අලුත උපන් බිලිඳාගේ පැමිණීමත් සමඟ ඇතැම් අයගේ ජීවිත වල විශේෂයෙන්ම දෙමව්පියන්ට උද්වේගය සහ බොහෝ ක්‍රියාකාරකම් වලින් පිරුණු, එසේම ආතතියද ගෙනදෙනවා නොඅනුමානයි. ඔබ පලපුරුදු දෙමව්පියෙක් හෝ පලමුවරට මව් හෝ පිය පදවිය ලබන්නෙකු වුවද, පහත සඳහන් කරුණු 10 මව්පිය ආතතිය අවම කරගැනීම සඳහා බොහෝසේ උපකාරී වනු ඇත.
1. සෞඛ්‍ය සම්පන්න යහපත් දිවියක් කළමනාකරනය
ජලය ප්‍රමාණවත් ලෙස සහ පිරිසිදු වාතය ලබාගන්නා, පෝෂ්‍යදායි ආහාර වේලකට අනුගත වන්න. කෝපි සහ සීනි නින්දට ආදේශකයක් නොවන හෙයින් ඒවා යොදා ගැනීමෙන් වලකින්න.
දරුවා නිදාගන්නා අවස්ථාවලදී ඔබත් විවේකයක් ලබාගන්න. ඔබගේ සහකරුවා හෝ සහකාරිය සමඟ රාත්‍රී කාලයේදී දරුවා බලාගැනීම සඳහා කාලසටහනක් යොදාගැනීමෙන් ඔබ දෙදෙනාටම ප්‍රමානවත් පරිදී විවේකයක් ලබාගත හැක. විනෝදජනක ක්‍රියාකාරකම් තනිවම හෝ තම බිලිඳා සමඟ කිරීමෙන්ද ඔබට සහ ඔබේ දරුවාට විනෝදාස්වාදයක් ගෙන දෙනු ඇත.
හොඳ පුරුදු ඔබට අවශ්‍ය ශක්තිය පවත්වා ගැනීම මෙන්ම අලුත උපන් බිලිඳාටද රැකවරණය ලබාදීමටද බොහෝසේ උපකාරී වේ.
2. අමුත්තන් සඳහා නීති පැනවීම
අලුත උපන් බිලිඳා නිවසට රැගෙන ඒමෙන් පසු ඥාතීන් සහ හිතමිත්‍ර ආදීන් නිවසට පැමිනීම සාමාන්‍ය සිරිතක් වූවද, ඔවුන් පැමිනිය යුතු දිනයන් සහ පහසු වේලාවන් ඔවුන්ට කල්වේලා ඇතුව දැනුම්දීම යහපත් වේ.
බිලිඳා බැලීමට නිවසට අමුත්තන් පැමිනි පසු බිලිඳා වඩා ගැනීමට පෙර දෙඅත් සෝදන ලෙසත් සෞඛ්‍යාරක්ෂාව පිලිබඳ ඔබ දැඩිව විමසිල්ලෙන් පසුවන බව ඔවුන්ට කරුණාවෙන් පහදා දෙන්න. ඒවගේම අසනීපයෙන් පෙලෙන කෙනෙකු පැමිනේ නම්, ඔවුන්ට වෙනත් දවසක පැමිනෙන ලෙස ඉතාමත් කරුණාවෙන් පහදා දෙන්න.
ඔබට විවේකයක් අවශ්‍ය විටෙක, නිවසට පැමිනි අමුත්තන්ගෙන් ඔබ වඩාත් විශ්වාස කරන තැනැත්තාට හෝ තැනැත්තියට දරුවා මදකට භාරදී කෙටි නින්දක් ලබා ගන්න.
3. සැහැල්ලුවෙන් සිටින්න
දරුවාගේ සාත්තුවට, සැනසවීම එමෙන්ම කෙටි නින්ද සඳහා වැඩි කාලයක් වෙන් කර ගන්න. දරුවා ඉපදීමට පෙර තිබුනු ඔබේ සුපුරුදු දින චර්යාවන් වල අනවශ්‍ය ක්‍රියාකාරකම් අඩුකර ගන්න. වේලාවක් තිබේ නම් දරුවාගේ බඩු භාහිරාදිය අස්කරගැනීමට අමතර කාලය යොදන්න.
4. හැඟීම්බර කාලයක් අපේක්ෂා කරන්න.
