අම්මා සඳකි, මම ඒ ලොව හිරුය රිදී..

මෙයට අවුරුදු අටකට කලින්, මාගේ පුතා ඉපදීමට පෙර, මෙලොව සිටින කම්මැලිම මිනිසා මා විය හැකි බව මට සිතුනි. වැඩිපුර පැයක් හෝ දෙකක් ඇඳේ පෙරලි පෙරලි නිදා ගැනීමට මගක් සෙවීම මගේ එකම ආශාව විය. කෙසේ වෙතත් මගේ පුතාගේ ඉපදීමත් සමගම මගේ ජීවිතයට අලුත් අර්ථයක් ලැබුණි.පුතා සමග එක්ව පොඩි පොඩි ක්‍රියාකාරකම් කිරීමට පටන් ගැනීම නිසා මට මගේම ළමා විය මතකයට ඒමට පටන් ගත්තේ නිරායාසයෙන්මය. මෙය මා හට නැවත ජීවිතය පිළිබඳ අවදියෙන් සිටීමට හොඳ හේතුවක් විය.

පුතාගෙන් මම හොඳ තාත්තා කෙනෙකු වීමට අවශ්‍ය පාඩම් ඉගෙන ගතිමි. මෙය මීට තුන් වසරකට ඉහතදී උපන් මාගේ දියණිට වඩාත් හොඳ පියෙකු වීමට උපකාරි විය. දුව ඉදිරියේ තාත්තා කෙනෙකුගේ චරිතය රඟ පෑම නියත වශයෙන්ම සම්පූර්ණයෙන්ම වෙනස් අත්දැකීමක් වූවත් මේ සඳහා හැඩ ගැසීමෙන් මා මනා ප්‍රගතියක් ලබා ගත් බව අවංකවම මම සඳහන් කිරීමට කැමැත්තෙමි.

ගෙවී ගිය වසර කිහිපය තුල , ස්නේහවන්ත පියෙකු වීම පිළිබඳ මා ඉගෙන ගත් සරල නීති හා නියමයන් 8ක එකතුවක් මා විසින් පහත දක්වා ඇත. ඔබගේ දෛනික චර්යාවෙන් තම දරුවා වෙනුවෙන් කැපවීම් කිහිපයක් කිරීමට ඔබ සූදානම් වී සිටිය යුතුය. මෙය හොඳ පියකු වීම් සඳහා අත්‍යවශ්‍ය ප්‍රධාන නීතියකි.
අපි එම සරල නීති අට පිළිබඳ විමසා බලමු!

#1 තම පවුලේ පරාර්ථකාමි නායකයා ලෙස කටයුතු කිරීමට සූදානම් වන්න:
ඔබ ඔබේ ආයතනයේ රාජකාරිය සඳහාම කැපවුනු, මීළඟ ප්‍රධාන විධායක නිලධාරියා ලෙස පත් වීමට ඉඩ ඇති වූවත්, තාත්තා කෙනෙකු වීමෙන් පසුව ඔබේ ප්‍රමුඛතාවයන් නැවත සැලසුම් කර ගැනීමෙන් ඔබ ජීවිතයේ අංක එකේ ප්‍රමුඛතාවය ලෙස ඔබේ පවුල පත් කල හැක.මෙය මා හට මුලදී තරමක් දුෂ්කර කාර්යක් වූ අතර පසුව එය මට සුදුසු ලෙස සකස් කර ගතිමි.

සවස හයෙන් පසුව රැකියාව වෙනුවෙන් හෝ සති අන්තයේ ගත කරන අමතර කාලය කැප කල යුතුව ඇති අතර වෙනදාට වඩා වැඩි කාලයක් තම පවුල සමග ගත කිරීමට පුරුදු වන්න.

සමහර වේලාවන්හිදී ඔබ ඔබේ උවමනාවන් වලට වඩා ඔබේ බිරිඳගේ සහ දරුවන්ගේ උවමනාවන් සඳහා ප්‍රමුඛතාවයක් දීමට සිදුවේ. ඔබට කිරීමට ඇති හොඳම දෙය සහ පවුලට කිරීමට ඇති හොඳම දෙය පිලිබඳව පැහැදිලි තීරණයක් ගැනීමට අපහසු අවස්ථාවකදී සැම විටම අංක එකේ ප්‍රමුඛතාවය ඔබේ පවුලට දෙන්න.
ඔබේ පුතාගේ උපන් දිනය යෙදී ඇති දිනෙක සවස 5.00 ට යෙදී ඇති වැදගත් රැස්වීම අවලංගු කිරීමෙන් පුතාගේ උපන් දිනය පවුලත් සමග සැමරීමට හරියටම සවස 5.30ට නිවසට පැමිණීම වැනි කැපකිරීම් මීට ඇතුලත් වේ.

#2: මවක් වශයෙන් ඔබේ බිරිඳ ඉතා දුෂ්කර කාර්ය භාරයක් ඉටු කරන බව පිලිගන්න.

