එකට ගත හැකි සහ නොගත යුතු ආහාර

අපි ආහාර පිළියෙල කර ගැනීමේදී විවිධ සංයෝගවලින් ආහාර පිළියෙල කර ගැනීමේ කලාව අතීතයේ පටන්ම ඉතාම ජනප්‍රියයි. ඒ නිසාම විවිධ විදිහට අත්හදා බැලීම් වෙනුවෙන් යොමු වෙනවා. අලුත් දේ වෙනුවෙන් යොමු වුනත් ඒවායේ ගුණාගුණ ගැනත් දැන ගෙන හිටියොත් වඩාත් අගෙයි නේද..?

උදේ ආහාරය පුංචි පැටියට වඩාත් හොඳින් දෙන අදහස හැම දෙමව්පියෙක් වෙනුවෙන්ම සාධාරණයි.ඒ නිසා අද බෙහෝ දෙමව්පියන් උදේ ආහාරය වෙනුවෙන් ඕට්ස් සකස් කරනවා. හැබැයි එදාට දොඩම් යුෂ වීදුරුව කපා හරින්න.දොඩම් බිව්වොත් එහි තිබෙන ආම්ලික බව නිසා පිෂ්ටය අවශෝෂණය පමා කරනවා.

ඒ වගේම කෙසෙල් සමග කිරි එක අවස්ථාවකදීම ලබා දෙන්න එපා. මේ වර්ග දෙකම පෝෂණයෙන් ඉහල නිසා ජීරණය පිළිබඳ ගැටළු ඇති වෙන්න පුලුවනි.

තක්කාලි සුප් බිව්වොත් ඒ සමග චීස් අතිරේකත් එපා. තක්කාලිවල ඇති අම්ලගතිය චීස් සමග ප්‍රතික්‍රියා කරන නිසා දිරවීමේ අපහසුතා ඇති වෙන්න පුලුවනි.

 නිවිතිවල ඇති ඔක්සලේට් කිරි සමග ප්‍රතික්‍රියා කරන නිසා මේ සංයෝගයත් ගැලපෙන්නේ නැහැ. බේකන් සහ බිත්තර එකම වේලාවට ලබා දෙන්න එපා. පැටියාගේ ඉල්ලීම සහ පෙරැත්තය ගැනට වඩා මේ ආහාර දෙකම එකට ගැනීම සුදුසු නැහැ.

අපි ගෙදර දොරේ පුංචි පැටවුන්ට කන්න බොන්න දෙන්නත් පිලිලෙත් තියෙනවා.දෙමව්පියන් විදිහට අපේ කැමැත්ත තියෙන්නේ කොහොම හරි දරුවාට කවා පොවා ලොකු මහත් කරන්නයි. ඒත් මේ ආහාර ඔබත් නොදැනීම දරුවාට අපථ්‍ය හෙවත් නොගැලපෙන්න ඉඩ තියෙනවා. ඒ දරුවාගේ වැරැදද්ක් නොවෙයි, ආහාර ජීරණ පද්ධතියෙන් ලැබෙන පනිවිඩයක්. ඒ නිසා පවුලේ අයට ආහාර ලබා දෙන විට ටිකක් අවදානය දැක්විය යුතු කරුණුත් කීපයක් තිබෙනවා.යෝගට් පුංචි පැටවුන්ට නිතරම ලබා දෙන අහාරයක්. 

බොහෝ දරුවන් යෝගට්වලට කැමැත්තක් දක්වනවා. ඒත් ප්‍රදාන ආහාර වේලක් ආසන්නයේදී යෝගට් දීම නම් එතරම් හොඳ නැහැ.එකක් උදරයේ ආම්ලිකතාවයක් ගොඩ නැගෙනවා. ඒ වගේම පළතුරු සමග වගේම තක්කාලි එකතුව යෝගට් දෙන්න එපා. පළතුරු දෙන්න අදහසක් තිබෙනවා නම් යෝගට්ද…එහෙම නැත්නම් පළතුරුද බවට තීරණය කරන්න…දෙකම එකට ලබා දුන්නොත් දරුවාට විතරක් නොවයි, ලොකු අයටත් අහිතකර වෙන්න පුලුවන්.ආහාර පාලනය කරන වැඩිහිටි දරුවෝ වුනත් යෝගට් එකකින් රාත්‍රි වේලා සීමා කරගන්නවා නම් එය හවස හයට හයහමාර වගේ වේලාවට ආහාරයට ගන්න.

