සාර්ථක යුගදිවියකට සාර්ථක පවුල් සංවිධානයක් අත්‍යවශ්‍යයි. ඒ දරුවන් ඇති වීම සීමා කිරීමට පමණක් නොවේ. තමන්ට අවශ්‍ය දරුවන් සංඛ්‍යාව අවශ්‍ය පරතරය ඇතිව තමන්ට අවශ්‍ය කාලයට සැලසුම් සහගත ලෙස ලබා ගැනීම සඳහායි.
පවුල් සැලසුමේ අරමුණු
- පළමු දරු උපත පමා කිරීම
- දරුවන් අතර පරතරයක් පවත්වා ගැනීම
- දරු උපත්වලින් පසු ගැබ් ගැනීම සීමා කිරීම
- දරුවන් නොමැති අය සඳහා දරුවන් ලබා ගැනීමට උපකාර වීම
පවුල් සැලසුම හරහා මවට, දරුවාට පමණක් නොව සමාජය වෙතද හිමිවන වාසි රැසකි. ඒ නිසාම පවුල් සංවිධානය සම්බන්ධ සාර්ථක කරම හා ඒ සඳහා සුදුසු නිෂ්පාදන පිළිබ`දව ඔබ දැනුවත් කිරීම අපගේ යුතුකමයි.
මාගේ හොඳම තේරීම – මිතුරි
ශ්රී ලංකා පවුල් සෞඛ්‍ය සංවිධානය මගින් අලෙවි කරනු ලබන ජර්මනියේ බෙයර් හෙල්ත් කෙයාර් සමාගමේ නිෂ්පාදනයක් වන මිතුරි ඉතා ආරක්‍ෂිත, විශ්වසනීය, තාවකාලික පවුල් සැලසුම් ක‍්‍රමයකි. මිතුරි අවශ්‍ය නොවන දරු ගැබක් ඇති වීමේ අවදානමින් ඔබ මුදාගනී. එබැවින් ”මිතුරි” විවාහ ජීවිතයට ඉතා වැදගත් වේ.
මිතුරි සුදුසු කාටද?
පළමු දරු උපත පමා කිරීමට දරුවන් අතර පරතරයක් තබාගැනීමට හෝ තවත් දරුවන් අවශ්‍ය නැති කාන්තාවන්ට ”මිතුරි” සුදුසුය. නිරෝගී කාන්තාවකට වයස අවුරුදු 50 තෙක් මිතුරි පෙති පාවිච්චි කළ හැකියි.
මිතුරි පාවිච්චිය ආරම්භ කරන්නේ කෙසේද?
මාසික ඔසප් වීම ඇති වී මුල් දින 5 ඇතුළත ලබාගැනීම වඩාත් සුදුසුය. කාඞ්පතෙහි ඊතල සළකුණු ස`දහන් පැත්තේ ඉහළ වම් කෙළවරේ ඇති ලා කහ පැහැති පෙත්ත ඉවතට ගෙන ගිලින්න. එයින් පසු දිනපතාම එකම වේලාවකදී දිනකට එක පෙත්ත බැගින් ගන්න. නිල් පාට ඊතලය අනුගමනය කරමින් පිළිවෙළට කාඞ්පතෙහි පෙති අවසන් වන තුරුම පාවිච්චි කරන්න. අන්තිම දුඹුරු පාට පෙත්ත ගත් දිනට පසු දින සිට අලූත් ”මිතුරි” පැකැට්ටුවකින් පෙති ගැනීම සිදු කරන්න. සෑමවිටම අමතර ”මිතුරි” පෙති පැකැට්ටුවක් ළ`ග තබාගැනීමට අමතක නොකරන්න.
පෙති ගැනීම අමතක වුණොත්?
එක පෙත්තක් අමතක වුවහොත් පසු දින පෙති දෙකක් ගන්න. පිට පිට දින දෙකක් පෙති ගැනීම අමතක වුවහොත් ඊළ`ග දින දෙකේදී දිනකට පෙති දෙක බැගින් ගන්න. ඊට පසු දිනයේ සිට දිනකට එක පෙත්ත බැගින් පාවිච්චි කරන්න. ඊට අමතරව දින 7 ක් යනතුරු කොන්ඩමයක් පාවිච්චි කරන්න.