කිසිම පිරිමියෙකු භාර ගැනීමට අකමැති වැඩ කොටසක් මවක් හැටියට තම බිරිඳ කරයි.පවුලේ අනෙකුත් අයට වඩා කලින් අවදි වන ඇය, උදෑසන ආහාරය සඳහා යමක් සැමටම ලබා දීමට වග බලා ගනී. ඉන්පසු ඇය සැමගේ රෙදි සෝදා,මැද,ඇඳීමට සූදානම් කර දෙයි.
මවක් වීම ඉතා අසීරු,පරාර්ථකාමී සහ බොහෝ විට කෘතඥතාවයක් නොලැබෙන කටයුත්තකි.ඇය විසින් ඉඳ හිට කෙරෙන සුළු වැරදීම්වලට දොස් පැවරීම කිසි විටෙක නොකල යුතු වන්නේ මේ නිසා වන අතර ඇය කරන දෙයට ඇයට ගෞරව කරන්න.

#3:ඇති තරම් කතා කරන්න.ඒ සමඟම සවන්දීමට සූදානම් වන්න.

මව සහ දරුවන් සමග නිතරම අදහස් හුවමාරු කර ගැනීම පියා විසින් කල යුතු වැදගත් කටයුත්තකි.රැකියාවෙන් පසු නිවසට පැමිණෙන පියා සමග තම තමන්ගේ පොඩි පොඩි අත්දැකීම් බෙදා හදා ගැනීමට දරුවන් ආශාවෙන් බලා සිටී.මේවා සමහර විට පාසැලේදී තමා ලබා ගත් කුඩා ජයග්‍රහණයක් හෝ සෙල්ලම් කරන විටදී දණ හිසේ ඇතිවූ තුවාලයක් විය හැක (මෙය මාගේ දියණියගේ ප්‍රියතම ක්‍රියාවකි).මෙම සිද්ධීන් පිලිබඳව පියාගේ අවධානය ඔවුන්ට අවශ්‍ය වන අතර ඒවා ගැන කතා කිරීමට දරුවන්ට අවස්ථාව ලබා දෙන්න.ඔවුන් කතා කරන විට එයට ප්‍රවේශමින් සවන් දීම සහ එයට දැනුවත්වූ ප්‍රතිචාරයක් ලබා දීමට කටයුතු කරන්න.අදහස් හුවමාරු කර ගැනීම සහ ඒ පිළිබඳ සාකච්ඡා කිරීම, පවුලේ සැමට ගෞරවය ලබා දෙන අතර සැමගේ අවශ්‍යතා ඉටු කිරීම ,ගැටුම් නිරවුල් කර ගැනීම සහ ඒවා අවම මට්ටමින් තබා ගැනීම සහතික කරයි.

#4: සංවේදී වන්න.

පිරිමියෙකු සංවේදී වීම ඔහුගේ දුර්වලතාවයක් ලෙස සැලකීම පොදුවේ පිළිගත් දුර්මතයකි.ඔබගේ සංවේදී හැඟීම් නිදහසේ ප්‍රකාශ කිරීමෙන් ඔබ සහ ඔබ පවුලේ වඩා හොඳ සම්බන්ධතාවයක් ගොඩනගා ගත හැක.තමා සතුටේදී සිනාසෙනු දැකීම ඔබෙ දරුවන් ප්‍රිය කරන අතර දුක්මුසු අවස්ථාවක ඔබ කණගාටුවෙන් පසුවන විට ඒ බව ඔවුන් ඔබට ප්‍රකාශ කරයි. “තරහ” හෝ “කෝපය” යනු දරුවන් තම පියා කිසිවිටෙක දැකීමට අකමැති උද්වේගකාරි අවස්ථාවකි.එබැවින් කලාතුරකින් කේන්තිය පෙන්වීම හෝ පිට කිරීම ,දරුවන් විනීතව තබා ගැනීමට උපකාරී වේ.( උදා: අපි වැරදි දෙයක් කළොත් තාත්තාට තරහ ඒවී. )

#5: අවශ්‍ය වූ විටෙක දැඩිව සිටින්න.

ඔබට ඔබේ දරුවන් සමග ලිහිල්ව සිටිය හැකි වූවත් විනයගරුකභාවයේදී එය එසේ නම්‍යශීලිව තබා ගත නොහැක.තම දරුවන්ට ලිහිල්ව සැලකිය යුතු බව “ජනප්‍රිය සංස්කෘතියෙන්” දෙන පණිවිඩය අද බොහෝ දෙමාපියන් විශ්වාස කර දෙයකි.ඔබට දරුවන් කෙරෙහි ලිහිල් පිළිවෙතක් අනුගමනය කල හැකි වූවත් ඔවුන් පිටස්තර ලෝකයට පිවිසීමේදී සෑම දෙනාම ඔවුන්ට තම පියා සලකන ආකාරයට සලකන්නේ නැත.අවශ්‍ය වේලාවන්හිදී දරුවන් සමග දැඩිව සිටීමට සිදුවන්නේ මේ නිසාය.එබැවින් පසු කලෙක ඔබේ දරුවන් පිටස්තරයින් සමග ඇතිකරගන්නා ගැටුම් වලදී අපහසුතාවයන්ට මුහුන නොදෙන තත්වයක් පවත්වා ගැනීමට වග බලා ගන්න.

