දරුවෙකුට ආදරය සෙනහස වගේම බුද්ධිය ලබා දීමේදිත් වඩාත් බලපෑමක් ලැබෙන්නේ අම්මාගෙන් බව නවතම අධ්‍යනයන් මගින් පෙනී ගොස් තිබෙනවා. මව්පිය ආරය සහ පරිසරය දරුවන්ට බලපාන බව සාමාන්‍ය පිලිගැනීම වුනත් බුද්ධිය වෙනුවෙන් මවගෙන් ලැබෙන දායකත්වය සනාථ කිරීමට ජර්මන් ජාතික වෛද්‍ය ජෙනිෆර් ස්ටුවර්ට් විසින් ප්‍රකාශයට පත් කරන ලද අධ්‍යන වාර්තාව වඩාත් හේතු වී තිබෙනවා.
ඔහුගේ මෙම අධ්‍යනය වෙනුවෙන් ජර්මනියේ යූ. අයි. එම් විශ්ව විද්‍යාලයේ සමීක්ෂනයද පාදක කර ගනු ලැබීය. එම අධ්‍යනය මගින් හදුනා ගත් අන්දමට කාන්තාවන් බුද්ධිය සපයන එක්ස් වර්ණ දේහ දෙකකට හිමිකම් කියන නිසා දරුවන්ගේ බුද්ධිය වෙනුවෙන් මවගෙන් ලැබෙන මෙම ජානය වඩාත් වැදගත් බැව් පෙන්වා දෙනවා. කාන්තාවන්ගේ නුවණ හැදිමිටේ දිගට සමාන කලත්, මෙම අධ්‍යනයන් මගින් පෙන්වා දෙන අන්දමට පිරිමින්ගෙන් 30 % ක් පමණ දෙනා බුද්ධිය පිලිබඳ ඌනතාවයන්ගෙන් පෙලෙන පිරිසක් බව පෙනී ගොස් ඇත. මෙම දත්ත පාදක කර ගෙන පර්යේෂක “සුඩා රෝස්” පෙන්වා දෙන්නේ දරුවන්ගේ බුද්ධිය වෙනුවෙන් මවගේ බලපෑමක් ඇති බව පිලිගත යුතු සත්‍යක් බවට පත් වෙන බවයි.
විද්‍යාත්මක පිලිගැනීමට අනුව දරුවෙකුගේ බුද්ධිය වෙනුවෙන් ආරය සහ පරිසරය විශාල බලපෑමක් ඇති කරනු ලැබේ.එය 60% ක් තරම් ඉහල අගයක පවතී. දරුවාගේ බුද්ධිය වර්ධනය වෙනුවෙන් අදාල පරිසයේ බලපෑමද බොහෝ විට ලැබෙන්නේ මව ගෙන් බව නොරහසක්. පියා පවුලේ ආදායම සරි කරනු මිස පරිසරයෙන් දරුවාට අවශ්‍ය දැනුවත්බව ලබා දීමෙහි ලා එතරම් දායකත්වයක් දක්වන්නේ නැත. එහෙත් අම්මා යාන්තමින් දරුවා දෙනෙත් විවෘත කරන ලද දිනයේ පටන්ම දරුවාට ලබා දෙන්නේ දැණුමයි. නැලවිලි ගීතයේ පටන්ම ඇය දරුවාට ලබා දෙන දැණුම අඩුවක් නැත. කවිය , ගීතය , මගින් ඇය දරුවාට අත්දැකීම් එකතු කරන්නීය. සුන්දර සිතුවිලි වලින් රසභාවයන් පෝෂණය කරන්නීය. මේ නිසාම අද දරුවන්ගේ බුද්ධි මට්ටම සහ ඔවුන් බිහි කරන ලද මව්වරුනගේ බුද්ධි මට්ටම අතර ඇත්තේ සියට 15 ක පමණ වෙනසක් බව සුඩා රෝස් ගේ අධ්‍යන වාර්තාවේ සඳහන් වේ.
මිනිසෝටා විශ්ව විද්‍යාලයේ පර්යේෂණ වාර්තාවකින් හඳුනා ගත් අන්දමට මව සමග ඉතාම සමීප සම්බන්ධතාවයක් දක්වන දරුවන් අනාගතයේදී ඉතාම දක්ෂයන් බැව් පෙනී ගොස් ඇත. බාල කාලයේ පටන් අම්මාගේ ඇසුර වෙතින් ලබන ශක්තිය නිසා දරුවාට තමා පිලිබඳව විශ්වාසයක් ගොඩ නැගීම රහසක් නාවේ. මේ නිසාම ඔහු අනාගත අභියෝගයන් බාර ගන්නා නිසාම ඒ වෙනුවෙන් ලබන අත්දැකීම් සහ පරිසරයෙන් ලබන පන්නරය නිසා බුද්ධියෙන් සන්නද්ධ වීමට අවශ්‍ය පෙර සූදානම ලබනු ඇත. වොෂිංටන් විශ්ව විද්‍යාලයය විසින් මව සහ දරුවා අතර වූ අන්තර් සම්බන්ධතාවය ඔවුන්ගේ බුද්ධිය සදහා සිදු කරනු ලබන බලපෑම අධ්‍යනය කිරීමට දරුවන්ගේ මොලයේ ඉගෙනුම හා මතකයට ප්‍රතිචාර දක්වන “හයිපොකැම්පස් ” කලාපය පිලිබ ව පරීක්ෂා කරන ලදී. එහිදි ඔවුන්ට පැහැදිලිව පෙනී ගියේ මව සමග සමීප සම්බන්ධතාවයක් දක්වන දරුවන්ගේ බුද්ධි මට්ටම සාමාන්‍යයෙන් මව සමග බැඳීමක් නොමැති දරුවන්ට වඩා සියයට පහලොවකින් ඉහල මට්ටමක පැවැති බවයි.
මෙතැනදී ඔවුන් බුද්ධිය යනුවෙන් අදහස් කරනු ලැබුවේ පාසල් හා උසස් අධ්‍යාපනය මුල් කර ගත් පසුබිම පමණක් නොවේ. අභියෝග ඉදිරියේ මුහුණ දිම, ගැටලු නිරාකරනය, ස්වාධීනබව වැනි විවිධ කරුණු ඔවුන්ගේ අධ්‍යනය වෙනුවෙන් පාදක විය. දරුවන්ගේ නොමග යෑමේදී බොහෝ දෙනා දොස් නගන්නේ මවටයි. එහෙත් සමාජයට හිතකර දරුවෙක් දායාද කළ විට අම්මා මුල් කර ගෙන විශේෂ ඇගයීමක් ලැබෙන්නේද නැත. එම අවස්ථාවන්හිදී බොහෝ විට එහි සම්මානයට විශේෂණ පදය ලෙසින් ගලපන්නේ පියාගේ ලේ උරුමයයි. එහෙත් මෙතෙක් ඔබ නොදැන සිටියත් දරුවා බුද්ධිමත් වීමේදී වඩාත් දායක වන්නේ මවගෙන් ලැබෙන බුද්ධිමත් බව පිළිබඳ ජානයයි. මේ අනුව පෙනී යන්නේ අම්මලා දුක් ගනිමින් පුතුන් රජුන් කරන්නට උත්සාහ ගන්නේ ඔවුන් මුල් කර ගෙන තමන්ගේ ජානගත ශක්තින්ද සපයමින් බව දැන් ලෝකයා තේරුම් ගෙන ඇත.