වැඩි විස්තර දැනගැනීම සඳහා ”මිතුරි” පැකැට්ටුව තුළ ඇති පත‍්‍රිකාව කියවන්න.
දරු ප්‍රසූතියකට පසු මිතුරි පෙති ආරම්භ කළ යුත්තේ
ළදරුවාට මව්කිරි ලබා නොදෙන මව්වරුන්ට සති හතරකට පසුව ද මව්කිරි ලබා දෙන මව්වරුන්ට මාස 6 කට පසුවද (මව්කිරි ප‍්‍රමාණය අඩු විය හැකි නිසා), මිතුරි පෙති ලබාගැනීම ආරම්භ කළ හැකිය.
ගබ්සා තත්ත්වයකට මුහුණ දුන් කාන්තාවක් මිතුරි පෙති ආරම්භ කළ යුතු ආකාරය
- හෝමෝන පෙතිවලින් අරඹන්න
- දිනපතා එකම වේලාවක එක් පෙත්ත බැගින් ලබාගන්න
- පැකැට්ටුව පිටුපස ඇති ඊතල සලකුණු අනු පිළිවෙළට ගන්න
- හෝර්මෝන පෙති 21 ට පසු සියලුම හෝර්මෝන නොවන පෙති 7 ගන්න (සමහර පැකැට්ටුවල හෝර්මෝන පෙති 21 පමණක් ඇත. එවැනි අවස්ථාවල දින 7 ක් කැලැන්ඩරයේ සටහන් කර අටවන දින සිට නැවත හොර්මෝන පෙති ගන්න)
- අතුරු ආබාධ අවම කර ගැනීම සඳහා රාතී‍්‍ර ආහාර වේලෙන් පසු ලබා ගැනීම වඩා සුදුසුය
මිතුරි පෙති ඉතා සාර්ථක පවුල් සංවිධාන ක‍්‍රමයකි. පෙති ලබාගැනීම ආරම්භ කළ මුල් අවස්ථාවේදී ඔක්කාරය, හිසරදය, කැරකිල්ල, පියයුරුවල වේදනාව, ඔසප් වීම අතරතුර මද වශයෙන් ඇතිවන රුධිර වහනය වැනි සුළු ආබාධ මාසකින් දෙකකින් ම`ගහැරී යයි. පවුල් සංවිධාන ක‍්‍රමයක් ලෙස මිතුරි පෙති භාවිතයේ තවත් වාසි රැසකි. පෙති ලබාගැනීම නැවැත් වූ වහාම දරුවෙකු පිළිසිඳ ගැනීමට අවසථාව ඇත. එමෙන්ම මාසික රුධිර වහනය අවම වීමෙන් රක්තහීනතාවය ඇති වීමේ අවදානම ද අඩු වේ. ඔබේ ඔසප් චක‍්‍රය ක‍්‍රමවත්ව සිදුවේ. ඔසප් වීම සමග ඇතිවන උදර වේදනාව මෙන්ම ශාරීරික අපහසුතා අවම වේ. වෙනයම් රෝගාබාධ නැති කාන්තාවන් සඳහා වයස 50 වනතෙක් අඛණ්ඩව භාවිත කිරීමේ කිසිදු වරදක් නොමැත. ඔසප් වීම ප‍්‍රමාද කිරිම සඳහා ද භාවිත කළ හැකි ක‍්‍රමයක් ලෙස මිතුරි පෙති හඳුන්වා දිය හැකි අතරම ඩිම්බකෝෂ/ගර්භාෂ පිළිකාවලින් ආරක්‍ෂා වීමට ද ඔබට සහය වේ. ලිංගික සංසර්ගයේ යෙදීම හෝ නොයෙදීම ගැන නොසලකා අඛණ්ඩව මිතුරි පෙති භාවිත කරන්න.
– ශ්රී ලංකා පවුල් සංවිධාන සංගමයේ දැනුවත් කිරීමකි–
