ඔබ අලුත උපන් දරුවා සමඟ ගමනක් යාමට ලැහැස්ති වනවාද? ඔබ සුරක්ෂිතව නිවසින් පිටවීම සඳහා ඩයපර් බෑගයේ ඇසිරිය යුත්තේ කුමක්ද යන්න කල්පනා කරමින් සිටිනවාද? මෙම ප්‍රශ්නවලට විසඳුම් කිහිපයක් පහත ලැයිස්තුවේ අප ඉදිරිපත් කොට ඇත.
බොතල්, අයිස් පැක් හා ළඳරු කිරිපිටි – දරුවාට බෝතලයෙක් කිරි දීමේදි මම භාණ්ඩ අත්‍යවශ්‍ය වේ. බොතලයෙන් හෝ මව් කිරි ලබා දුන්නද අයිස් පැක් තබා ගැනීම යහපත්ය. කිරි බෝතල් කිහිපයක් බෑගයේ දමා ගන්න. දරුවා බඩගිනි වූ සැණින් කිරි පෙවීම සඳහා මෙය වැදගත් වේ.
ළඳරු පිරිසිදුකාරක ටිශූ (බේබි වයිප්ස්) – ඩයපර් මාරු කිරීමෙන් පසු දරුවාව පිරිසිදු කිරීම සඳහා කුඩා ප්‍රමාණයේ පැක් වලින් බේබි වයිප්ස් ඔබට ලබා ගත හැකි වේ.
බර්පින්ග් (ගුඩුස්) රෙදිකඩක්. ගුඩුස් යන විට දරුවාගේ මුව පිරිසිදු කිරීම සඳහා රෙදි කඩක් තබා ගැනීම අනිවාර්ය වේ. කෑම කෑමෙන් පසු දරුවාගේ මෙන්ම ඔබේ ඇඳුම් ආරක්ෂා කර ගැනීමට මෙයින් හැකිවේ.
වතුර බෝතලයක්. දරුවාට මෙන්ම ඔබට, පිරිසිදු කිරීමේ හා පානය කිරීමේ අවශ්‍යතා සඳහා වතුර බෝතලයක් තබා ගැනීම යහපත් ය.
මාරු කිරීම සඳහා අතිරේක ඇඳුම් කට්ටලයක් – අමතර කලිසමක්, ළමා ඇඳුම් කට්ටලයක් හා රාත්‍රී නිදන ඇඳුමක් පැක් කර ගැනීමට අමතක නොකරන්න.
පොරවන බ්ලැන්කෙට්ටුවක් – උෂ්ණත්වය අනුව සැහැල්ලු පොරවනයක් තබා ගන්න.
ඩයපර් – ඔබ නිවසින් පිටත සිටින පැය ගණනන අනුව ගෙන යා යුතු ඩයපර් ප්‍රමාණය තීරණය කල යුතු වේ. සාමාන්‍යයෙන් පැයක් සඳහා එක ඩයපරයක්.
ඩයපර් හෝ නැපී මාරු කරීම සඳහා ඇතිරිල්ලක්.
ප්ලාස්ටික් බෑග් – ගලවා දමන ලද කිළිටි වූ ඩයපර්, ඇඳුම් දමා ගැනීම සඳහා ප්ලාස්ටික් බෑග් තබා ගැනීම අනිවාර්ය වේ.
ඩයපර් රෑශ් ක්‍රීම් ආලේපනයක් – ලඟම ඇති ෆාමසියකින් , ගමනක් යනවිටදී පහසුවෙන් රැගෙන යා හැකි කුඩා ප්‍රමාණයේ රෑශ් ක්‍රීම් ටබ් එකක් හෝ ක්‍රීම් ටියුබයක් මිලදී ගන්න.
අනුමත කල බේත් හේත් – දිනපතා ගත යුතු බෙහෙත් අනිවාර්යයෙන්ම බෑගයේ අසුරන්න. හදිසියේදි දරුවාට උණක් ගැණුනු අවස්ථාවකදී, ඔබට මෙය රුකුලක් විය හැක.
ඔබගේ පවුලේ වෛද්‍යවරයාගේ දුරකතන අංකය හා නම සඳහන් කාඩ් පතක්. – හදිසි අවස්ථාවන්හිදි ඔබගේ ළමා විශේෂඥ්‍ය වෛද්‍යවරයාව ඇමතීම සඳහා මෙය වැදගත් වේ.
අමතර සූප්පුවක්. – ඔබගේ දරුවා සූප්පුවලට හුරුවී ඇත්නම් අමතර සූප්පු කිහිපයක් රැගෙන යා හැක. අතපසු වීමකින් දරුවාගේ මුවෙහි වූ සුප්පුව බිමට වැටීමට ඉඩ ඇත.
හිරු කිරණ වලින් ආරක්ෂා වීම සඳහා සන් ස්ක්‍රීන් ආලේපනයක්. මාස 6ට වඩා වැඩි දරුවන් SPF අගය 30 හෝ ඊට වැඩි ආලේපනයක් භාවිතා කල යුතු වේ. කාලගුණයේ වෙනස්කම්වලට අනුව නොවරදවාම දරුවාගේ ශරීරයේ සන් ස්ක්‍රීන් ආලේප කරන්න.
මවට හිතකර කෙටි ආහාර – ඔබ නිවසින් පිටත සිටින අවස්ථාවලදී, බඩගිනි වූ විට කෑ හැකි ඇට වර්ග වියළි පලතුරු යනාදිය තබා ගැනීම යෝග්‍යය. බැදපු, අධික සීනි සහිත ආහාරවලට වඩා මේවා හිතකරය.
දරුවාගේ සෙල්ලම් බඩු -ගමන අතරතුරදී හෝ වෙනත් නිවසකදී දරුවාට විනෝද විය හැකි ඔහුගේ/ප්‍රියතම සෙල්ලම් බඩු කිහිපයක් රැගෙන යන්න. රැටල්, ටෙඩි බෙයා හා දත් එන විට දමන රබර් මුදු.
