ඔබගේ ගර්භණි උදරය විවිධ ස්ථාන වල ගැටෙනු ඇතැයි සිතමින් ඔබ බියකින් පසුවන්නේද?

ඔබගේ ගර්භණි උදරය විවිධ ස්ථාන වල ගැටෙනු ඇතැයි සිතමින් ඔබ බියකින් පසුවන්නේද?

ගර්භනී සමය ලංවත්ම, මවක් වීමට බලාපොරොත්තු වී සිටින මව්වරුන් තම වැඩෙන උදරය විවිධ ස්ථාන වල ගැටීමෙන් ආරක්ෂා වීම සඳහා ඉතා සංයමයෙන් කටයුතු කරයි. නිතරම තම උදරය අනාරක්ෂිත ස්ථාන වල ගැටෙනු ඇතැයි ගැබිනි මවකට බියක් පහල වීම සාමාන්‍ය දෙයකි. ශරීරයේ බර වැඩිවීම හා සන්ධි වල ඇතිවන ලිහිල් බව හේතුවෙන් සමහර අවස්ථාවලදී මවකට තම සමබරතාවය පවත්වා ගැනීම අසීරු විය හැක. මේ හේතුවෙන් වැඩෙන ගර්භනී උදරය පිළිබඳ ඇය දැඩි ආරක්ෂාවකින් පසු වන්නීය.
ප්‍රවීණයින් මේ සම්බන්ධයෙන් පවසන්නේ කුමක්ද?
Allegeheny විශ්ව විද්‍යාලයේ සෞඛ්‍ය විද්‍යා අංශයේ සහකාර ආචර්යවරයා ලෙස සේවය කරන ඔවන් මොන්ට්ගෝමරි මහත්මයාට අනුව ගර්භනී මව්වරුන් තම වැඩෙන උදරය අනෙකුත් දේවල් වල මද ලෙස ගැටීමෙන් හෝ කුස තුල සිටින දරුවා පයින් පහර දීමෙන් තමාට දැනෙන පීඩනය පිලිබඳ කිසිසේත් බිය විය යුතු නැත. මන්ද ස්වාභව ධර්මයා ඔබේ ශරීරය කලලය සඳහා සූදානම් කර ඇත්තේ වැඩෙන දරුවාට සුරක්ෂිත පරිසරයක් ලැබෙන අයුරිනි. ඇම්නොයෝටික් ද්‍රව පිරුණු කෝෂයක හැදෙන කලලය එය වටා ඇති උදර හා ගර්භාෂයේ පේශි වලික් ආරක්ෂා වේ. මීට අමතරව, පපු කුහරය, කශේරුකාව හා ශ්‍රෝණිය වැඩෙන දරුවාට නිසි ආරක්ෂාව සපයයි.
කෙසේ වෙතත් ඔබගේ උදරය වේගයන් කිසියම් දෙයක හෝ තවත් පුද්ගලයෙකුගේ ශරීරයත් සමඟ ගැටුනේ නම් ප්‍රසව වෛද්‍යවරයකු හමුවීම යහපත්ය. ඔබගේ ගර්භයේ හෘද සපන්දන වේගය පරික්ෂා කිරීමෙන් පසු තත්ත්වය බරපතල නම් (දරුවාගේ ක්‍රියාකාරිත්වය පෙරට වඩා අඩු නම්) වැඩි දුර වෛද්‍ය ප්‍රතිකාර සඳහා ඔබව යොමු කරවයි. ඔබගේ යෝනි මාර්ගයේ ලේ වහනයක් සිදුවන්නේ නම්, පේශි වල පෙරළීමක් සිදුවන්නේ නම් හෝ පැය 12ක් ඇතුලත මාංශ පේශි වල සංකෝචනයක්/ලිහිල් වීමක් ඇති වනවා නම් වහාම ඔබගේ ප්‍රසව වෛද්‍යවරයා මුණ ගැසෙන්න.

ඝට්ටනය වීම් වලට අමතරව ලිස්සා වැටීමෙන් සිදුවිය හැකි අවාසනාවන්ත සිදුවීම් වලින් ගර්භණී මව්වරුන් ආරක්ෂා විය යුතුය. දියවන හිම, ලිස්සෙන මතුපිටක් සහිත, ඝර්ෂණය අඩු අලුතින් වැක්ස් කරන ලද, පොලිශ් කරන ලද පොලවක් මත පය තබන්නට පෙර ප්‍රවේසම් වන්න. අඩි උස, පටු පත්ලක් ඇති සපත්තු දැමීමෙන් වළකින්න. හැකි පමණින් ඔබට පහසු, පැතලි, මනා ඝර්ෂණයක් සහිත අඩියක් ඇති සෙරෙප්පු පළඳින්න. පඩිපෙල නැගීමේදි අත් වැල භාවිතා කරන්න. නාන තටාකයට යෑමේදි ප්‍රවේශම් වන්න. බඳ පටිය ඔබගේ උදරයට පහත ඇති උකුල් ප්‍රදේශයෙන් හා උරහිස් පටිය පයොධර මැදින් යන ලෙස පළන්ඳින්න. මෙවැනි ක්‍රියා මාර්ග අනුගමනය කරන ඔබට ගර්භණී කාලේයේදි ඇති විය හැකි ආපදා වලින් ආරක්ෂා විය හැකි අතර සුරක්ෂිත ප්‍රසවයකට සූදානම් විය හැක.

අප වෙබ් අඩවියට වරින් වර ලිපි සපයන බාහිර ලියුම්කරුවන්ගේ ලිපි සියල්ල මෙම පොදු profile එක හරහා පල කෙරෙනු ඇත.

LEAVE A REPLY

Please enter your comment!
Please enter your name here