ඔබේ දරුවා අධික ලෙස රූපවාහිනිය නැරඹීමට පුරුදු වී සිටියිද?

1993 මහා බ්‍රිතාන්‍යයේ දස හැවිරිදි ළමුන් දෙදෙනෙකු කෙරෙහි ලොව පුරා අවධානය ලැබුනේ ප්‍රකට ජේම්ස් බුලගර් සිද්ධිය නිසාය.ජේම්ස් නම් කුඩා දරුවෙකු මරා දැමීම සිදු කර ඇත්තේ භීතිය දනවන වීඩියෝ පටයක් නරබා  ඒ අනුව බවට මත පල වී තිබිණි.මෙය එක් නිදසුනක් පමණි.ජර්මනියේ වයස අවුරුදු 12ක දරුවන් දෙදෙනෙක් වීඩියෝපට නැරබීමට පුරුදු වී සිටි අතර ඔවුන් බැලු එක් වීඩියෝ පටයක් අත්හදා බලමින් අසල්වැසි දරුවෙක් ඒ ආකාරයට මරා දැමු බව ඔවුන් පිලිගෙන තිබුණි.

ජපානයේ ළමයින් 276ක් යොදා ගෙන කරනු ලැබූ සමීක්ෂණයකින් හෙළි වුයේ රූපවාහිනිය සහ විද්‍යුත් උපකරණ කෙරෙහි ඇති අධ්ක ලැදියාව මොලය ffi, වලට  හානිදායක බවයි.වැඩි කාලයක් රූපවාහිනීය නැරබීමට හුරු වූ ළමයින්ගේ මොලයේ ffi, වල යම් ආකාරයක වෙනස් ලක්ෂණ පෙන්නුම් කල හැකි බවයි.එම්.ආර් ස්කෑන් පරික්ෂණය මගින් මේ කරුණු සොයා ගෙන ඇත.කුඩා දරුවන්ගේ මොලයේ ක්‍රියාකාරිත්වය අසමබර වීම කෙරෙහි රූපවාහිනිය කරන බලපෑම් පිලිබදව බෑරැරුම්ව සිතා බැලිය යුතුය.

රූපවාහිනිය හා ළමයා අතර ඇත්තේ ඉතා සමීප සම්බන්ධතාවයකි. මුළු ලොවම දරුවන් දවසකට වැඩි වේලාවක් රූපවාහිනීය ලග සිටින බව පර්යේෂණ මගින් හෙළි වී ඇත.රූපවාහිනිය ළමයින්ට කරන යහපතට වඩා අයහපත වැඩිය.නුතන පවුල තුළ ළමයා උපදින්නේම රූපවාහිනියේ කොටස්කරුවෙකු බවට පත් වෙමිනි.අද වෙන විට රූපවාහිනිය නැතිවම බැරි මෙවලමක් බවට පත් වී ඇත.

රූපවාහිනිය බැහැර කළ විට ළමයාට සිය විවේකය ගත කිරීමට විවිධ කාර්යයන්හි යෙදෙන්නට අවකාශය තිබේ.පාසල ඇරි එන දරුවෙක් හැන්දෑ වරුවේ නිවසෙන් එලියට බැස සෙල්ලම් කිරීමට කැමති වෙති.රූපවාහිනිය විසින් ළමයාගේ ස්වාභාවික චර්යාව වෙනස් කර ඇත.ඔවුන් අද කල්පනා කරන්නේ සවස් වරුවේ කාටූන් වැඩසටහන්හි දී කුමක් නැරබිය හැකිද යන්න පිලිබදවයි.බොහෝ රූපවාහිනි වැඩසටහන්හි හුදු හාස්‍ය මුසු වී ඇත.මුළු ලොවම හොදින් දන්නේ කොකා කෝලා යන වචනයයි.සෙල්ලම් කරන්නේ පිස්තෝලයක් සමගයි.හින්දි නළු නිළියන්ගේ පින්තුර විනෝදයක් ලෙස එකතු කරයි.

