දූ දරුවන්ගේ ජීවිතයට පියෙකුගෙ ඇති වැදගත්කම

දූ දරුවන්ගේ ජීවිතයට පියෙකුගෙ ඇති වැදගත්කම

දරුවෙකුට පියා වැදගත් ඇයි?

දරුවෙකුගේ බිලිඳු අවස්ථාවේ සිට වැඩිහිටි අවස්ථාව දක්වා, පියෙකු දරුවෙකුගේ වර්ධනය සඳහා විශාල කාර්යභාරයක් සිදු කරයි. මෙතෙක් කල් මේ සඳහා කල විවිධ අධ්‍යනයන් වලට අනුව, පියෙකු සිටින දරුවෙකුට හොඳ අධ්‍යාපනයක් සහ සමාජීය හැකියාවන් , පියෙකු නැති දරුවෙකුට වඩා ඇතිබව සොයාගෙන ඇත. පියෙකු සමඟ සිටින දරුවන්ට හැසිරීමේ හෝ භාෂා හැසිරවීමේ දුර්වලතා ඉතා අඩුය. මෙහි නරක ප්‍රතිඵල, දික්කසාද වූ පවුල් වල දරුවන්ටද ඇතිවේ. ඒ සඳහා බලපාන්නේ පියා දරුවන් සමඟ එකට ජීවත් වෙනවාද නැද්ද යන නිසා නොවේ, වැඩි වශයෙන්ම බලපාන්නේ පියා දරුවන් සමඟ සමඟ ඇති සම්බන්ධතාවය නිසාය.

ඇමරිකාවෙ ඉලීනොයිස් විශ්ව විද්‍යාලයේ (Illinoise University) කරන ලද සමීක්ෂණයට අනුව, පියෙකු දිනපතා දරුවන් පිලිබඳව අවධානයෙන් සිටීම හේතුවෙන්, දරුවන්ගේ අධ්‍යාපන කටයුතු හොඳ මට්ටමක තිබෙන බව සොයාගෙන ඇත. දරුවන් දිනපතා ඉගෙනගත් දෙවල් පිලිබඳව, දරුවන්ගේ දිනපතා ක්‍රියාකාරකම් පිලිබඳව සහ දරුවන් සම්බන්ධතා පවත්වන අය පිලිබඳව ඔවුන් සමඟ සාකච්ඡා කිරීම හිතකර ලෙස බලපායි. එසේම පියකු තම දරුවන් පිලිබඳව නොතකන විට, එම දරුවන්ගේ අඩු අධ්‍යාපන මට්ටමක් පවතී. එමෙන්ම එම පියා, දරුවාගේ ජානමය ලෙස සමාන කමක් දක්වන පියාම වීමට අවශ්‍ය නැත. එම පියා, දරුවා හඩා වඩා ගැනීමට ගත් පියා, දරුවාගේ සීයා හෝ මුත්තා නැතහොත් වැඩිහිටි පිරිමියෙක් වූවාට ප්‍රශ්ණයක් නැත.

එමෙන්ම එක්සත් රාජධානියේ පිහිටි ඔක්ස්වර්ඩ් විශ්වවිද්‍යාලයේ (Oxford University) කරනු ලබන අධ්‍යනයේදී ඔවුන්ටද මෙයට සමාන ප්‍රතිඵලයක් ලැබුනි. මෙහිදී එක්සත් රාජධානියේ පාසලක ළමුන් 17,000ක් පමණ මෙම පරීක්ෂණයට යොදා ගන්නා ලදී. මෙහි ප්‍රතිඵලයක් වශයෙන් අධ්‍යාපනික දියුණුව සහ දෙමව්පියන්ගේ සම්බන්ධීකරණය අතර සම්බන්ධයක් ඇතිබව සොයාගන්නා ලදී. මනෝවිද්‍යාඥ ඊරින් ෆ්ලෝරි (Eirine Flouri) පවසන ආකාරයට දරුවන් පිලිබඳව කැක්කුමක් ඇති පියෙකු, තම දරුවාව කෙටි විනෝදගමනක්, කියවීමට උදව් වීම, දරුවා පාලනය කිරීම සහ දරුවාගේ අධ්‍යාපන කටයුතු පිලිබඳව උනන්දු වෙයි.
පුතෙකු කෙරෙහි ඇති පියාගේ බලපෑම

එක්සත් රාජධානියේ ඔක්ස්වර්ඩ් විශ්වවිද්‍යාලයේ (Oxford University) අධ්‍යනයකට අනුව, පුතෙකු තම පියා සමඟ හොඳ සම්බන්ධතාවයක් තිබීම හේතුවෙන්, තම වැඩිහිටි කාලයේදී නීතිය කඩකිරීමේ වරදට අසුවීමේ අඩු තත්වයක් දක්නට ලැබුනි. පියාට තම පුතාට සුභවාදී ආදර්ශයක් ලබා දිය හැක. තම පුතාට හැඟීම් දැනීම් පිලිබඳව දැනුවත් කිරීමක් ලබාදීමට උදව් විය හැක.

පුතෙකුට අර්ථවත් පුරුෂ බලපෑමක් වීමට තම උපන් පියාම වීමට අවශ්‍ය නැත. තම මාමලා, සීයලා හෝ තම මිතුරන් ගෙන් ධනාත්මක බලපෑමක් තිබීමට පුලුවනි.
දියණියෙකු කෙරෙහි ඇති පියාගේ බලපෑම

දියණියෙකුට පියා සමඟ ඇති සම්බන්ධතාවයෙන් ලබාගැනීමට බොහෝ දේ ඇත. ඇමරිකාවේ වැන්ඩර්බිල්ට් විශ්වවිද්‍යාලයේ (Vanderbilt University) කරනු ලබන සමීක්ෂණයක් අනුව, පළමුවන අවුරුදු පහේදී මව්පියන් සමඟ හොඳ සම්බන්ධතාවයක් ඇති ගැහැණු දරුවන්, නියමිත කාලයේදී වැඩිවියට පැමිනේ. එක්සත් රාජධානියේ ඔක්ස්වර්ඩ් විශ්වවිද්‍යාලයේ (Oxford University) කරනු ලබන තවත් සමීක්ෂණයකට අනුව, දියණියන් තම පියා සමඟ හොඳ සම්බන්ධතාවයක් පවත්වා ගැනීම නිසා, ඔවුන්ගේ පසු ජීවිත වල, මානසික ගැටළු ඇතිවීම අඩු තත්වයක් දැකීමට ඇති බවයි. පියෙකු තම දියණියට අගය කිරීමෙන් සහ ප්‍රශංසා කිරීමෙන්, ඔවුන් පිලිබඳවම විශ්වාසය ඇතිවීම සහ ස්වාධීනව කටයුතු කිරීමට උදව් වේ.

මෙහි අන්තර්ගතවී තිබෙන තොරතුරු, සෞඛ්‍ය විශේෂඥයකුගෙන් සහ වෛද්‍යවරුන්ගෙන් ලබාගන්නා ලද තොරතුරු වේ. පාඨක ඔබ විවිධ මානසීක ප්‍රශ්ණ වලින් පෙලෙනවා නම්, සෞඛ්‍ය විශේෂඥයකුගෙන් හෝ ඔබේ වෛද්‍යවරයාගෙන් උපදෙස් ලබා ගන්න.

අප වෙබ් අඩවියට වරින් වර ලිපි සපයන බාහිර ලියුම්කරුවන්ගේ ලිපි සියල්ල මෙම පොදු profile එක හරහා පල කෙරෙනු ඇත.

LEAVE A REPLY

Please enter your comment!
Please enter your name here