ගර්භණී කාලය තුල සහ පශ්චාත් ගර්භණී කාලය තුල සිදුවන කෙස් හැලීම කෙරෙහි හෝමෝනවල අඩු වැඩි වීම බලපානු ඇත.
ගර්භණී කාලය තුල සහ දරු ප්‍රසූතියෙන් පසු මාස කිහිපයක කාලය තුල කාන්තාවකගේ කෙස්වල ඝනත්වය සහ දීප්තිය, නිරතුරුවම වෙනස්වීම්වලට ලක් වේ.
කෙස්වල වර්ධන අවධියක් සහ අක්‍රිය අවධියක් දක්නට ඇත.මෙහි 90%ක් පලමුව සඳහන් කාලය තුල දැකිය හැකි අතර 10% ක ප්‍රමාණයක් දෙවනුව සඳහන් කාලය තුල දැකිය හැක.ගර්භණීභාවය, එස්ට්‍රජන් හෝමෝන අගයන්හි වර්ධනයකට හේතුවන අතර එය කේශ වර්ධනයකට අනුබල දෙයි.මෙම කාලය බොහෝ ගර්භනී මාතාවන් ඉතා පෝෂිත කෙස් කලඹක් ලබා ගැනීමට භාග්‍යවන්ත වන අතර 60%ක පමණ ප්‍රමාණයකගේ සැලකිය යුතු කෙස් අඩුවීමක් වාර්තා වී ඇත.
ගර්භණී කාලය
ගර්භණීභාවයේදී, 80%ක පමණ කෙස් ප්‍රමාණයක් අක්‍රිය අවධියට ගමන් කරන අතර රෝම කූප කෙස් හැලීමේ චක්‍රයකට අවතීර්ණ වේ.මෙම කාලය තුලදී සිදුවන කෙස් හානිය පිලිබඳව බොහෝ කාන්තාවන් බිය උපදවා නොගත යුතු වන්නේ ගර්භණී කාලය තුල මෙවැනි සිදුවීමක් බලාපොරොත්තුවෙන් සිටිය යුතු නිසාවෙනි.මේ හේතුවෙන් හිසේ මුඩු තැන් ඇතිවීමක් නොවන අතර එසේ සිදු වූවද එම ප්‍රදේශ ඉක්මනින් කෙස්වලින් වැසී යනු ඇත.සමහර කාන්තාවන් තමන්ගේ කෙස් හැලී යාමේ ප්‍රමාණය පිලිබඳව ඉතා සැලකිලිමත් වන්නේ නම් අඩු විටමින් අගයන් තිබීම එයට හේතුවයි.ගර්භනී මාතාවන්ට පූර්ව ප්‍රසව විටමින් වර්ග සමග ෆෝලික් අම්ලය ගැනීමට බොහෝ වෛද්‍යවරු නිර්දේශ කරති. කේශ චක්‍රය මාස 6 සිට 12 දක්වා කාලයකදී යථා තත්වයට පත් වේ.
ගර්භනී කාලයෙන් පසු
බොහෝ කාන්තාවන්, ගර්භනී කාලයෙන් පසු අධික කෙස් හැලීමක් පිලිබඳව වාර්තා කරයි.හෝමෝන් අගයන්හි අඩු වැඩි වීම් මෙයට හේතුවයි.දරු ප්‍රසූතියෙන් පසු එස්ට්‍රොජන් අගයන් අඩු වීමට පටන් ගන්නා අතර ඉතුරු හෝමෝන තුලනය කර ගැනීමට, ශරීරයට යම් කාලයක් ගත වේ.දිනකට හිසකෙස් 110ක පමණ ප්‍රමාණයක් හැලී යාම සාමාන්‍ය දෙයක් වූවත් මින් දෙගුණයක ප්‍රමාණයකින් සමහර කාන්තාවන්ගේ කෙස් හැලීම සිදු විය හැක.මුඩු සහිත සහ සිහින් කෙස් ඇති ස්ථාන ඇතිවීම සාමාන්‍ය දෙයක් වන අතර මෙය තාවකාලික සිදුවීමකි.
ගර්භනී කාලය තුල සහ පසු හිස කෙස් හැලීම වලක්වා ගැනීමට උපදෙස්.
මේ සඳහා පහත සඳහන් උපාය මාර්ග සහ නිර්දේශ අනුගමනය කිරීම වැදගත්ය.
* හෝමෝන තුලනය කර ගැනීම පිලිබඳව වෛද්‍යවරයකු සමග කථා කරන්න.ඔහු හෝ ඇය අතිරේක ඖෂධ ගැනීම පිලිබඳව උපදෙස් දෙනු ඇත.
* රෝම කූප සහ කෙස් පට ශක්තිමත් කර ගැනීමට උණුසුම් තෙල් වර්ගයක් හිස ගල්වා සම්බාහනය කරන්න.
* පෝනිටේල් දැමීම සහ කොණ්ඩය බැඳීමට රබර් පටි පාවිච්චි කිරීමෙන් වළකින්න.හිසකෙස් හැලීම සහ හිස කෙස් ඇදීම වලක්වා ගැනීම සඳහා “ක්ලින්චර්ස්” කොණ්ඩ රඳවන (Crocodile Clips) භාවිතා කරන්න.
*ප්‍රෝටීන් අධික ආහාර, එළවළු සහ පලතුරු අනුභව කරන්න.මෙය හිස කෙස් වර්ධනය සඳහා අනුබල දෙයි.
* හිස පීරීම සඳහා පළල් දැති ඇති පනාවක් පාවිච්චි කිරීමෙන් කෙස් අග පැලීම වළක්වා ගත හැක.
*කොණ්ඩා වියලන සහ කොණ්ඩා දිග හරින උපකරණ භාවිතා කිරීමෙන් වළකින්න.
*ගර්භනීභාවයෙන් පසු හිස කෙස් යථා තත්වයට පත්වීමට යම් කාලයක් ගත වේ.හිස කෙස් තරමක් තුනීව සහ දීප්තියකින් තොරව තිබීම ගැන නොරිස්සුම් ගතියක් නොදක්වන්න.
*මනා කෙස් කලඹක් තබා ගැනීමට ඉහත සඳහන් උපදෙස් සමහරක් පිළිපැදීමට වග බලා ගන්න.
