තනිව ආහාර ගන්න දවසට මේ ගැන හිතන්න…

lonley-woman

මිළ මුදල් විය පැහැදම් කරල උයා පිහා ගත්තු දේ කන්න බොන්න තවත් සම්මාදමක් ඕනයැ…කෙනෙක් එහෙම කිව්වත් සමහර උදවියට තනියම ආහාර බුදින්න අපහසුයි. ඒත් තමන්ගේ කැදැල්ල නොදැනීම විසිරෙන විට තනියම කන්න බොන්න සිද්ධ වෙන දවසකුත් උදා වෙනවා.

ඒ නිසා අපි පෙරලුන පිට හොඳයි කියල හිත හදාගෙන තනියම කාලා බීලා ජීවිතයට අනිවාර්යෙන්ම මුහුණ දෙන්න ඕන. පසුගිය වසර දෙක තුළ තනිව ආහාර ගැනීම සඳහා පැමිණෙන පුද්ගලයන්ගේ වැඩි වීමක් දක්නට ලැබෙන බව “Open Table” නම් ජාත්‍යන්තර අවන්හල් සමාගම සිදු කළ සමීක්ෂණයක සඳහන් වෙනවා.

එක්සත් ජාතීන්ගේ සහ යුරෝස්ටැට් දත්ත අනුව ලෝකය පුරා තනියම ජීවත් වෙන පිරිස මිලියන 300 ක්. කවදා හෝ දිනක ඔබත් මේ කාණ්ඩයට ඇතුලත් වුනොත් ඒ ගැන හිත හදා ගන්න බී.බී.සී පුවත් සේවයේ “ශිලා ඩිලාන්” විසින් පෙන්වන මේ කරුණු හේතු වේවි.

තනියම ආහාර ගනිද්දී අපි කැමැති තැනක ඉන්න කන්න බොන්න පුලුවන්…

තනියම ආහාරපාන බුදින විට අපේ කැමැත්ත අනුව ආහාර පිලියෙල කර ගන්න පුලුවනි. සමහර විට ඔබ පැස්ටාවලට වැඩි කැමැත්තක් තිබෙනවා නම් තවත් අය ඒ වෙනුවෙන් කැමැත්තක් නොදැක්වුවත් ඔබේ මනාපය අනුව මේ ආහාරය වෙනුවෙන් යොමු වීමට ඔබට බාධාවක් නැහැ. සමහර විට දූරියන් සමහර කරවල වර්ග වැනි අපුල ගන්ධයක් විහිදෙන ආහාර මේ විදිහට තනියම කන බොන වේලාවට කිසිම බාධාවක් නැතුව බුදින්න නිදහස ලැබෙනවා.

ඒ වගේම සමහර උදවියගේ විවිධ එකතු තිබෙනවා. උදාහරණයක් විදිහට කිරිබත්, ඉදිආප්ප සමහර අය කිරි සහ සීනි සමග ආහාරයට ගනින්දී තවත් කෙනෙක් ඒ ගැන අප්‍රියතාවය පෙන්වන්න පුලුවනි. තනියම ආහාර ගනිද්දී  මේ වගේ බාධාවන් නැහැ.

ඔබට ප්‍රමාණවත් තරම් සකස් කර ගන්න පුලුවනි…

කීප දෙනෙක් සමග ආහාර ගනිද්දී එහි ප්‍රමාණ ගැන තක්සේරුවක් කිරීම අපහසුයි. ඒත් තනියම ආහාර පිසින විට හාල්, එළවලු සහ වෙනත් අතිරේක ගැන වුනත් දල ඇස්තමේන්තුවක් ඔබටම තිබෙන නිසා අපතේ යෑම් බොහෝ දුරට අඩු වෙන්න පුලුවනි.

සෞඛ්‍ය සම්පන්න විදිහට සකස් කර ගන්න පුලුවනි..

