කුඩා දරුවාගේ අධ්‍යාපනය පිලිබදව ඔබ සැලකිලිමත්ද?

කුඩා දරුවාගේ අධ්‍යාපනය පිලිබදව ඔබ සැලකිලිමත්ද?

ඉගෙනීම පිලිබදව කතා කල පමණින් අපගේ සිහියට එන්නේ පාසල්  අධ්‍යාපනයයි. ඒ නිසාම බොහෝ දෙමාවුපියන් සිය දරුවන්ගේ අධ්‍යාපනය කෙරෙහි තම අවධානය යොමු කරන්නේ පාසල් අධ්‍යාපනය ඇරබිමත් සමගයි.නමුදු එය සම්පුර්ණයෙන් වැරදිය.දෙමවුපියන් තම දරුවන්ගේ අධ්‍යාපනය සදහා මැදිහත් විය යුත්තේ දරුවාගේ කිනම් වයසේදී ද යන්න පිලිබදව ඔවුන් තුල ඇත්තේ ගැටලුවකි.දරුවාගේ අධ්‍යාපනය  පිලිබදව පර්යේෂණ මෙහෙය වන විද්වතුන්ට අනුව ඉපදී පළමු මාස 02 පමණ වන විට දරුවාගේ ඉගෙනුම කටයුතු සදහා දෙමවුපියන්ගේ මැදිහත් වීම අවශ්‍යය.දරුවා සිය ඇස් සහ හිස හරවා බැලීම,ඔහු තම අත් පය සෙලවීම,සිනාසීම,ශබ්දය දෙසට කන් යොමු කිරීම,සංවේදී  ඉන්ද්‍රියයන් ගෙන් ප්‍රතිචාර ලබා ගැනීම,උත්තේජන වලට ප්‍රතිචාර දැක්වීම ආදී සියල්ල මුල් ඉගෙනීමේ අවස්තා වේ.

කුඩා දරුවන්ගේ මොලය ඉක්මනින් ක්‍රියා කරන බව ඒ පිලිබදව සිදු කර ඇති පර්යේෂණ මගින් හෙළි වී ඇත.එය නොනවත්වාම ක්‍රියා කරයි.එහි ක්‍රියාකාරිත්වය නොනවත්වාම පවත්වා ගැනීම සදහා ඊට අවශ්‍ය දේවල් දෙමාපියන් විසින් සැපයිය යුතුය.මෙය නිසි පරිදි ක්‍රියා කිරිම ජිවිතයට හොද ආරම්භයක් සපයයි.මේ නිසා දරුවා ක්‍රමයෙන් වර්ධනය වන විට නිවසේ එදිනෙදා කාර්යයන් සදහා ඔහුව සහභාගි කරවා ගැනීමත්,හැකි සෑම අවස්ථාවකදීම ඔහු සමග කතා කිරීමත්,දරුවා සමග කවි කතාන්දර ගී සින්දු ගායනා කිරීමත් ඉතා වැදගත් වේ.

දරුවන්ට යමක් හොදින් ධාරණය වන පරිද්දෙන් ඉගැන්වීමට නම් එය යලි යලිත් අභ්‍යාස කල යුතු බව ඇමරිකානු ජාතික ඊ.අයි.තොණ්ඩයින් විසින් පෙන්වා දි තිබේ.එමෙන්ම ඉගෙනුම සිදු විමට නම් යම් ප්‍රතිඵලයක් ලැබිය යුතු බව ඔහුගේ අදහසයි.යමක් ඉගෙනුමට දරුවෙකු සුදානම් නොමැති විට එය බලෙන් ඉගැන්වීමට උත්සහා දැරීමෙන් දරුවා තුල අසතුටක් ඇති වන බව මොහු තවදුරටත් පෙන්වා දේ.නමුදු අපේ දෙමවුපියන් වැඩියෙන් සිදු කරන්නේ එයයි.

කුඩා දරුවන් වුව ඉගෙනීමට මානසික වශයෙන් සුදානම් නොමැති නම් දෙමවුපියන් කොතරම් උත්සහා ගත්ත ද එය සාර්ථක වන්නේ නැත.දරුවන්ට විසදිය හැකි සරල ගැටළු ඉදිරිපත් කරමින් කුඩා කල සිටම දරුවාගේ  අධ්‍යාපනය සංවර්ධනය කල හැකිය.කුඩා දරුවෙකුගේ සෙල්ලම් බඩුවක් සගවා එය සොයා ගැනීමට යොමු කල හැකිය.එසේ නොමැති නම් ඈත තිබෙන සෙල්ලම් බඩුවක් කොටුවකින් ඇද ගැනීමට ඔහුව යොමු කල හැකිය.මේ ආකාරයට කුඩා කල සිටම දරුවාගේ අධ්‍යාපනය  සංවර්ධනය කල හැකිය.

එසේම දරුවාගේ දෑත් සහ දෑතේ ඇගිලි භාවිතා කල හැකි සරල ක්‍රියාකාරකම් වලට දරුවාට ඉඩ ලබා දිය යුතුය.උදාහරණයක් වශයෙන් වැලි මැටි ජලය සමග සෙල්ලම් කිරීමට කඩදාසි කැබලි ඉරීම සදහා පැස්ටල් භාවිතා කිරීම් ආදී දෑ වලට යොමු කිරීම ඉතා වැදගත්ය.නමුදු මේ පිලිබදව අවබෝධයක් නොමැති බොහෝ දෙමවුපියන් තම දරුවාට වැස්සේ තෙමිමට,වැලි මැටි ඇල්ලීමට වැනි දෑ වලට ඉඩ ලබා දෙන්නේ නැත.

මේ අනුව කුඩා කල සිටම දරුවා ඉගෙනීම ආරම්භ කරන බව පැහැදිලිය.එම නිසා දෙමාවුපියන් දරුවාගේ උපතේ පටන් ඒ පිලිබදව සැලකිලිමත් වීම වැදගත්ය.ආරම්භයේ දී දරුවා ඉතා අසරණය.එම නිසා දරුවාගේ ජිවිතයේ ආරම්භයේ සිටම දරුවාගේ ඉගෙනුම් ක්‍රියාවලියට උපකාර කල යුතුය.

හැමෝම ඇයට කියන්නේ මාලි කියලා. දැනට ඇය කොළඹ විශ්වවිද්‍යාලය ශ්‍රී පාලී මණ්ඩපයේ ජනමාධ්‍ය විශේෂවේදී උපාධිය හදාරමින් සිටිනවා. මේ ඇගේ අවසාන අවරුද්දයි. අවරුදු හතරක් තිස්සේ නිදහස් ජනමාධ්‍යවේදිනියක් හැටියට විවිධ මාධ්‍ය ආයතනවල වැඩ කරමින් සිටිනවා. මේ වන විට ඇය “Young Media” සඟරාවේද වැඩ කරමින් සිටිනවා. ඇය සැමවිටම කාර්යබහුලයි.හැම මොහොතක්ම කුමන හෝ වැඩක යෙදී සිටිනවා.කාලය පිළිබඳව ගොඩාක් සැලකිලිමත් වෙනවා.නිතරම ඇය පුස්තකාලය පරිශීලනය කරනවා.මොකද වීධ්‍යාර්තයෙක් හැටියට දැනුම නිතරම අලුත් කර ගැනීම් වටිනා බව ඇය විශ්වාස කරනවා.

LEAVE A REPLY

Please enter your comment!
Please enter your name here