ගර්භනී මව්වරුන්ගේ නුපන් දරුවන්ට සීකා වෛරසය හරහා විකෘතිතා ඇති කරන බව මේ වන විට සොයා ගෙන ඇත. මේ නිසාම ලෝකයම කළඹන සීකා වෛරසය පිලිබදව මව්වරුන්ට අවබෝධයක් තිබීම වැදගත්ය.
2015 වසරේ මැයි මාසයේ සිට පැතිරී යන මෙම වෛරසය මගින් වැඩිම බලපෑමක් එල්ල වී ඇත්තේ බ්‍රසිලයටය. ඉන් ඔක්තෝම්බර් මාසයේ සිට බ්‍රසිලයේ හිස් කබල් කුඩා දරුවන් 3300ක් උපත ලබා තිබේ. මේ නිසා සීකා වෛරසය හේතුවෙන් ලෝකය පුරාම දැවැන්ත වසංගතයක් හට ගැනීමට ඉඩ ඇති බව විද්වතුන්ගේ මතයයි.
සීකා මදුරු වෛරසයට හේතුකාරක වන “ඊඩිසි ඊජිප්ටයි” සහ “ඊඩිස් පිටියේටස්‌” යන මදුරු විශේෂය ශ්‍රී ලංකාවේ ද සිටින බව මේ වන විට සොයා ගෙන තිබේ. කොතරම් ඉක්මනින් මෙකි වෛරසය පැතිරී ගිය ද මේ සදහා තවමත් එන්නතක් සොයා ගෙන නොමැත. මේ නිසාම සීකා වෛරසය පැතිරී යාම අප විසින්ම වලක්වා ගත යුතුය. එහිදී ප්‍රධාන වශයෙන් අපට කල හැක්කේ මදුරුවන්ගෙන් අප සිරුර ආරක්ෂා කර ගැනීමයි. කුඩා වලවල් සංචිත ඉවත් කිරීමෙන් මදුරු ගහනයන් අඩු කිරීමට මිනිසුන්ට කළ හැකිය. හිස් බෝතල්, මල් පෝච්චි, ඉවත් දමන ලද ටයර් වැනි මේ කුඩා ජාල සංචිත මෙකි මදුරුවන් බෝවන ස්ථාන බව හදුනා ගෙන තිබේ. මදුරුවන්ගේ ප්‍රහාරයට ගොදුරු වීම වැලැක්වීම පිණිස සියල්ලන්ගේම විශේෂයෙන් ගැබ් ගැනීමට ඉඩ ඇති කාන්තාවන් ක්‍රියා කිරීම වැදගත්ය. ජනෙල් වලට තිර සවි කිරීම, සැම වැසෙන සේ ඇදුම් ඇදීම, කෘමි විකර්ෂක භාවිතා කිරීම ඉන් කිහිපයකි.
අතිශයින්ම සීකා වෛරසය පැතිරී ඇති රටවල කාන්තාවන්ට 2018 වන තෙක් ගැබ් ගැනීමෙන් වැලකි සිටින ලෙස යෝජනා කොට ඇත්තේ මෙම වෛරසය මර්ධනය කිරීම උදෙසාය. එමෙන්ම සීකා වෛරසය පැතිරී ගොස් තිබෙන රටවල සංචාරය යෙදීමෙන් වැලකි සිටින ලෙස විද්වතුන් විසින් ඉල්ලා සිටින්නේ මෙකි රෝගයේ පවතින බරපතලකම නිසාවෙනි. කොහොම වෙතත් රෝගකාරකයට විසදුමක් සොයා ගෙන නොමැති නිසාම මදුරුවන් බෝවීම වැළක්වීමේ ක්‍රමවේද අපට භාවිතා කිරීමට පුළුවන.
මෙය බෝවෙන වෛරසයක් වන අතර ඩෙංගු, කහ උණ, චිකන් ගුන්‍යා වාහක මදුරුවන්ට සමාන මදුරු වර්ගයකින් පැතිරෙන බව සොයා ගෙන තිබේ. 1947 ප්‍රථම වරට මෙකි වෛරසය වෙන්කොට හදුනා ගෙන තිබේ. 2007දී බටහිර ශාන්තිකර දුපතක් වන යාප් දුපතේ සීකා වෛරසය දරුණු ලෙස පැතිරී ගොස් ඇති අතර ඉන් පසු ශාන්තිකර දුපත් හරහා බ්‍රසිලයට පැමිණ දකුණු ඇමෙරිකාව, මධ්‍යම ඇමෙරිකාව රටවල් ගණනක වේගයෙන් පැතිරී ගොස් ඇත.
කොලොම්බියාවේ පමණක් 25000 ඉක්මවා කාන්තාවන්ට මෙකි වෛරසය ආසාදනය වී ඇති අතර ඉන් 31000 පමණ ගර්භනී කාන්තාවන් බව සොයා ගෙන තිබේ. උණ, හන්දිපත් වේදනාව, කුෂ්ට ඇතිවීම සීකා වෛරසයේ රෝග ලක්ෂණයි. තම දරුවන්ගේ අනාගතය වෙනුවෙන් මෙම වෛරසය මර්ධනය කල හැකි එන්නතක් නිෂ්පාදනය කරන ලෙස ගැබිණි මව්වරුන් ඉල්ලා සිටින අතර ඇතැම් රටවල් ගබ්සාව බොහෝ මව්වරුන් ඉල්ලා සිටින්නේ මෙහි පවතින අන්තුරුදායක බව නිසාවෙනි. එමෙන්ම මෙම වෛරසය ආසාධනය වූවහොත් කාන්තාවක් නම් මාස 02ක් ගතවනතුරුත්, පිරිමි පුද්ගලයෙක් නම් මාස 06ක් ගතවනතුරු ලිංගික එක්වීමක් සිදු නොකළ යුතු බව විශේෂඥන්ගේ මතයයි.
මෙම සීකා වෛරසය පැතිරී යා හැකි ප්‍රදේශ සලකුණු කරමින් සකස් කරන ලද සිතියමක් elife ජර්නලයට ශ්‍රී ලංකාව ද ඇතුලත් වී ඇත.
