පියා සහ සිඟිති දරුවන් අතර ඇති සම්බන්ධතාවය ශක්තිමත් කිරීම

පියා සහ සිඟිති දරුවන් අතර ඇති සම්බන්ධතාවය ශක්තිමත් කිරීම

ඕස්ට්‍රේලියාවේ පියවරු තම දරුවන් සමඟ කොපමණ කාලයක් ගත කරන්නේද යන්න පිළිබඳව පුළුල් අධ්‍යයනයක්, පවුල් අධ්‍යයනය පිළිබඳ ඕස්ට්‍රේලියානු ආයතනය විසින් පවත්වා ඇත. සාමාන්‍යයෙන් සති අන්තයත් ඇතුලුව පියවරුන් තම දරුවන් සමඟ තනිව ගත කරන කාලය විනාඩි 30 කටත් අඩු බව, එම අධ්‍යයනයෙන් සොයා ගෙන ඇත.
මෙහිදී සැලකිය යුතු කරුණක් වන්නේ සිඟිත්තන්ට තම මව අවශ්‍ය වන තරමටම තම පියාගේ ආදරය හා අවධානය ද අවශ්‍ය වන බවයි. දරුවා සහ පියා යන දෙපාර්ශවය ගත කරන කාලය විනාඩි 30 කට සීමා වීම, ප්‍රමාණවත් නොවන බව සමීක්ෂණ වාර්තා අවධාරණය කරයි.

මේ පිළිබඳව මව්වරුන් විසින් කිසියම් දෙයක් කල යුත්තේ ඇයි?
නිවසේ කටයුතු සාමාන්‍යයෙන් සිදු කරනු ලබන්නේ මව විසිනි. පියවරුන් මෙම ගෘහස්ථ කටයුතු සඳහා සම්බන්ධ කර ගැනීමට මව්වරුන් කුමක් කල යුතුද?
පියාගේ දායකත්වය තුලින්, පවුලේ සෞභාග්‍යය සහ දියුණුව වර්ධනය වන අතර දරුවා කෙරෙහි මෙය ධනාත්මක බලපානු ලැබේ.
දරුවාගේ ජීවිතය කෙරෙහි පියා ඉතා වැදගත් වන්නේ ඇයි? එසේම මව විසින් කල නොහැකි පියාගේ කර්තව්‍යයන් කවරේද? මේ පිළිබඳව සමීක්ෂණ මඟින් කිසිවක් නියත වශයෙන් පැහැදිලි නොකරන නමුත් පියවරුන් තම දරුවන් සමඟ සෙල්ලම් කිරීමට කාලය මිඩංගු කිරීම හා දෙමාපිය කර්තව්‍යයන් මැනවින් ඉටු කිරීම , සිඟිත්තාගේ වර්ධනයට ඉමහත් සේ බලපෑ හැකි බව පෙන්වා දෙයි.

ධනාත්මක දැක්මක් ඇති , ක්‍රියාශීලි පියවරුන් පහත සඳහන් කරුණු සඵල කර ගැනීමට උදවු කල හැක.

පිරිමි ළමුන්ගේ හැසිරීම් සම්බන්ධයෙන් ඇති ගැටලු අවම කිරීම.
ගැහැනු දරුවන්ගේ මානසික ගැටලු අවම කිරීම.
අනාගතෙයේදි ඇති විය හැකි දරුවාගේ ප්‍රචණ්ඩකාරි හැසිරීම් අවම කිරීම.
දරුවා තුල කුතුහලය, බුද්ධිය, භාෂා වර්ධනය හා තාර්කික හැකියාව වැඩි දියුණු කිරීම.
නව යොවුන් වියේ දුම් පානය කිරීමේ ප්‍රවණතාවය අවම කිරීම.
යහපත් සමාජ සම්බන්ධතා සහ මිත්‍රශීලි බැඳිම් ගොඩ නැගීම දිරිමත් කිරීම.
යහපත් විවාහ ජීවිතයක් පවත්වා ගෙන යාම.

ඉහත සඳහන් කල ප්‍රතිලාභ, පවුලේ මෙන්ම දරුවාගේ අභිවෘද්ධිය සඳහා දායක වූ පියෙකුගේ හැසිරීම් වල ප්‍රතිඵලයක සාරංශයකි. පියවරුන් මෙලෙස තම දරුවන්ගේ ජීවිත වලට සම්බන්ධ වී කටයුතු කරන විට දරුවන් වඩා හොඳින් හා සතුටින් ක්‍රියා කිරීමට නැඹුරු වේ. පියා, දරුවාගේ ජීවිතයට සම්බන්ධ වීම ඉක්මන් වන තරමටම, දරුවාගේ සම්බන්ධතාවයද ස්ථාවරව පැවතිය හැකි අතර ඊට ප්‍රතිචාරයක් ලෙස දරුවාගෙන් ලැබෙන ප්‍රතිඵලයද යහපත් වනු ඇත.
නිවසේ ළඳරුවෙකු, සිඟිත්තෙකු හෝ පෙර පාසල් වියෙහි පසුවන දරුවකු යන කවරකු සිටියත් පියාගේ දායකත්වය නොපමවා දරුවාට ලැබිය යුතුය.

පියා සිය සිඟිත්තා සමඟ ගත කරන කාලය දිරිමත් කල හැකි ක්‍රම මොනවාද?
පහත සඳහන් ක්‍රියාකාරකම්, පියවරුන් සිය සිඟිත්තා සමඟ වැඩි කාලයක් ගත කිරීමටත් දෙපාර්ශවය අතර කල් පවත්නා සම්බන්ධතාවයක් ගොඩ නගා ගැනීමටත් උපකාරි වේ.

