වැඩිහිටියන්ට සාපේක්ෂව දරුවන්ට ඇත්තේ ඉතා දුර්වල ප්‍රතිශක්තීකරණ පද්ධතියකි. මේ හේතුවෙන් කුඩා දරුවන්ට සෙම්ප්‍රතිශ්‍යාව වැලඳීමේ ප්‍රවණතාවය වැඩිය. සෙම්ප්‍රතිශ්‍යාව වැනි නිතර වැලඳෙන රෝග වලට එරෙහිව සටන් වැදීමේ ශක්තිය දරුවාගේ ප්‍රතිශක්තීකරණ පද්ධතියේ කාර්යක්ෂමතාව මත තීරණය වේ. ඉපදී හය මාසයක් තෙක් ගතවන කාලය තුලදී දරුවාට තම මවගෙන් හා මව්කිරි වල ඇති ප්‍රතිදේහ වලින් පූර්ණ ආරක්ෂාව ලැබේ. හය මසකට පසු, මෙම ප්‍රතිදේහවල කාර්යක්ෂමතාව හීන වන අතර දරුවාට සෙම්ප්‍රතිශ්‍යාව වැලඳෙන වෛරස ශරීර ගත වීමේ අවදානමක් ඇතිවේ. නමුත් මෙම තත්ත්වය පවතින්නේ දරුවාගේ ප්‍රතිශක්තීකරණ පද්ධතිය ප්‍රතිදේහ නිපදවන තුරු පමණි.
සෙම්ප්‍රතිශ්‍යාව වැලඳෙන වෛරසය ශරීර ගත වන සෑම අවස්ථාවකදීම ඊට එරෙහිව දරුවාගේ ප්‍රතිශක්තීකරණ පද්ධතිය ප්‍රතිදේහ නිපදවයි. සෙම්ප්‍රතිශ්‍යාවේ රෝග ලක්ෂණ අවම කිරීම පිණිස මෙම ප්‍රතිදේහ ශරීරයේ වෛරස් අංශු ප්‍රමාණය අඩු කිරීමට ක්‍රියාත්මක වේ. තවද මෙම ප්‍රතිදේහ සෙම්ප්‍රතිශ්‍යා වෛරස වලට එරෙහිව කල් පවතින ආරක්ෂාවක් ලබා දේ. සෙම්ප්‍රතිශ්‍යාව ඇතිවීමට හේතු කාරක වෛරස ගණනාවක් පවතින හෙයින් දරුවාට බහු විධ අයුරින් මෙම වෛරස් ශරීර ගත වීමේ අවදානමක් පවතියි. පවතින ප්‍රතිදේහ , වෛරස් වලට අනුගත නොවන්නේ නම්, ප්‍රතිශක්තීකරණ පද්ධතිය මීට එරෙහිව සටන් වැදීමට නව ප්‍රතිදේහ උපදවයි.
දරුවාගේ ප්‍රතිශක්තීකරණ පද්ධතිය කෙතරම් කාර්යක්ෂම වූවත් , හේමන්ත කාලයේ හෝ මෝසම් කාලයේදි ඕනෑම පුද්ගලයෙකුට සෙම්ප්‍රතිශ්‍යාව වැලඳීමේ ප්‍රවණතාවක් පවතියි. සීතල කාලගුණය, සෙම්ප්‍රතිශ්‍යාව ඇතිවීමට හේතු කාරකයක් නොවේ. මෙවැනි කාලගුණික තත්ත්වයක් තුල වෛරස වර්ධනය වන හෙයින්, ඔබට සීත ඍතුවේ සෙම්ප්‍රතිශ්‍යාව වැලඳීමේ අවදානම තීව්‍ර වේ. සුළං වල වායු ඝනත්වය අඩු බැවින් මිනිසුන් එලිමහනේ වැඩි කාලයක් ගත කිරීමට කැමැත්තක් දක්වයි. එකිනෙකා සමඟ මෙසේ සමාජශීලිව කටයුතු කරන විටදී, වෛරස් උණ වැලඳීමේ හැකියාවක් ඇත. නාස් වල රුධිර නාල , සීත කාලයේදි හැකිලෙන අතර මෙය නාස් ආරක්ෂිත පද්ධතියට ඍජු ලෙස බලපායි. මෙහි තවත් අහිතර ප්‍රතිඵලයක් ලෙස සෙම්ප්‍රතිශ්‍යා වෛරසය පහසුවෙන් ශරීර ගත වේ. වෛරසය වර්ධනය වීමත් සමඟ ඔබේ ශරීරයෙන් කැස්ස, සොටු දියර යාම, නාසු පුඩු අවහිර වීම වැනි රෝග ලක්ෂණ මතු වේ.