#6: දරුවන්ට හොඳ නරක තෝරා ගැනීමට උදව් වන්න.
බොහෝ විට ජනප්‍රිය සංස්කෘතියෙන් එන අනේක පණිවිඩවලින් බැට කෑමට ඔබේ දරුවන්ට සිදුවී ඇත.පියෙකු වශයෙන් ඔබට ඔබේ දරුවන්ට ඉතාමත් සෘජුව ,ඉතාමත් ප්‍රබලව සහ ඉතාමත් ධනාත්මකව, ඔවුන්ට හොඳ සහ සෞඛ්‍ය සම්පන්න ඒවා කුමක්ද සහ පරිස්සම් විය යුතු නරක දේවල් කුමක්ද යන්න තෝරා ගැනීම සඳහා දරුවන්ව නම්මවා ගනීමේ හැකියාව ඔබට ඇත.හොඳ දේ කුමක්ද නරක දේ කුමක්ද යන්න දේශනා කෙරීම පමණක් ප්‍රමාණවත් නොවේ.ඊට ආදර්ශයක් ලෙස ඔබ සිටිය යුතු වේ. උදාහරණයක් වශයෙන් දුම්බීම නරක මිනිසුන්ගේ නරක පුරුද්දක් බව ඔබ පැවසුවොත්,ඊලඟ දවසේ බඩු ගැනීම සඳහා කඩේට යනවිට ඔබ සිගරැට්ටුවක් අතැතිව සිටීම අනුමත කල නොහැකි දෙයකි.

#7: දරුවන්ට හොඳ සාරධර්ම උගන්වන්න.

දරුවා තම යොවුන් වයසේදී ඉගෙන ගන්නා සාරධර්ම, ඔහු ජීවිත කාලයේදී කරන සෑම ක්‍රියාවකටම මග පෙන්වනු ඇත.අවාසනාවකට මෙන් අප ජීවත් වන්නෙ ළමුන්ට භයානක අදහස් උගන්වන දූෂිතවූ ජනප්‍රිය සංස්කෘතියක් තුලය.උදාහරණ වශයෙන් ආත්මාර්ථකාමීත්වය,ගෞරවයක් නොදැක්වීම,තණ්හාව සහ නොසැලකිල්ල යනාදිය දැක්විය හැක.මෙම නරක අදහස් වලින් ඔවුන්ව ආරක්ෂා කර ගැනීමට නම් ඔබේ සාරධර්ම යහපත්කරගැනීමට සහ ඔබේ දරුවන්ට ඔබෙන් ධනාත්මක අදහස් පිරි පණිවිඩ ලබා දීමට වග බලා ගත යුතුය.

#8: හොඳ ශාරීරික තත්වයක් ඔබ තබා ගත යුතුය.
පියෙකු වශයෙන් ගතවන දවස් ඉතා කලබලකාරී විය හැකි අතර රැකියා ස්ථානයේ ඇතිවන ආතතිය අවම මට්ටමින් තබා ගැනීම භිය උපදවන අත්දැකීමක් වනු ඇත.සමහරවිට මෙම පීඩකාරී දිනචර්යාව,ඔබගේ ශාරීරික සෞඛ්‍ය ඉතා සීඝ්‍රයෙන් පිරිහීමට මග පාදනු ඇත.වැරදි ආහාර ගැනීමේ පුරුදු සහ ව්‍යායාම සහ නින්ද අඩුකම හේතුවෙන් බරපතල සෞඛ්‍ය ප්‍රශ්නවලට මුහුන දීමට සිදු වනු ඇත.හොඳ සෞඛ්‍ය තත්වයක් පවත්වාගෙන යාම සඳහා කාලය මිඩංගු කර ගැනීමට, ඔබේ පවුල වෙනුවෙන් කැපවී සිටින්න.

කර්තෘ ගැන:
amithaමෙම විශේෂ ලිපිය අමිත අමරසිංහ විසින් ලියන ලද්දකි. ඔහු සාමාන්‍යයෙන් අලෙවිකරණය සහ කළමණාකාරිත්වය පිලිබඳව "බ්ලොග්" කරයි. ශ්‍රී ලංකාවේ ප්‍රධාන ප්‍රචාරණ ආයතනයක රැකියාවක් කරන මොහු සුන්දර දරු දෙදෙනෙකුගේ පියෙකි.මෙහි අන්තර්ගත වන්නේ, ශ්‍රී ලංකාවේ සිටින පියවරුන් සහ පියවරුන් වීමට බලාපොරොත්තුවෙන් සිටින අය සමග බෙදා හදා ගැනීමට කැමති සහ උපකාරී වන, ඔහුගේ අත්දැකීම් වලින් බිඳකි.
අප වෙබ් අඩවියට වරින් වර ලිපි සපයන බාහිර ලියුම්කරුවන්ගේ ලිපි සියල්ල මෙම පොදු profile එක හරහා පල කෙරෙනු ඇත.

LEAVE A REPLY

Please enter your comment!
Please enter your name here