගන්නා අතර ඔවුන්ගේ අවට පරිසරය පිලිබඳ ඉගෙනගන්නා බව අමතක නොකරන්න.
මාස 9 සිට 12 දක්වා කාලය
බොහෝ දරුවන් මේ කාලයේදී ගවේශණය කිරීමට පෙලඹෙයි. ඇතැම් දරුවන් නාඳුනන පුද්ගලයන්ට බියවීම හෝ අලුත් තත්වයන් පෙන්වයි. කෙසේ නමුත් ඔවුන් තමන්ගේ පෞර්ෂත්වය අලුත් හැකියාවන් සමඟ සංවර්ධනය කරගනී. දොලොස්වන මාසයේදී දරුවන් එකතැන නොසිටියි. ඔවුන් දණගැසීමටත්, නැගිට සිටීමටත් ඇතැම් විට ඇවිදීමටත් පටන් ගනී. මේ වයසේදී දරුවන් වැඩියෙන් සන්නිවේදනය කිරීමටත් පටන් ගනී. ඔවුන් වචනයක් හෝ ඊට වැඩියෙන් කීමටත්, හිස සෙලවීමටත් සහ ඔබ කතා කරන විට ප්‍රතිචාර දැක්වීමටත් පටන් ගනී.
දරුවාගේ ජීවිත කාලයේ පලමු වසර තුල හැඟීම්බර, සමාජීය සහ කායික හැකියාවන් ඉගෙන ගනී. මේ සෑම දෙයකින්ම ඔවුන්ව ස්වාධීන කරවීමට උගන්වයි. ආදරයෙන්, කරුණාවෙන් තම උණුසුම සහ රැකවරණය ලබා දීම මඟින්, ඔබේ දරුවාගේ සංවර්ධනයට උදව් දියහැක. තවද ඔබේ දරුවා සමඟ ඔවුන්ගේ වටා ඇති ලෝකය පිලිබඳ නිරන්තරයෙන් කතා කිරීම, ගායනය කිරීම, සිනාසීම සහ දිනපතා ඔවුන් සමඟ ක්‍රීඩා කිරීම මඟින් ඔවුන්ට තවදුරටත් උදව් විය හැක.
