- Advertisement -

වෙසක් පොහොය දරුවන්ගේ අත්දැකීමක් කරන්න

-

වෙසක්  වචනය ඇසූ සැනින්ම දරුවාගේ සිතට ඇති වෙන්නේ විදුලි බුබුලු සැනකෙලියක් සහ දන්සැල් ගැන සංකල්පයක් පමණක් වෙන්නත් පුලුවනි. වෙසක් පොහොය නිමිති කර ගෙන මුල් තැනක් ලබා දිය යුත්තේ ප්‍රතිපත්ති පූජාවට වුනත් අද හැම තැනින්ම ඇහෙන්නේ පෙනෙන්නේ ආමිෂ පූජාවන් වෙනුවෙන් තිබෙන විශාල උද්‍යෝගයක්. ආමිෂ පූජාවන් සමග අපි ප්‍රතිපත්තිමය පැත්තට යොමු වීමත් අවශ්‍යයි.

දරුවන්ට ගුණ ධර්ම කියා දෙන්න

වෙසක් පොහොය මුල් කර ගෙන අපි ප්‍රතිපත්තිමය පාර්ශවයටත් යොමු වීම ඉතා වැදගත්.දරුවන්ගේ හදවතට වඩාත් සමීප වෙන විදිහට මව්පිය උපස්තාවය, වැඩිහිටියන්ට , ගිලනුන්ට, අසරණයන්ට පිහිට වීමේ වැදගත්කම පෙන්වා දෙන්න. බුදුරජාණන්වහන්සේගේ ධර්මය මෙම ගුණධර්ම මත රැඳී පවතින බවත් ඔවුන්ට පෙන්වා දෙන්න.

- Advertisement -
ආමිෂ පූජාවන්ටත් ඉඩ දෙන්න

අද ආමිෂ පූජාවන්ට වැදගත් තැනක් දෙන යුගයක්. මේ නිසා ඔබත් දරුවාට ආමිෂ පූජාවන් වෙනුවෙන් සහයෝගය ලබා දෙන්න. එදා සිංහල අලුත් අවුරුද්ද ගෙවුන තැන පටන් ළමා ලපටින් පටන් ගන්නේ වෙසක් වෙනුවෙන් කූඩු බැඳීමටයි. මේ තත්වය දරුවන්ට ඉතා මිහිරි අත්දැකීමක්. අද වෙසක් කූඩු වෙළඳපොලෙන් මිළට ගැනීමට හැකි නිසා දරුවන් ඒ වෙනුවෙන් එතරම් වෙහෙස මාන්සියක් නැහැ. ඒ වුනත් දරුවෙකුට මේ අත්දැකීම ලබා දීම අවශ්‍යයි. අද උණ බට ආදිය පරිසරයෙන් සොයා ගැනීම අපහසු බව ඇත්ත. ඒත් කුමක් හෝ හෝ විකල්පයක් ඒ වෙනුවෙන් ලබා දෙන්න. ඇතැම් අවස්ථාවන්හි බීම බට යොදා ගෙන මේ වෙසක්කූඩු නිර්මානය කරනවා. අනේ අපිට වෙසක්කූඩුවක් හදන්න විදිහක් නැහැ කියන මැසිවිල්ල වෙනුවට සම්බුදු තෙමගුල වෙනුවෙන් දරුවා සූදානම් කිරීම ඒ අන්දමින් සිද්ධ විය යුතුයි.

ප්‍රවේසම් වීම

වෙසක්කූඩු නිර්මානයේදී දරුවන්ගේ නොසැලකිල්ල සහ වැඩිහිටියන් විසින් ආරක්ෂාව ලබා නොදෙන නිසා විවිධ අනතුරු ඇති වෙන්න පුළුවනි. බට පතුරු කපන තැන පටන් වෙසක් පහන් කූඩු දල්වන තෙක් ගින්දර සහ විදුලියෙන් විය හැකි අවදානම බොහෝ සේ ඉහලයි. වෙසක් අවසාන වී ඔබ පුවත්පතක් බලන්න. වෙසක් කූඩුව වෙනුවෙන් විදුලි සම්බන්ධතාවයන් ලබා දීමට දැරූ උත්සාහයේදී විදුලි සැර වැදීමෙන් ඇති වනු අනතුරු බොහෝය. පොල්තෙල්  පහන් සහ බකට් පහන් දල්වන්න ගොස් ඇඳුමට ගිනි ඇවිලී තුවාල ලත් දරුවන් ගැනත් අසන්නට ලැබෙනවා. මේ නිසා ඔබ නිතරම දරුවාගේ නිර්මානශීලී වෑයම පිටුපසින් සිට ඔවුන්ගේ ආරක්ෂව ගැන සහතිකය ගොඩ නගා ගන්න.

