- Advertisement -

රිය පදවන කොයි කවුරුත් දැනගත යුතු කරුණු රැසක්

-

නීතිගරුක බව, අවධානය, සැලකිලිමත් බව වගේම නිවැරදි ඉරියව් භාවිතයත් අපේ ජීවිතයට ලොකු අස්වැසිල්ලක් කිව්වොත් නිවැරදියි. ඒ ඉහත සඳහන් කළ සියල්ලම අපේ එදිනෙදා ජීවිතයට බාධා කරන නිසයි. අප අතින් සිදු වන ඇතැම් වැරදි මුළු මහත් සමාජයටම හානිදායක විය හැකිවනවා පමණක් නොවෙයි. එවැනි තත්ත්වයන් අපි කාගේත් එදි නෙදා වැඩකටයුතු සියල්ල අඩාල කරනවා. අද වන විට කාන්තා පුරුෂ පාර්ශවයන් දෙපිරිසම රිය පැදවීමට බොහෝ සෙයින් යොමු වෙලා ඉන්න නිසා රිය පැදවීම ගැන දැනුවත් කිරීම බොහොම වැදගත් කියලා අපි හිතුවා.

රිය පැදවීමට පෙර ඔබට,

- Advertisement -
  • රිය පැදවීම සඳහා අදාල සුදුසුකම් සපුරා තිබිය යුතුය
  • කායික ආබාධ තත්ත්ව නොතිබිය යුතුය 

උදාහරණ ලෙස අඝාත තත්ත්ව, හිරි වැටීම්, පේශී දුර්වලතා 

  • නිසි මානසික සෞඛ්‍ය තත්ත්වයෙන් සිටිය යුතුය
  • මානසික ව්‍යාකූල තත්ත්වයන්වලදී රිය පැදවීම නොකළ යුතුය

උදාහරණ ලෙස යම් මානසික පීඩනයක්, තද බල ප‍්‍රශ්නයක්, කෝප ගැන්වීම සිටීම, අධික දුක/සතුටකින් පසුවීම 

  • මත්පැන් බී ඇත්නම් කිසිවිටකත් රිය පැදවීම නොකළ යුතුය. 

එය තමා මෙන්ම අන් අයගේද ජීවිත අනාරක්‍ෂිත කරන අතරම සැමවිටම එය වැළැක්විය යුතුය. මත්පැන් භාවිත කරන උත්සවවලදී ඒවා භාවිත කරන අය රිය එදින රිය පැදවිය යුතු නොවන්නේ නම් පමණක් ඒවා ලබාදීම සංවිධායකයන්ගේද වගකීමක් සහ යුතුකමකි. එසේ නොවන්නේ නම් දැන දැනම එම අය අනෙක් අයත් අනාරක්‍ෂිත කිරීමට අනියම් අන්දමින් වගකිව යුතුය.

  • රියදුරන්ගේ විනය, නීතීගරුක බව තදින්ම තිබිය යුතුය.

අද ලංකාවේ මාර්ග අනතුරු වලින් මිය යන ප‍්‍රමාණය අධික බැවින් සැම විටම මාර්ග නීති පිළිපැදිය යුතුමය

රිය පැදවීම සූදානම් ‍වීමේ අපේ සිරුරේ ඉරියව්ව නිසි ලෙස පවත්වා ගන්නේ කෙසේද?

රිය පැදවීමේදී නිවැරදි ඉරියව් අනුගමනය නොකිරීම නිසා ඇති වෙ ආබාධ තත්ත්ව හේතුවෙන් අද වන විට බොහෝ දෙනෙක් වෛද්‍යවරුන්ගේ වගේම භෞතචිකිත්සකවරුන්ගේ උපදෙස් පතනවා. මේ තත්ත්වයේදී කොන්දේ වේදනා, උරහිසේ වේදනා, දණහිස් කැක්කුම්, බත් කෙන්ද පේශියේ වේදනා, නොයෙකුත් හිරි වැටීම් සහ සන්ධිවල තද වීම් වැනි ආබාධ තත්ත්ව හේතුවෙන් කාන්තා පුරුෂ කවුරුත් රෝහල් වෙත පැමිණෙනවා. අන්න ඒ නිසාම මේ කරුණු ගැන සැලකිලිමත් වෙමු.

  1. තමන්ගේ රියැදුරු අසුන සකස් කළ (adjust)යුතුය

එය කිරීමේදී පළමුව බ්‍රේක් පැඩලය යටටම පාගන්න. එවිට ඔබේ දණහිස 1200 ක් පමණ නැවී තිබෙන ලෙසට රියදුරු අසුන ඉදිරියට හෝ පසුපසට ගෙන එන්න. 

