බද්ධ දරුවන්ගේ උපත පිලිබඳ ඉතිහාසය ඉතා දිගු අතීතතයකට අයිතියි.මුලින්ම බද්ධ දරුවන් ගැන තොරතුරු අහන්නට ලැබිලා තියෙන්නේ 1811 වසරේ චොන්ග් සහ එන්ග් බන්කර් යන දෙදරුවන් ගැන. ඒ තායිලන්තය හෙවත් එදා සියම යනුවෙන් හැඳින්වුන ප්‍රදේශයෙන්.මේ දරුවන් බද්ධ වෙලා හිටියේ ඔවුන්ගේ ශරීරයේ කඳ ප්‍රදේශයෙන් වූ අතර මේ දෙදෙනාගේ වෙන් කිරීම වෛද්‍ය ඉතිහාසයටත් එක් වුනා.මෙම ඉතිහාසගත ශල්‍ය කර්මය සිදු කරනු ලැබුවේ පී. ටී. බර්මන් නැමැති වෛද්‍යවරයා විසින්. ඒ නිසාම මෙම සංසිද්ධිය ” සියැම්ස් ට්වින් “ Siamese twins. යනුවෙන් ඉතිහාසයට එක්වුනා. ඔවුන්ගේ නාමය මොනතරම් දුරට ඉතිහාසයට එක්වූවාද යත් කැරොලිනා ප්‍රදේශයේ විල්සන් පුස්තකාලයේ මේ පිලිබඳව සමරුවක් පවා තබා තිබෙනවා.
ඔහියෝ ප්‍රදේහයේ උපත ලද බද්ධ දරුවන් වූ ජේම්ස් එඩ්වඩ් හා ජෝන් නෙල්සන් යන දෙදරුවන් 1957 වසරේ වෙන් කරනු ලැබුවේ බෙර්ට්රස් කැට් ශල්‍ය වෛද්‍යවරයා විසින්.
1987 වසරේ බෙන් කාර්සන් විසින් හිසෙන් බද්ධව තිබුන දරුවන් දෙදෙනෙක් වෙන් කරනු ලැබුවා.
2000 වසරේ ගංගා සහ යමුනා යන සහෝදරියන් දෙදෙනා බද්ධව උපත ලද අතර ඔවුන් 2001 වසරේ වෙන් කරනු ලැබුවේ සිංග් චුම්ප්මොන් සහ කීත් හෝග් යන වෛද්‍යවරුන් දෙපොල විසිනුයි. මෙම ශල්‍ය කර්මය වෙනුවෙන් පැය 197 ක කාලයක් ගත වුනා. එහෙත් ඔවුන් දෙදෙනාට දිගු කාලයක් ජීවත් වෙන්න වාසනාව නම් ලැබුනේ නැහැ. යමුනා 2009 වසරේ මියගියේ ඇවිදගත් නොහැකි තත්වයේ සිටියදීමයි.
ඉරානයේ ලැන්ඩන් සහ ලෙහ්ලා බිජානි වයස අවුරුදු 34 ක් වෙන තෙක්ම බද්ධ දරුවන් විදිහට ජීවත් වුණා. 1974 වසරේජනවාරි 17 වැනි දින උපන් මේ රූමතියන් දෙදෙනා වෙනුවෙන් වෙන් කිරීමේ ශල්‍ය කර්මය අවදානම් බව වෛද්‍යවරුන් විසින් පෙන්වා දී තිබුනත් 2003 වසරේදී ඔවුන් දෙදෙනාට ස්වාධීන ජීවිතයක් ලබා දීම සඳහා වෙන් කිරීමේ ශල්‍යකර්මය සිදු වුනා. රූපන තාක්ෂණ බාවිතා කළත් ප්‍රධාන රුධිරවාහිනී හඳුනාගෙන තිබුනේ නැහැ. මේ නිසා 2003 වසරේ ජුලි තුන්වැනි දින සහෝදරියන් දෙදෙනා ඉතාම අවාසනාවන්ත විදිහට ජීවිතයෙන් සමු ගත්තා.
ඇමරිකා එක්සත් ජනපදයේ කැරොලිනා වල උපත ලද ඊවා සහ එරිකා සැන්ඩොරල් යන දෙරුවන් බද්ධව සිටියේ එකම ආහාර ජිරණ පද්ධතියක්. ගර්භාෂයක් , අක්මාව, මුත්‍රාශය සහ පාද තුනක් සහිතවයි. මෙම දෙදෙනා වෙන් කලොත් එක් අයෙක් හෝ දෙදෙනාම මියයන සම්භාව්‍යතාවය 30% ක්ව තිබුනා. 2016 වසරේ දෙසැම්බර් 6 වැනි දින ස්ටැන්ෆර්ඩ් පාර්කර්ඩ් රෝහලේදී මෙම දෙදෙනා ශල්‍ය කර්මයක් මගින් වෙන් කරනු ලැබුවා. පැය 18 ක කාලයක් තුල සිදු කරන ලද ශල්‍යකර්මය සාර්ථක වුන නිසා දැන් මේ දෙදෙනා නිවසේ සිට ස්වාධීන ජීවිතයට මුල පුරා සිටිනවා. රෝහලේ සිට නිවසට එන දිනයේ ඉතා උත්සවාකාරයෙන් ඔවුන් දෙදෙනා පිලිගැනීමට කටයුතු සලසා තිබුනා.
දැන් ඔවුන්ගේ තුන්වන පාදය ඉවත් කරල තිබෙනවා. මේ දෙදෙනාගේ උකුලු අස්ථිවල කොටස් අඩු බැවින් දෙදෙනාටම වාඩි වී සිටින්න පුලුවන්ව ඇත්තේ කෙටි කාලයක් විතරයි. දැනට රෝද පුටුවේ වාඩි වී සිටින මේ සහෝදරියන් දෙදනා වෙනුවෙන් කෘතිම පාදයක් බද්ධ කිරීමට අනාගතයේදී කටයුතු සූදානම්ව තිබෙනවා.
