වහනය තුල දරුවාගේ ආරක්ෂාවට ලොකු සේවයක් ඉටු කරන පුංචි කරුණු 4ක්

ළදරු වාහන අසුන් සඳහා ආරක්ෂිත ක්‍රම

කුඩා දරුවන්, බිළිඳු වයසේ සිට වයස අවුරුදු 5 දක්වා දරුවන් ප්‍රවාහනය කිරීමේදී, ළමා වාහන අසුන් භාවිත කිරීමට අවශ්‍ය වේ. මෝටර් රථයක කුඩා දරුවන් රැගෙන යාමේදී ඔවුන්ව එම ළදරු අසුන් වල ආරක්ෂිත ලෙස රඳවා තැබිය යුතුය. ආසන පටි පැලඳීම නීතිමය වශයෙන්ද පිලිපැදිය යුතු කරුණකි. කුඩා දරුවෙකු වාහන අසුනක් මත හිඳුවා ආසන පටි තද කිරීම නිසි පරිදි කල යුතුය. විවිධ වයස් සීමාවන්ට අනුව ආරක්ෂිත අවශ්‍යතාවන් විවිධ විය හැක.

ඔබට, ළමා වාහන ආසන සවි කිරීම තරමක් අවුල් සහගත විය හැක. ඇමරිකාවේ ජාතික රථවාහන සුරක්ෂිතතා අධිකාරියට අනුව, බොහෝ ළමා වාහන අසුන් සවිකර ඇත්තේ වැරදි ආකාරයට බවත් ඒතුලින් දරුවා අනාරක්ෂිත තත්වයට ඇද දමන බවයි. පහත දැක්වෙන ක්‍රම අනුගමනය කිරීම තුලින් දරුවාගේ සුරක්ෂිතතාවය සැලැස්විය හැක.

නිවැරදි අසුන තෝරා ගැනීම

වාහන අසුන් වර්ග 2ක් ඔබට හඳුනාගත හැක. ඒවා නම්, ඉදිරිපසට මුහුණලා තිබෙන අසුන සහ කරකැවිය හැකි අසුන්ය. ඉදිරිපසට මුහුණලා තිබෙන අසුන් බර රාත්තල් 22 සිට 40 දක්වා දරුවන්ට සුදුසුය. නමුත් එය මාදිලිය අනුව වෙනස්වීමට පුළුවන. ඇතැම් වාහන අසුන් විවිධ ප්‍රමාණයෙන් සහ පිටත රැගෙන යා හැකි ළදරු රෝද කරත්ත ලෙසද භාවිතා වේ. මෙවැනි අසුන් ආධාරකයක් සමඟ පැමිනේ. මෙය දෙමව්පියන්ට යම්තාක් දුරට පහසු කරන්නෙකි. දෙමව්පියන් දැනගත යුතු කරුණක් නම්, මෙම ළමා වාහන අසුන් භාවිතා කල යුත්තේ ළදරුවන් ප්‍රවාහනය කිරීමට මිස ඔවුන්ට අහාර කැවීමට හෝ නිදිකරවීමට නොවේ.

සවි කිරීම සඳහා ලබාදී ඇති උපදෙස් සැලකිලිමත්ව පිලිපදින්න.

ළමා වාහන අසුන් සවි කිරීමේදී ඒ සඳහා ලබාදී ඇති උපදෙස් මාලාව පිලිවෙලින් අනුගමනය කරන්න. එහි අඩංගු කරුණු මඟ හැර නොයන්න. උපදෙස් පතිකාව හොඳින් කියවීමෙන්, ඔබට එය නිසි ආකාරයෙන් සවි කිරීමට හැකියාව ලැබේ. සාමාන්‍යයෙන් ළමා වාහන අසුනක් සවිකර යුත්තේ මෝටර් රථයක පසුපස ආසනයේ මැද කොටසේය. එය වායු බෑගයෙන් දුරස් විය යුතුය. ඔබට මෙය සවි කර ගැනීමට අවශ්‍ය වූ විටක, මෙම කාර්යය හොඳින් දන්නා කෙනෙකු හෝ පළපුරුදු කෙනෙකු ලවා කරවා ගන්න.

අගුළු දැමීම

සැප්තැම්බර් 2002න් පසුව නිෂ්පාදනය වූ මෝටර් රථවල අගුළු හෝ අසුන් සවිකිරීම සඳහා අමතර උපාංග සවිකර ඇත. මෙමඟින් ළමා වාහන අසුන් ආරක්ෂිතව සවිකර ගත හැක. මේ සඳහා ආසන පටි භාවිත නොවන අතර මෙය මෝටර් රථ අත් පොතේ පෙන්වා දී ඇත. මෙම පහසුකම් නොමැති මෝටර් රථවල ආසන පටි නිසි ආකාරයට භාවිතා කල හැක. මේ කුමන ආකාරයේ ක්‍රමයක් භාවිතා කලද, එම ළමා අසුන් අඟලකට වඩා එහා මෙහා චලනය නොවිය යුතුය.

ගාංචු දැමීම

රථ වාහන අසුන් ළදරුවන් සඳහා පූර්ණ ආරක්ෂාවක් සහතික නොකරයි. බඳ පටි නිසි ආකාරව සහ දැඩි ලෙස තද නොවී තිබෙන බව පරීක්ෂා කරන්න. බඳ පටියේ පටි දරුවාගේ උරහිසින් පහල සවි කිරීමට ඇති කොටසේ සවි කරන්න. පපුව හරහා තිබෙන පටිය දරුවාගේ කිහිලි මට්ටමට සවිවිය යුතුය. මෝටර් රථයේ ගමන් ගන්නා සියළු දෙනා ආසන පටි තද කර ඇතිදැයි පරීක්ෂා කරන්න. මෙය දැකීමෙන් කුඩා දරුවන් කුඩා කාලයේ සිටම වාහනයේ ගමන් ගන්නා අවස්ථා වලදී, ආසන පටි තද කරවීමේ පුරුද්දට හුරුවේ.

අප වෙබ් අඩවියට වරින් වර ලිපි සපයන බාහිර ලියුම්කරුවන්ගේ ලිපි සියල්ල මෙම පොදු profile එක හරහා පල කෙරෙනු ඇත.

LEAVE A REPLY

Please enter your comment!
Please enter your name here