ඔබත් දරුවා රාත්‍රී කාලයේදී සුව නින්දක් නොලබනවා යන්න මැසිවිලි නගන මවක් ද?එසේ නම් මේ ඔබ සදහායි.
පරීක්ෂණ වලින් සොයාගත් දෙයක් නම් වයස අවුරුදු 5 ට අඩු දරුවන්ගෙන් 25% ක ප්‍රතිශතයකට නින්ද පිළිබද ගැටලුවක් තිබෙන අතර රාත්‍රී කාලයේදී ඔවුන් අවදිව සිටි.මේ ගැටලුව නිසා ඔවුන් නින්දෙන් අවදි වීම, හැඬීම හෝ නින්දට යාම සම්පුර්ණයෙන් ප්‍රතික්ෂේප කරයි. parenting.lk යන facebook පිටුවෙහි කරන ලද සමීක්ෂණයට අනුව බොහෝ මවුවරුන් පවසන්නේ ඔවුන්ගේ දරුවන් වයස අවුරුදු 4 හෝ 5 වනතෙක් රාත්‍රී කාලයේ දී නොනීදා සිටි බවයි.
ළදරුවන් රාත්‍රී කාලයේදී නිදා නොගන්නා විට මවුපියන්ටද නිදාගැනීමට නොහැකි වේ.මේ නිසා එම දෙමාපියන්ට කරකවිල්ල, ආතතිය වැනි තත්වයන්ට මුහුණ දීමට සිදු වේ.
දරුවාට සුවබර නින්දක් සඳහා කෙටි උපදෙස් (මෙම කරුණු අවුරුදු 6 ට අඩු ළදරුවන්ට මනා සුදුසුය.)
*දරුවාට දහවල් කාලය හා රාත්‍රී කාලයේ ඇති වෙනස හෙමින් පුරුදු කරන්න.(දරුවාට සති 6 ක් වනවිට මෙය ආරම්භ කිරීම වඩාත් සුදුසු ය). දරුවාට දහවල් කාලයේ දී මවුකිරි දෙනවිට තරමක් ආලෝකය ඇති ස්ථානයක ලබාදෙන්න.එම මවුකිරි දීමේ අත්දැකීම හැකිතාක් සජිවි හා ක්‍රියාකාරී බව දරුවාට ද හැගීමට සලස්වන්න. රාත්‍රී කාලයේ දී (ප.ව 6 න් පසුව) ඔබ දරුවාට මවුකිරි ලබාදීමේ දී සන්සුන් ලෙස ලබා දෙන්න. මේ තුලින් දරුවා ලබන මේ අත්දැකීමේ වෙනස දැනේ.
*දරුවාට නිදාගැනීමට ඉඩ හරින්න.(දරුවා මාස 2 ට වඩා වැඩිනම් අත්හදා බැලිය හැක). ඔබ දරුවාට නින්ද යන්තුරුම මවුකිරි ලබා දුනහොත් ඔහු මෙය පුරුද්දක් කර ගනී. දරුවා නිදාගැනීමට යන විට දරුවාව ඇඳේ තබා දරුවාවට නින්ද යන්තුරු දරුවා සමීපයේම සිටින්න. මෙම ක්‍රමය දරුවාට මාස 2 න් පසුව පුරුදු කිරීමට තරමක් අපහසුය. ඔබගේ දරුවා මාස 2 ට අඩු නම් මෙම ක්‍රමය අත්හදා බැලිය හැක.
*ඔබගේ දරුවා නිදාගැනීමේ කාලවෙලාවට හුරු කරන්න.(දරුවාට මාස 6 ක් වනවිට මෙය පුරුදු කිරීම වඩා සුදුසුය.) දරුවා සෙදීම, ඩයපරය මාරුකිරිම, පවුඩර් දැමීම, නිදන ඇදුම ඇන්දවීම සහ නැළවිලි ගී ගායනා කිරීම කල හැකිය.මෙම ක්‍රියාවලිය විනාඩි 30 කට වඩා නොවැඩි විය යුතු ය.
*දරුවාට රත්‍රී කාලයේ දී නිදාගැනීමට පෙර යම්කිසි දෙයක් ලග තබන්න.(දරුවාට මාස 12 ක් හෝ ඊට වැඩි වනවිට මෙය හුරු කිරීම සුදුසු ය.) මේ දේ සැහැල්ලු සෙල්ලම් භාණ්ඩයක් හෝ දරුවාගේ ප්‍රියතම කොට්ටය වුවද විය හැකිය. මෙම සැහැල්ලු සෙල්ලම් භාණ්ඩය තුලින් දරුවාට “මෙය දැන් රාත්‍රී කාලයයි. මම නිදාගත යුතු ය.” යන පණිවිඩය දෙනු ලබයි.
*රාත්‍රී නින්දෙන් ඇහැරී දරුවා විසින් ම සන්සුන් වෙනවාද යන්න නිරීක්ෂණය කරන්න. බොහෝ දරුවන් රාත්‍රී නින්දෙන් අවදිවී හැඩීමට පටන්ගනී. නමුත්, විනාඩි කීපයක් ඔබ ඉවසීමෙන් බලන්න. දරුවා සමහර විට විනාඩි කීපයකින් සන්සුන් වී නැවත නින්දට යයි.
*ඔබගේ ඇඳේ නිදාගැනීමට සලස්වනවා නම් දරුවා ටිකක් ඇවිටිලි කරන්න. දරුවා සුවපහසුව තබන්න. එමගින් දරුවාට එය නිදාගැනීමේ කාලය බව අඟවන්න. දෙදෙනාම එකට ඇදේ වැතිරෙන්න. ඇවිටිලි කරන්න. ඔබ නිදි බව අගවන්න. මෙය නිදා ගැනීමේ කාලය බව තදින් හැගීමට සලස්වන්න. එක ලග නිදා ගැනීමේ දී දරුවාගේ අරක්ෂාව පිලිබද සැලකිලිමත් වන්න. ඔබගේ දරුවා මාස 6 ක් හෝ ඊට අඩු නම් දරුවා cot එකක නිදි කරවා ඔබේ ඇද අසල තබා ගැනීම සුදුසු ය.
ඔබගේ දරුවා රාත්‍රී කාලයේ දී නිදි කරවීමේ දී ඔබ අනුගමනය කරනු ලබන ඔබටම ආවේනික ක්‍රමයක් තිබේ ද? එසේ නම් අන් මවුවරුන්ටත් දැනගැනීම පිණිස comment එකක් දමන්න.