ඇතැම් දිනවල් වල මවක්, අලුත උපන් දරුවා පිලිබඳව සතුටින් ඉපිලී සිටී. තවත් දිනෙක ඒ මවම ඇගේ නිදහස අහිමිවීම පිලිබඳව දුක්වන අතර ඇගේ මාතෘත්ව හැකියාව පිලිබඳව සැකයක් උපදවයි. මෙය මවුවරු අතර තිබෙන සාමාන්‍ය තත්වයකි. දෙමව්පියන් බොහෝ සතුටු වනවා සේම ඔවුන් විඩාවට පත්වන අවස්ථාද පවති. මව්පියන් එකිනෙකා අතර හොඳ සම්බන්ධතාවයක් පවත්වා ගත යුතු වන අතර, සියළු දෑ පිලිබඳව සාකච්ඡා කල යුතුය. උදාහරණයක් ලෙස ගෙදර ඇති වියදම් පිලිබඳව හෝ ඔබ දෙදෙනාගේ අඩු නින්ද පිලිබඳව විය හැක. මෙසේ ඔබ දෙදෙනා සාකච්ඡා කිරීමෙන්, ඔබේ හිතට සැනසිල්ලක් ගෙන දෙයි.
5. සුපුරුදු දින චර්යාවේ සැහැල්ලු බව
ඔබගේ නිවස පිරිසිදු කිරීම පිලිබඳව වද නොවන්න. පිරිසිදු ඇඳුම්, ඇඳුම් මල්ලේම හෝ ඇඳ උඩ තිබුනාට කමක් නැත. විශේෂයෙන්ම, ඔබ දැඩි වෙහෙසට පත්වූ දිනයක රාත්‍රී ආහාර වේල සඳහා සැහැල්ලු ආහාරයක් ගත්තාට කමක් නැත. .
6. නිවසෙන් මදකට බැහැර වීම
කලබලකාරී අලුත උපන් දරුවෙකු සිටින කාලයේදී, ඇතැම් දවස්වල ඔබට නිවස සිරගෙයක් ආකාරයෙන් පෙනීමට පුලුවනි. ඔබ දරුවාත් රැගෙන ඇවිදින්න එලිමහනකට යන්න බිය නොවන්න.
7. උදවු කිරීමට කැමති අයගෙන් උදවු ලබාගන්න.
ඔබගේ නෑදෑ මිත්‍ර ආදීන් උදවු කිරීමට පැමිනේනම්, ඔවුන්ගේ උදවු ලබාගන්න. ඔවුන් කුමන ආකාරයේ උදවුවක් ලබාදීමට කැමතිදැයි සොයා බලා, ඔවුන්ට එම උදවු ඔබට කිරීමට සලස්වන්න.
8. පවුලේ සෙසු සාමාජිකයන්ට කාලය ලබාදීම.
අලුත උපන් බිලිඳාට අමතරව ඔබේ පවුලේ ඔබේ සෙනෙහස අවශ්‍ය සෙසු සාමාජිකයන්ද සිටිය හැක. උදාහරණයක් ලෙස ඔබේ සැමියා හෝ තවත් දරුවන් සිටිය හැක. ඒ අයටද ඔබගේ වටිනා කාලයෙන් බිඳක් වෙන් කරන්න අමතක නොකරන්න.
9. මේ කාලය සතුටින් විඳින්න
බිලිඳා සෑමදාම බිලිඳෙකු ලෙස නොසිටී. දරුවාගේ කුඩා කාලය ඔබ රස විඳින්න උත්සහ කරන්න.
10. විශේෂඥ උපදෙස් අවශ්‍ය කාලය හඳුනා ගන්න.
මාතෘත්වය යනු ඉදිරියට යන අභියෝගයකි. ඇතැම් දෙමවුපියන්ට අලුත උපන් දරුවා රැකබලාගැනීමේදී බොහෝ ගැටළු වලට මුහුණදීමට සිදුවේ. එවැනි අවස්ථාවක සෞඛ්‍ය සේවා විශේෂඥයකුගෙන් උපදෙස් ලබා ගන්න. ඇතැම් විට මනෝචිකිත්සකයකුගෙන් ඔබගේ ආතතිය පාලනය කිරීම සඳහා උපදෙස් ලබාගත හැකිවේ.