සෑම දරුවෙකුම, බිළිඳෙකුම එකිනෙකාට වෙනස් වේ. මේ නිසා ඔවුන් මෙම සෙම්ප්‍රතිශ්‍යා වෛරස් වලට ප්‍රතිචාර දක්වන්නේ ඔවුන්ගේ ශරීරයට ආවේණික ආකාරයකට ය. නිතරම හෙම්බිරිස්සාව වැලඳෙන කුඩා දරුවන් තුල දැකිය හැකි සාමාන්‍ය ජීවන ගති පැවතුම් පහත සඳහන් වේ.
මව විසින් මව් කිරි ලබා දී නැත.
බිළිඳාට ඉපදී පලමු මාස 4දී ලබා දෙන මව් කිරි වල දරුවාගේ ප්‍රතිශක්තීකරණයට වැදගත් ප්‍රතිදේහ අඩංගු වේ. මව් කිරි සමඟ බිළිඳාට පෝෂ්‍ය ගුණයෙන් යුත් ආහාර ලබා දීමෙන් , ඔහුව/ඇයව මෙම වෛරස් රෝග වැලඳීමෙන් ආරක්ෂා කර ගත හැක.
අක්‍රීය දුම්පානය
දුම් පානයට ඇබ්බැහි වූ දෙමාපියන් සිටින, අක්‍රීය දුම්පානයට ගොදුරු වූ දරුවන් හට සෙම්ප්‍රතිශ්‍යාව වැලඳීමේ ප්‍රවණතාවක් ඇත.
එකිනෙකා සමඟ සමීප සමාජශීලි සම්බන්ධතා පැවැත්වීම.
ළමා උද්‍යාන, දිවා සුරැකුම් මද්‍යස්ථාන හා පොදු ස්ථාන වැනි සමාජය සමඟ නිතර ගැවසෙන දරුවන් හට සෙම්ප්‍රතිශ්‍යාව වැලඳීමේ දැඩි ප්‍රවණතාවයක් ඇත. හෙම්බිරිස්සාව වැලඳුනු තවත් දරුවෙකු ආශ්‍රය කරන විටකදී හෝ පවුලේ සහෝදරයින්.සහෝදරියන් සමඟ සෙල්ලම් කිරීමේදි මෙම වෛරසය පහසුවෙන් ශරීර ගත විය හැක.
සෙම්ප්‍රතිශ්‍යාව වැලඳීම වලක්වා ගන්නේ කෙසේද?
සෙම්ප්‍රතිශ්‍යාව වැලඳීමට බොහෝ වෛරස් බලපාන හෙයින් දරුවාට ප්‍රතිශක්තීකරණ එන්නත් ලබා දීමෙන් ඵලක් නොවේ. කෙසේ නමුත්, දෙමාපියන් වශයෙන් ඔබට දරුවාව සෙම්ප්‍රතිශ්‍යාව වැලඳීමෙන් ආරක්ෂා කර ගත හැකි අතර ඒ සඳහා ගත හැකි ක්‍රියා මාර්ග පහත දැක්වේ.
මව් කිරි ලබා දීම.
දරුවා ඉපදී ගතවන පලමු මාස හතර තුලදී මව් කිරි පෙවීම, දරුවාට උපරිම ආරක්ෂාව ලබා දෙයි. මවගෙන් දරුවාට ප්‍රතිදේහ පමණක් නොව මනා පෝෂ්‍ය ගුණයක් ද මේ තුලින් ලැබේ.
නිතරම අත් සේදීම.
සෙම්ප්‍රතිශ්‍යා වෛරසය ශරීර ගත වීම වලක්වා ගැනීමේ පහසුම මෙන්ම ඉතා යෝග්‍යම ක්‍රමය ලෙස මෙය හැඳින්විය හැක. පවුලේ සෑම දෙනාම ක්‍රමවත් ලෙස අත් සෝදනවා ද යන්න සොයා බැලීම මනාය. දරුවාව ඇල්ලීමට පෙර අත් සෝදා තිබීම අනිවාර්ය වේ. පුද්ගලයෙකු කහින, කිවිසුම් අරින හෝ ඕනෑම මතුපිටක් අල්ලන සෑම අවස්ථාවකට පසුවම අත් සෝදා දරුවාව ස්පර්ෂ කිරීමට අමතක නොකරන්න.