ඒ වගේම මස්, මාළු, මිරිස්, වම්බටු සහ අර්තාපල් වගේ ආහාර සමග කිරි එකතු කර ගන්න එපා.

රටකජු නම් අපි කවුරුත් කැමැති ආහාරයක්. රටකජු වුනත් පමණ ඉක්මවා ආහාරයට ගැනීම එතරම් සුදුසු නැහැ. ඒ වගේම රටකජු පැටියාට දුන්නොත් කිරිවේල ප්‍රමාද කරන්න. එහෙම නැත්නම් අන්තරයක් තියල රටකජු දෙන්න පුලුවනි.

බෝංචි සමග  චීස්, බිත්තර, කිරි සහ යෝගට් එකතු කරන්න එපා.

ඒ වගේම ගිතෙල් සහ මීපැණි එකට සංයෝග කිරීම අගුණයි වගේම මීපැණි රත් කිරීමත් එතරම් හොඳ නැහැ.

  • එකට සංයෝග කරන්න පුලුවන් දේ…

අපට නිවසේ පිළියෙල කරන මැල්ලුම නිවසේ සිටින අයට ප්‍රමාණවත් නැත්නම් කියල හිතුනොත් ඒ වෙනුවෙන් ගොටුකොළ,තම්පලා,මුකුණුවැන්න වගේ තවත් පලා වර්ගයක් එකතු කරන්න පුලුවනි. මේ මැල්ලුම හඳුන්වන්නේ ‘‘කලවම් පලා මැල්ලුම‘‘යන නමිනුයි.

.  කරවල සහ හාල්මැස්සන් තනිකරම හදන්නේ නැතුව වම්බටු,මාළුමිරිස්,බොම්බයි ලූණු වගේම තක්කාලි එකතු කරන්න පුලුවනි. හැබැයි හාල්මැස්සන් සමග තක්කාලි එකට පිස ගැනීම කාලය සමග වකුගඩු ගල් ඇති වීමට හේතු වෙනවා.

කජු වගේ දේ තනිකරම වුනත් ආහාරයට ගැනීම අපහසු නැහැ.ඒත් මිළ ඔරොත්තු නොදෙන නිසා කජු සමග කැරට්,පරිප්පු එකතු කරන්න පුලුවනි.

  • හත්මාළුව

බක් මාසය සමග ඇති වෙන උෂ්ණ කාලගුණ තත්වයේදී සිරුර සමහන් කරන ගුණයක් හත්මාළුවේ ඇතැයි පිළිගැනේ. ඒ අඩුපාඩුව හත් මාලුවෙන් පිරිමැහෙනවා.කැරට්,කජු විටමින් ‘‘ඒ‘‘ අන්තර්ගත නිසා හදවතට ගුණයි. කජුවල මේදය නිසා සිරුරට ශක්තිය ලැබෙනවා.

සම්ප්‍රදායික හත්මාළුව ලෙස සැලකෙන්නේහොද්ද,තැම්බුම,මැල්ලුමනියඹලාව,බැදුම,දිය මස් සහ ගොඩමස් යන හතයි.

තවත් අදහසක් අනුව හොද්ද,තැම්බුම,මැල්ලුම,පැලහුම,නියඹලාව,ආනම සහ බැදුමයි.

සබරගමුවේ හත්මාලුව පිළියෙල කිරීමේදී කජු,තිබ්බටු,කොස් ඇට,වට්ටක්කා ,කොහිල දලු, අලු කෙසෙල්,ලපටි කහට ගෙඩි, නිවිති සහ තම්පලා ඇතුලත් වෙනවා.මේ සියල්ලට මිරිස්,තුනපහ,රම්පෙ,කරපිංචා,රතුළූණු,කුරුඳු පොතු,අමුමිරිස් ආදිය සමග තැම්බෙන්න අවශ්‍ය තරම් දියකිරි දමා හොඳින් තැම්බුනාම මිටිකිරි එකතු කරන්න.-

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here