දරුවාගේ පූර්ව භාෂා කුසලතා පිළිබඳ ඔබ දැනුවත් ද? (01 කොටස)

දරුවා මෙලොව එළිය දුටු දා සිට භාෂාව ඉගෙනීම අරඹයි. භාෂා වර්ධනය නිවැරදිව සිදු වීමට පූර්ව භාෂා කුසලතා ඉතා වැදගත් වේ

  1. පූර්ව භාෂා කුසලතා යනු කුමක්

දරුවකු මෙලොව එළිය දුටු දා සිට වාචික සන්නිවේදනය දියුණු වීමට රුකුල් දෙන පූර්ව කුසලතා පූර්ව භාෂා කුසලතා ලෙස සරලව හඳුන්වා දිය හැකිය. පූර්ව භාෂා කුසලතා දරුවාගේ භාෂා වර්ධනය ට ඉමහත් ලෙස බලපෑම් ඇති කරන අතර දරුවා වාචික සන්නිවේදනය ආරම්භ කිරීම ට පෙර සිදු වන අවාචික සන්නිවේදනය හා පූර්ව භාෂා කුසලතා දරුවාගේ නිසි භාෂා වර්ධනයට මනා පිටුවහලකි.

  1. භාෂා කුසලතා යටත ට ගැනෙන දරුවාගේ කුසලතා මොනවාද?

දරුවා වාචික සන්නිවේදනය ට පෙර අවාචික සන්නිවේදනය සිදු කරන අතර දරුවා වාචික සන්නිවේදනය ඉගෙනීමට රුකුල් දෙන කුසලතා එනම්, 

  • අංග චලන භාවිතය 
  • මුහුණේ ඉරියව් භාවිතය 
  • මුහුණ දෙස බලා සිනා සීම 
  • අනුකරණය 
  • අවධානය ලබා දීම  
  • ඇහුම්කම් දීම 
  • ඇසට ඇස බැලීම ආදී බොහෝ කුසලතා අතර වේ.  මෙම කුසලතා දරුවා වාචික සන්නිවේදනය ට පූර්ව සූදානම් කරනු ලබයි. 
  1. පූර්ව භාෂා කුසලතා වැදගත් වන්නේ ඇයි?

දරුවා වාචිකව තම දෙමව්පියන් අමතනු දැකීම, වාචිකව වචන, වාක්‍ය  කතා කරනු දැකීමට සෑම දෙමාව්පියෙක් තම දරුවා පළමු වසර අවසන් කරන තුරු සිටිනුයේ ඉමහත් නොඉවසිල්ලකිනි. එමනිසා දරුවා වාචික සන්නිවේදන ඉගෙන ගැනීමට ගනු ලබන කාලය තුළ පූර්ව භාෂා කුසලතා දියුණු වීම ඊට ඉමහත් බලපෑමක් කරනු ලබයි. 

උදාහරණයක් ලෙස දරුවා හට තම මව දෙස බැලීම, මව ගේ හඬට අවධානය දීම, ඇහුම්කන් දීම අපහසුයි නම් දරුවා හා තමාව අතර ඇති විය යුතු සුහද  සන්නිවේදනය ඇති වීම බාධා ඇති කරනු ලබයි. එපමණක් නොව දරුවා තම මවගේ මුහුණ දෙස බලමින් සිනාසීම, ශබ්ද නැගීම ආදිය පමා කරනු ලබයි. තවද දරුවා අනුකරණය නොකරයි නම් තම මව මුවින් නගන ශබ්ද හෝ දරුවා අනුකරණය කිරීම පමා කරනු ලබයි. 

එම නිසා දරුවා ගේ පූර්ව භාෂා කුසලතා වල ගැටළු ඇත්නම් දරුවාගේ භාෂාව අවබෝධය හා භාවිතයේ ගැටළු ඇති කරනු ලබයි. එම නිසා දරුවාගේ මෙම  කුසලතා පිලිබද පිළිබඳ සැලකිලිමත් වීම ඉතා වැදගත් වේ. 

  1. පූර්ව භාෂා කුසලතා වල ගැටළු හඳුනා ගනු ලබන්නේ කෙසේද?

දරුවාගේ කුඩා කාලයේ බොහෝ විට දරුවා සමීපයේ සිටින දරුවාගේ මව යි. මව  හා දරුවා අතර ඇති වන සන්නිවේදනය හා සම්බන්ධතාවයක් සමඟම පූර්ව භාෂා කුසලතා වල ගැටළු හඳුනා ගැනීම පහසු කරයි. උදාහරණ ලෙස, 

  • දරුවා මවගේ මුහුණ දෙස නොබලයි නම් 
  • දරුවා මුහුණ දෙස බලමින් සිනා වීම සිදු නොකරයි නම් 
  • දරුවා ශබ්ද නගන හෝ කතා කරන විට ඇසට ඇස නොබලයි නම් 
  • ශබ්ද නඟන සෙල්ලම් බඩු, ගීත ගායනා වලට දරුවා අවධානය හා ඇහුම්කන් දීම සිදු නොකරයි නම් 
  • දරුවා තම දෙමව්පියන් හෝ සමීපතමයෙක් අනුකරණය සිදු නොකරයි නම් 
  • සෙල්ලම් කරන විට ඊට සම්බන්ධ වීම මග හරි නම්  
  • දරුවා හට තම වාරය පැමිණෙන තුරු රැඳී සිටීමට අපහසු යි නම් 
  • දරුවා සෙල්ලම් කරන විට වාර නොගනී නම්  මේ පිළිබද සැලකිලිමත් වීම වැදගත් වේ. තවද එක් එක් දරුවන් පෙන්නුම් කරන ගැටළු වෙනස් වන බව කිව යුතුම ය. 

 

කථන හා භාෂා චිකිත්සක සජිනි පෙරේරා මහත්මිය විසිනි.

 

අප වෙබ් අඩවියට වරින් වර ලිපි සපයන බාහිර ලියුම්කරුවන්ගේ ලිපි සියල්ල මෙම පොදු profile එක හරහා පල කෙරෙනු ඇත.

LEAVE A REPLY

Please enter your comment!
Please enter your name here