පුංචි පුංචි බණ කතා කියා දෙන්න

වෙසක් කාලයේ ඔබ තොරන් බලන්නට දරුවාද කැටුව යනු ඇත. එහිදී ඔබේ ඇස විදුලි එලියේ ආලෝකයෙන් පමණක්්සෑහීමට පත් නොවන්න.තොරණක් වෙනුවෙන් නිමිති කර ගත් බණ කතාවක් ඇත. දරුවාට ඒ බණකතාව සමග එයින් ලැබෙන ආදර්ශය කියා දෙන්න. මෙම කතාවෙන් ජීවිතය හැඩ ගසා ගැනීමට ලැබෙන  වටිනා ආදර්ශ කියා දීමට වටිනා අවස්තාවක් ලැබෙනු ඇත. වෙසත් දිනයන්හිදී බණ කතාවක් කියා දෙන්නට ඒ වෙනුවෙන්ම ඉඩක් ලබා ගැනීම අපහසු කාර්යකි. වෙසක් කාලයේදී ඒ

වෙනුවෙන්ම ලැබෙන කාලයෙන් දරුවාගේ චරිත සංවර්ධනයට අවශ්‍ය බණ කතාවන් කියා දීමට ඔබත් නොදැනම අවස්ථාව ලැබෙන නිසා ඒ අවස්ථාව කිසිදු ලෙසකින් අත් හරින්න එපා.

ආගමික වැඩසටහන් වෙනුවෙන් සම්බන්ධ කරන්න

වෙසක් උත්සවය මුල් කර ගෙන බොහෝ පිංකම් පාසල් මට්ටමින් මෙන්ම දහම්පාසල් මට්ටමින් සිදු වේ. එහිදී පාසලේ සිද්ධ වෙන දාන , ශීල , භාවනා වැඩසටහන් වෙනුවෙන් දරුව‍ා අනිවාර්යෙන්ම සම්බන්ධ කරන්නේ පාසලේ විනය නීති තුළින් දරුවාට ලබා දී ඇති ආවරනය නිසාය. එහෙත්..දහම් පාසලේදී මේ තත්වයෙන් දරුවා නිදහස්ය. සිල් ගත්තාද නොගත්තාද කමක් නැත. ඒ වෙනුවෙන් දඬුවම් ලැබෙන්නේද නැත. දඬුවම් ලැබුනොත් ඒ  වෙනුවෙන් විකල්ප ඇත. එම දහම්පාසලෙන් ඉවත්ව වෙනත් දහම් පාසලකට ඇතුලත් වීමට බාධාවක් නැත මව්පියන්ද දහම්පාසලේ ප්‍රායෝගික කටයුතු ගැන එතරම් කැපවීමක් දක්වන්නේ නැත. එහෙත් අපේ අවශ්‍යතාවය වන්නේ දරුවා ගුණදහමින් පෝෂණය කිරීමයි. එය පාසලෙන් වේවා දහම්පාසලෙන් වේවා  එය විය යුත්තකි. එබැවින් වෙසක් පිංකම් මුල් කර ගෙන පවත්වනු ලබන ප්‍රායෝගික වැඩසටහන් වෙනුවෙන් දරුවා සම්බන්ධ කිරීම මගින් චරිත සංවර්ධනයට ලැබෙන ආලෝකට සුලුවෙන් සැලකිය නොහැක.

සංවර ව අඳින්න

වෙසක් යනු සැනකෙලියක් නොවේ. එය ආගමික උත්සවයකි. මේ නිසා පන්සල් බිමකට යන විට අදින පලඳින ආකාරයක් ඇත. ඒ ගැනත් දරුවන්ට කියා දීම මෙන්ම ඔබත් ආදර්ශමත් ලෙසින් ආගමික කටයුතු වෙනුවෙන් සම්බන්ධ වෙන්න. පාතේගම ඤානිස්සර ස්වාමින් වහන්සේ විසින් රචිත අපූරු කිවියක් මහනුවර වැල් බෝධියේ ඩිජිටල් පුවරුවක සටහන් කර තිබුණි. පන්සල් බිමකට පැමිණෙන විට එබ් ඇඳුම සකස් විය යුත්තේ කෙසේද යන්න එම කවියෙන් ඉස්මුතුව තිබුනේ මේ අන්දමටයි.

නැටුමක් නැහැනේ බෝධිය ළඟ නටන්නට
එනිසා සුදෝසුදු ඇදුමෙන් සැරසෙන්න
කෙස් ටික සංවරව පීරා ගෙන එන්න
එහි තරඟයක් නැහැ ඔබෙ රුව තෝරන්න
බුදුවරු මාර දූවරු දෙස බැලුවෙ නැත
එනිසා නිරුවතින් නාවට කමක් නැත
බෝමැඩ වටා සීතල මද පවන් ඇත
ඇඳුම්වල ජනේල නැතුවට කමක් නැත

 

මේ අන්දමින් වූ පද පේලි මගින් වචන දහස් ගණනකින් කියැවෙන අදහස් ඉතා සියුම් සේ හදවත ස්පර්ශ වන ලෙසින් නිර්මානය කර ඇත. බාල කාලයේ පටන් මව්පියන් විසින් දරුවා තැනට ගැලපෙන ලෙසින් සූදානම් කලේ නම් අද මෙවන් කවි අපිට ගයන්නට සිද්ධ නොවෙනු ඇත. එසේ නම් අනාගතය මුල් කර ගෙන ඔබේ දරුවාට මෙවන් අඩුපාඩු නොවන ලෙසින් හැසිරෙන අන්දම කියා දීමේ මෙහෙවර දෙමව්පියන් වශයෙන් ඔබ අද බාරගන්න.

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article