පියා සිය සිඟිත්තා සමඟ එකට ගත කරන කාලය.
මේ සඳහා කාල සටහනක් තබා ගත යුතු වේ. සිය සිඟිත්තා සමඟ කාලය ගත කිරීමට නිශ්චිත වේලාවක් යොදා ගැනීම පියාගේ දින චර්යාවේ කොටසක් විය යුතුයි. රූපවාහිනිය ඉදිරියේ ඔබේ වටිනා කාලය ගත කිරීමෙන් වළකින්න. ඒ වෙනුවට තම දරුවා සමඟ උද්‍යානයට, වෙරළට යාමට හෝ නිස්කලංකව ඇවිදීමට යොදා ගන්න. මෙය ඕනෑම වයසක පසුවන දරුවකු සතුටින් පිළිගනු ඇත.

පියා සහ සිඟිත්තා අතර ඇති සම්බන්ධතාවය වර්ධනය කිරීම සඳහා “පවුලේ රාත්‍රියක්” යොදා ගන්න.

සතියේ එක් රාත්‍රියක් පවුලේ උදවිය සමඟ ගත කිරීම සඳා යොදා ගන්න. මෙම රාත්‍රිය ඉතා විශේෂ එකකි. දුරකතන ඇමතුම් නොසලකා හැරීම ( මේ වෙනුවට “Answering Machine” ක්‍රියාත්මක කර තබන්න ) , අන්තර්ජාලය හා රූපවාහිනිය ක්‍රියා විරහිත කිරීම ආදි අවට බාධා කිරීම් යටපත් කරන්න. අවධානය තම දරුවා සහ පවුල වෙත පමණක් යොමු කල යුතු වේ. මෙම අවස්ථාව පවුල සමඟ ගැටලු සාකච්ඡා කිරීම, අවශ්‍ය තොරතුරු බෙදා හදා ගැනීම සඳහා යොදා ගත යුතු වේ.
එකට එකතු වී පත පොත කියවීම, පියා සහ සිඟිත්තා අතර ඇති සම්බන්ධතාවය දිරිමත් කරයි.

පියවරුන් තම දරුවන්ට කියවීම සිඟිත්තන් ප්‍රිය කරයි. තාත්තාට සෙමින් කියවීමට පවසන්න. කතාවේ චරිත, කතා වස්තුව ආශ්‍රිත හැඟීම් මෙන්ම ඒ සම්බන්ධ අනෙකුත් ප්‍රශ්න පිළිබඳව දරුවාගෙන් විමසන්න. මෙය පියා සහ සිඟිත්තා අතර ඇතිවන සංවාදය දිරිමත් කරයි.

පියා සහ සිඟිත්තා අතර ඇති බැඳීම දිරිමත් කිරීම සඳහා ව්‍යපෘතියක් නිර්මාණය කරන්න.

පියා සහ සිඟිත්තා අතර ඇති බැඳීම දිරිමත් කිරීම සඳහා අත්කම් ක්‍රියාවන් ඉතා වැදගත් වේ. මෙම අත්කම, දරුවා ප්‍රිය කරන ආකෘතියක්, නිවසක්, සෙල්ලම් බඩුවක් හෝ සිඟිත්තා ප්‍රිය කරන ඕනෑම දෙයක් විය හැක. පියා අත්වැඩ කෙරෙහි විශේෂ දක්ෂතාවයක් නොදැක්වූවත්, නිසැකයෙන්ම මෙය දෙපාර්ශවයටම ප්‍රිය උපදවන අත්දැකීමක් විය හැක.

පියා සහ සිඟිත්තා අතර ඇති බැඳීම – දරුවා වෙනුවෙන් පෙනී සිට පවුලේ කටයුතු සඳහා දායක වන්න.

පියා තමා අසල සිටීම, සිඟිත්තා කෙරෙහි විශාල වෙනසක් ඇති කරයි. කාර්යාලයේ වැඩ කටයුතු නිවසට ගෙන එන කාර්යබහුල පියවරුන්ද රාත්‍රී ආහාරයට පෙර තම සිඟිත්තා සමඟ සුහද පොර බදින ක්‍රීඩාවක නිරත වෙයි. මෙය දරුවා තුල තිබෙන සුරක්ෂිතභාවයේ හැඟීම් වර්ධනය කර ගැනීම සඳහා උපකාරි විය හැක.
මවුපිය දෙපළකගේ ජීවිතයේ ප්‍රමුඛතාවය ඉල්ලීම් සහ කාර්ය සටහන් වලින් පිරී ඇත. පියවරුන් සාමාන්‍යයෙන් රැකියා පීඩනය, දිගු කාල වේලාවක් රාජකාරි වල නිරත වීම හා කාර්යාල දේශපාලනය සමඟ පොර බඳිමින් සිටියි. දෛනික ජීවිතයේ ඇති කාර්යබහුල බව සමඟ පියවරුන් තම දරුවන්ගේ ජීවිත වලට තමාට හැකි අයුරින් දායක වීම අතිශයින් වැදගත් ය. මෙය දරුවන්ගේ ජීවිත වලට දිගු කාලීන බලපෑමක් ඇති කල හැක. මේ සම්බන්ධයෙන් මව්වරුන් හට කල හැක්කේ තම සැමියා වෙත සුහද මතක් කර දීමක් ලබා දීම පමණි.

Image Credit: amazingviewscabinrentals.com

අප වෙබ් අඩවියට වරින් වර ලිපි සපයන බාහිර ලියුම්කරුවන්ගේ ලිපි සියල්ල මෙම පොදු profile එක හරහා පල කෙරෙනු ඇත.

LEAVE A REPLY

Please enter your comment!
Please enter your name here