  1. සුක්කානමට උඩින් ඉදිරිය පෙනෙන ලෙස අසුන උස් පහත් කරගත යුතුය. 
  2. අසුන සහ ඔබගේ කඳ අතර හිඩැසක් නැති වන සේ හොඳින් හේත්තු වී අසුනේ පසුපසට වන සේ ඉදගෙන 

අසුනේ කෝණය (950 – 1100 පරාසයක් වන්නේ නම් සුදුසුය) සකස් කරගත යුතුය. 

  1. සුක්කානම තමාගේ ශරීරයට සමාන්තරව තිබේ නම් වඩාත් සුදුසුය. එය ඩෑෂ් බෝඩ් එකට වඩා උස්ව තිබේ නම් ඉදිරිය තමාට හොඳට පෙනෙන ලෙස එය සකස් විය යුතුය. ඉන් අනතුරුව සුක්කානම සහ තමා අතර පරතරය සකස් විය යුතුය. එනම් සුක්කානමට අත් තැබූ විට වැලමිට සන්ධිය 1200 ක් නැවී තිබෙන ලෙසය. තවද අත් අතර පරතරය සුක්කානමේ මැද සිට අඟල් 10 ක් විය යුතුය. 
  2. හිස රඳනය (Head restraints) ඔබගේ ඇස් බැමි මට්ටමට වඩා උසින් එය තිබිය යුතුය. 

පහත රූපයේ ඇති පරිදි ඔබගේ ඉරියව් පවත්වා ගතහොත් ඔබට ආබාධවලින් තොරව රිය පැදවිය හැක.

රථ වාහන අනතුරු අවම කරගැනීමට

  • චලනය වන වාහනයක් නවතා ගැනීමට කොපමණ කාලයක් ගත වේද්‍ර යන්න ගැන රියැදුරාට අවබෝධයක් තිබිය යුතුය.
  • විභව උපද්‍රවයක් හඳුනාගැනීමට තිරිංග යෙදීම හොඳම ක‍්‍රියාමාර්ගය බව තීරණය කිරීමට ගත වන කාලය රියදුරු අනිවාර්යයෛන් දැන සිටිය යුතුය.
  • මෝටර් රථයේ වේගය, පාරවල්වල තෙත් බව, තිරිංගවල ගුණාත්මකභාවය යන කරුණු වෙත අවධානය යොමු කළ යුතුය.
  • යම් දෙයක් අනතුරක් ලෙස හඳුනාගැනීමට හැකියාව පැවතිය යුතුය (පුද්ගලයෙකුගේ මොළයට කොපමණ කාලයක් ගතවේද යන්න සාමාන්‍යයෙන් තක්සේරුව තත්පරයෙන් ¾ කි)
  • හැකි හැම විටම නියමිත වේගය පවත්වා ගැනීමට උත්සාහ කළ යුතුය.

රියදුරුගේ ප‍්‍රතික‍්‍රියා කාලය ඇතුළත් කළ විට පැයට සැතපුම් 20 ක වේගයෙන් යන වාහනයක් රියදුරු තිරිංග පැඩලය පෑගූ පසු නැවත්වීමට අඩි 20 ක පමණ ගතවනු ඇතත් පැයට හැතැප්ම 40 ක වේගයෙන් යන වාහනයක් නතර කිරීමට පෙර අඩි 80 ක ඉඩ ප‍්‍රමාණයක් ආවරණය කිරීමට අවශ්‍ය වේ. මේ තත්ත්වය පාරේ සුමට රළු තත්ත්වය අනුව තව වෙනස් වේ. එබැවින් අඩු වේගයකින් යන්නේ නම් අනතුරු අඩු කරගත හැක.

  • මාර්ග නීති රීති අකුරටම පිළිපැදිය යුතුය

අපේ රටේ රියදුරන් නීති උල්ලංඝනය කිරීම සුලභ දසුනකි. මං තීරු නීතියට අනුගතව නොවන බොහෝ රියදුරන් වාහන තදබදයක් ඇති විට වැරදි පැත්තෙන් ඉස්සර කිරීම, විරුද්ධ තීරුවේ වාහන පැදවීම, කහ ඉරි මතින් ඉස්සර කිරීම නිතර දක්නට ලැබේ. 

 

විශේෂඥ මතය, අදහස සහ මූලික සටහන:

ආචාර්ය ජාලිය උඩුවැල්ල

– භෞතචිකිත්සක අධිකාරී, රිජ්වේ ආර්යා ළමා රෝහල, කොළඹ

 

 


 

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article