- Advertisement -

මගේ අම්මටයි තාත්තාටයි මාව තේරුම් ගන්න බෑ

-

ඔබ ඔබේ දරුවා නියමාකාරව අවබෝධ කරගෙන සිටින්නේද. එසේ නොමැති නම් දරුවා සිය ගැටළු වලදී අනියම් මාර්ගවලින් පිහිට පැතීමට උත්සහා කරනවා. දරුවාගේ ප්‍රශ්න දෙස පුළුල් ලෙස බලමින් ඔහුගේ බලාපොරොත්තු, හැගීම්වලට හවුල් වෙමින් උපකාර කිරීම දරුවන් දෙමාවුපියන්ගෙන් බලාපොරොත්තු වේ. දරුවා බියට පත් වූ අවස්ථාවක ඔහුට පිළිසරණක් වීම, හුදෙකලා වූ අවස්ථාවක් ඔහුට ආදරය ලබා දීම හෝ යම් වැරද්දක් නිතරම සිදු කරන විට දරුවා හික්මවීම ඔබ විසි සිදු කල යුතුය. ඔබ සහ ඔබේ දරුවා අතර පවතින බැදීම තවදුටත් ශක්තිමත්ව ඉදිරියට ගෙන යා හැක්කේ මතු කි කරනා වලට ඔබද හවුල් වීමෙනි.

මගේ දෙමවුපියන්ට මාව තේරුම් ගන්න බැරි බව දරුවා පවසන්නේ නම් ඔබ ඔබේ දරුවා බලාපොරොත්තු වන දේවල් හැගීම් ආදිය අගය කිරීමට සමත් වී නොමැති බව එමගින් ගම්‍ය වේ. අද බොහෝ තරුණ තරුණියන් යම් ගැටළුවක් ආ විට සිතනුයේ මේක අපේ අම්මට තාත්තාට කිව්වාට වැඩක් නෑ. එයාලා මාව හරියට තේරුම් ගන්න එකක් නෑ යන ආකාරයට සිතයි. එවැනි අවස්තාවක් දරුවන් තම ගැටළු කාට හෝ පවසා විසදුම් සොයා ගැනීමට විවිධ මාර්ග සොයයි. ඇතැම් විට එය දරුවාගේ ජීවිතය අකාලයේ විනාශ වන මාර්ගයක් විය හැකිය. එසේ සිදු වුවහොත් නැවතත් දරුවා නිවැරදි මාර්ගයට ගැනීමට ඔබ සිත විට සිදු විය යුතු බොහෝ දෑ සිදු වී තිබිය හැකිය. දරුවාට තිබෙන ඕනෑම ප්‍රශ්නයක් ඔබ සමග ප්‍රකාශ කල හැකි වටපිටාවක් ඔබ සකස් කල යුතුය. ඇතැම් දරුවන් කියනුයේ මට මගේ අම්මටයි තාත්තටයි කියන්න බැරි දෙයක් නැති බවයි.

- Advertisement -

ඔබට පුළුවනි ඔබේ දරුවාගේ හොදම යෙහෙළිය බවට පත් වන්න. දරුවාගේ විස්වාසය නිතරම ආරක්ෂා කරන්න. ඔබට යමක් දරුවා පැවසු විට එය තවත් අයෙකු සමග පවසන්න එපා. එවිට දරුවට ඔබ කෙරෙහි පැවති විස්වාශය බිද වැටෙනවා. එවිට දරුවා දරුවාගේ ජිවිතයේ රහසිගත දේවල් ඔබ සමග ප්‍රකාශ නොකිරීමට දරුවා වගබලා ගන්නවා. තරුණ වයසේ දරුවන්ට විවිධාකාර ගැටළු තිබිය හැකිය. විශේෂයෙන් ප්‍රේමය පිලිබදව ගැටළු, ලිංගික ගැටළු ආදී දෑ මෙවැනි වයසේ පසු වන දරුවන්ට තිබිය හැකිය. එවැනි ප්‍රශ්නවලට දඩුවම් සිදු කරනවාට වඩා ඔහු සමග කතා බහා කිරීමෙන් ඉතාමත් සාර්ථක පිළිතුරක් ලබා ගත හැකිය. දරුවා යම් ගැටළුවක් පැවසු විට ඔහුට ඒ පිලිබදව නිදහසේ කතා කරන්න ඉඩ හරින්න. දරුවාට අවශ්‍ය වන්නේ ඔබේ සවන් දීමයි. ඔබ ඔහුට නියමාකාරයෙන් සවන් දෙන බව දරුවාට අගවන්න. ඉන් පසු විසදුම් කරා යන්න. එමෙන්ම ඔබ දරුවාගේ සෑම ගැටලුවකදිම අත් නොහැර ලගම සිටින බව දරුවාට දැනෙන්න දෙන්න. එසේ ඔබ සිදු කිරීමෙන් දරුවාට ඔබ පිලිබදව දැඩි විස්වාසයක් හට ගනී.

පටු මානසිකත්වයෙන් තොරව දරුවාගේ ගැටළු වලට පිළිතුරු ලබා දෙන්න. ඔබට ඔබේ දරුවාගේ ගැටළු විශාල ගැටළුවක් බවට නොදෙනෙන්න පුළුවනි. නමුදු දරුවට එවැනි ගැටළු ප්‍රබල ලෙස දැනේ. මන්ද ඔබට මෙන් දරුවට අත්දැකිම් නොමැත. දරුවාගේ මානසිකත්වය පිලිබදව මනා ලෙස තේරුම් ගෙන දරුවාගේ ගැටලුවලට පිළිතුරු ලබා දෙන්න.

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article