රූපවාහිනි හරහා සිදු වන අවාසනාවන්ත සිදුවීමක් වන්නේ පුංචි දරුවන් බලා ගැනීමේ කාර්යය ද මව්වරුන් රූපවාහිනියට බාර කිරීමයි.මව්වරුන් සිය නිවසේ වැඩ කටයුතු නිම කරන තෙක් දරුවා බලා කියා ගන්නා රූපවාහිනියට  දරුවා අකාර්ශනිය වන අතර එය බිලිදාගේ මුල්ම ගුරුවරයා බවට පත් වී ඇත.මවගෙන් ලැබෙන උණුසුම් සෙනෙහස නොමැති වුව ද රූපවාහිනීය දරුවා හොදින් බලා කියා ගනී.දරුවා රූපවාහිනීයට අධික ලෙස ඇබ්බැහි වීමට ප්‍රධාන වශයෙන් වග කිය යුත්තේ දෙමවුපියන්ය.විශේෂයෙන්ම  කුඩා දරුවන් එක අරමුණක රදවා ගැනීමට යොදන උපක‍්‍රමයක් ලෙස බොහෝ වැඩිහියන් රූපවාහිනීය යොදා ගැනීම සුලභය.

“අම්මා ගෙදර වැඩ ටික කරනකම් පුතා ටීවී බලන්නකෝ”

දරුවන්ට දෙමවුපියන්ගේ අවධානය අවශ්‍ය වුව ද එකී අවධානය ලබා දීම දෙමවුපියන් විසින් බාලගිරි දෝෂය මෙන් කල් දමයි.මේ කුඩා අතපසුවිම දරුවා රූපවාහිනීය ඇබ්බැහි වීමට දීර්ඝකාලීන බලපෑම් කරයි.

ළමයා යනු තමන්ගේ චරිත ලක්ෂණ සකස් කර ගනිමින් සිටින ජීවියෙකි.රූපවාහිනිය විසින් ඉදිරිපත් කරන සෑම දෙයක්ම ළමයාගේ චරිත ලක්ෂණ වලට උරා ගනියි.මෙම චරිත ලක්ෂණ ළමුන්ගේ ජිවිතයට හානිකරය.එහෙත් වැඩිහිටියන්ට ඒ බව තේරෙන්නේ නැත.මේ සියල්ල නිසි ලෙස තේරෙන්නේ රූපවාහිනී වැඩසටහන් කළමනාකරුවන්ටය.ඔවුහු නියම ලෙස ළමයින්ගේ නිල අල්ලා රූපවාහිනී වැඩසටහන් සම්පාදනය කරයි.මෙම රූපවාහිනී වැඩසටහන් වලට ඔබේ දරුවා අධික ලෙස ඇබ්බැහි වී සිටි නම් මේ මොහොතේ සිටම ඔබේ දරුවා වෙනත් බාහිර ක්‍රියාකාරකම් වලට යොමු කිරීමට වග බලා ගන්න.එසේ නොවුනහොත් ඔබේ ළමයා සමාජයට පිවිසෙන විට ප්‍රචණ්ඩ පුද්ගලයෙකු බවට පත් වීමට බොහෝ ඉඩකඩ ඇත.

හැමෝම ඇයට කියන්නේ මාලි කියලා. දැනට ඇය කොළඹ විශ්වවිද්‍යාලය ශ්‍රී පාලී මණ්ඩපයේ ජනමාධ්‍ය විශේෂවේදී උපාධිය හදාරමින් සිටිනවා. මේ ඇගේ අවසාන අවරුද්දයි. අවරුදු හතරක් තිස්සේ නිදහස් ජනමාධ්‍යවේදිනියක් හැටියට විවිධ මාධ්‍ය ආයතනවල වැඩ කරමින් සිටිනවා. මේ වන විට ඇය “Young Media” සඟරාවේද වැඩ කරමින් සිටිනවා. ඇය සැමවිටම කාර්යබහුලයි.හැම මොහොතක්ම කුමන හෝ වැඩක යෙදී සිටිනවා.කාලය පිළිබඳව ගොඩාක් සැලකිලිමත් වෙනවා.නිතරම ඇය පුස්තකාලය පරිශීලනය කරනවා.මොකද වීධ්‍යාර්තයෙක් හැටියට දැනුම නිතරම අලුත් කර ගැනීම් වටිනා බව ඇය විශ්වාස කරනවා.

LEAVE A REPLY

Please enter your comment!
Please enter your name here