දරුවා අවට ඇති දේවල් කටේ දැමීමෙන් ආරක්ෂා කරගන්න.
මෙම සෙල්ලම් බඩු, නිවසේ ඇති උපකරණ ආදිය බැක්ටීරියා හෝ වෛරස වලින් සමන්විත විය හැකිය. අවුරුදු තුන පිරෙන දරුවා ඉතා උද්‍යෝගයකින් පසුවන අතර ඔහු\ඇය අවට ඇති දේවල් කටේ දමා ගැනීමට තැත් කරයි. මෙයින් සෙම්ප්‍රතිශ්‍යාව වැනි වෛරස ශරීර ගත විමේ ප්‍රවණතාවය වැඩි වේ. දෙමාපියන් ලෙස ඔබට දරුවාගේ සෙල්ලම් බඩු නිතරම සේදීම, කාමරය පිරිසිදුව තබා ගැනීම වැනි ක්‍රම මඟින් දරුවාට හිතකර, සෞඛ්‍යමත් පරිසරයක් නිර්මාණය කල හැක. සෙම්ප්‍රතිශ්‍යාව වැලඳුනු අනෙකුත් දරුවන් සමඟ ඔබේ දරුවාව සෙල්ලම් කරවීමට සැලස්විමෙන් වලකින්න.
ලෙඩ රෝග වලින් පීඩා විඳින උදවිය හා සෙනග ඇති ස්ථාන මඟ හරින්න.
විශාල ජන සමූහයක හෝ ලෙඩුන් අතර ගැවසෙන දරුවාට පහසුවෙන් වෛරස ශරීර ගත වීමේ අවදානමක් ඇත. සාමාන්‍යයෙන් දරුවා ඉපදී පලමු කාර්තුව තුල, මිනිසුන් බහුල ස්ථාන මඟ හැරීම නුවණට හුරුය. නෑ හිතවතුන් වෛරස් රෝග වලින් පීඩා විඳින්නේ නම්, දෙමාපියන් වන ඔබට ඔවුන්ට කාරුණිකව නිවසට නොඑන ලෙස පැවසිය හැක. එසේම බිළිඳා බැලීමට නිවසට පැමිණෙන පවුලේ හිතවතුන් හට දරුවාව ස්පර්ෂ කිරීමට පෙර අත් සේදීමට පොලඹවන්න.
බොහෝ ළමා සුරැකුම් මධ්‍යස්ථාන, මාස 12 ට වඩා අඩු වයසින් යුත් දරුවන්ගෙන් සමන්විත වේ. මෙහි ප්‍රතිඵලයක් ලෙස, ඔබේ දරුවාට පහසුවෙන් සෙම්ප්‍රතිශ්‍යාව වැලඳිය හැක. එම නිසා ඔබට අත්‍යාවශ්‍ය නම් පමණක් මෙම දිවා සුරැකුම් මධ්‍යස්ථාන වෙත පිවිසෙන්න. හිතවතෙකු හෝ මිතුරෙකුගේ රැකවරණය මත දරුවාව නිවෙසේම රැක බලා ගැනීම යෝග්‍ය වේ. ඔබට දිවා සුරැකුම් මධ්‍යස්ථානයක අවශ්‍යතාවය පහල වුවහොත් එහි සෞඛ්‍යාරක්ෂිතභාවය හා සේවකයින්ගේ පවිත්‍රතාවය පිළිබඳ පරික්ෂාකාරි වන්න. දරුවාට ඔහුගේම/ඇයගේම හැඳි ගෑරප්පු, කෝප්ප හා තම නම සඳහන් ලේබල් අලවා ඇති උපකරණ යනාදිය තිබේ දැයි සැලකිලිමත් වන්න.
කහින විටදී හා කිවිසුම් අරින විට කට වසන්න.
කහින විටදී හා කිවිසුම් අරින විට කට වැසීමෙන් විෂබීජ අවට වාතයට එක්වීම හා පරිසරයේ මතුපිට මත පතිත වීම වැලකේ. හැකි පමණින්, ටිෂූ කටදාසියකට කහින්නට හෝ කිවිසුම් අරින්නට පුරුදු වන්න. නිවසේ සෑම දෙනාම මෙසේ කිරීමට පොළඹවන්න. කිවිසුම් අරින, කහින සෑම අවස්ථාවකට පසුවම හොඳින් සබන් දා අත් සේදීම අනිවාර්ය වේ.