ඇමරිකානු හදවත් සංගමය පෙන්වා දෙන අන්දමට සෞඛ්‍ය සම්පන්න ආහාර වේලක් පිළියෙල කර ගැනීමේදී තමන් විසින් තනියම එය බුත්ති විදීමට තිබෙනවා නම් වඩාත් යහපත්. තවත් අයටත් ආහාර පිලියෙළ කරන විට මේ අවස්ථාවේ මග හැරීම 60%ක් ඉහලයි. ඒකට හේතුව ඔබ දනන්වා. තෙල්, පොල්කිරි ඔබට අගුණ වුනත් අනිත් අයගේ ආහාර රස ගැන්වීම නිසා මේවා මග හැර ආහාර පිසින්න බැහැ. ඒ නිසා රසයටත් වැඩි අවධානයක් යොමු වෙනවා. ජෝර්ජියා විශ්ව විද්‍යාලයේ සිදු කරන ලද සමීක්ෂණයකින් පෙන්වා දෙන අන්දමට බොහෝ දෙනෙක් වෙනුවෙන් පිලියෙළ කරන ලද ආහාර ඔවුන් සමග එක්ව ගැනීමේදී සාමාන්‍ය තරමටත් වඩා 40 % කින් ඒ ප්‍රමාණය වැඩි වෙන්න පුලුවනි.

තැනැක් ගැන…

අපි සාමාන්‍යයෙන් පිරිසක් සමග ආහර ගැනීමේදී විධිමත්බවක් තිබෙනවා. මේසයකට සූදානම් කරල , යම් පිළිවෙලකට අනුව ආහාර ගැනීමේ රටාව අපි අතර තිබෙනවා. ඒත් තනියම ආහාර ගනිද්දී වෙනත් වැඩක් කරන, ගමන්ම ආහාර ගැනීමට පුලුවනි. යම් පුද්ගලයෙකුට තනිව ආහාර ගැනීමට පුරුදු වීම අපහසු වනු ඇත. නමුත් එම පුරුද්ද වැඩි දියුණු කරගත් පසු නිවසට කොටු නොවී, සැබෑ ලෝකය තුළ සිදුවන දෑ නරඹමින් ආහාර ගැනීමට අවස්ථාව සැලසේ.

වෙනත් අයගේ අශෝභන පුරුදු නිසා හිරිහැරයක් නැහැ…

සමාජයක කන බොන විට වෙනත් අයගේ අප්‍රසන්න පුරුදු ඔබට හිරිහැරයක් වෙන්න පුලුවනි. තලු ගසන විට, ශබ්ද නගමින් කන බොන විට එය අප්‍රසන්න විය හැකියි. සමහර අය මේ විදිහට අප්‍රසන්න ශබ්දවලට දක්වන අකැමැත්ත “මිසොෆෝනියා (misophonia)” නැමැති මානසික රෝග තත්වය විදිහට හැඳින්වෙනවා. තනියම ආහාර බුදින විට මේ වගේ අපහසුතාවයනුත් බොහෝ දුරට අඩු වෙන්න පුලුවනි.

වෙලාවත් ගැටළුවක් නැහැ…

පිරිසක් සමග ආහාර ගනිද්දී අපි ඒ හැම දෙනාම එකතු වෙන තුරු රැඳී සිටින්න වෙනවා. ඒ නිසා සමහර අවස්තාවලදී ඔබේ බඩගින්නත් මග ඇරෙන්න පුලුවනි. තනියම ආහාර ගනිද්දී මේ වගේ අතුරු ගැටළු නැහැ. බඩගිනි වුනා නම් තවත් ප්‍රමාද නොවී ඔබේ ආහාරය ඔබට බුදින්න නිදහස තිබෙනවා.

හැබැයි මේ සියලු අදහස් ගැලපෙන්නේ සාමාන්‍යයෙන් වයස සමග පවුලේ තනියම ජීවත් වෙන උදවියටයි. දරු මල්ලන් ඉන්න. පිරිසක් නම් එකතු වෙලා ආහාර ගැනීම තමයි වඩාත්ම ගැලපෙන්නේ…පවුල විතැන් වුනාම ඉතින් තව දුරටත් ඒ ගැන මැසවිලි නගනවා වෙනුවට ඉහත දැක්වෙන විදිහට හිත හදා ගැනීම මිසක වෙන මොනවා කරන්නද නේද….?

– බී.බී.සී ඇසුරිනි –

 

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here