ඔබේ දරුවාගේ කාමරයත් අවුල් ජාලාවක්ද

child room

ඉගෙනීම සාර්ථක වීමට ඔබේ දරුවා ඉගෙන ගන්න පරිසරය ද බොහෝ දුරට බලපායි. ඒ නිසාම දරුවාට වඩාත් උචිත පරිසරයක් සකස් කර දීම ඔබ සතු දෙයක්. මේ පරිසරය දරුවාගේ මතක ශක්තිය  වර්ධනයට හේතු වන බව තමා බොහෝ විද්වතුන් පෙන්වා දෙන්නේ. මනස සැහැල්ලුවෙන්, ශරීරයටද වෙහෙසක් ඇති නොවන පරිදි ඉගෙනීමේ යෙදෙන්න මේ පරිසරය බලපානවා. ඒ නිසාම ඔබේ දරුවාගේ  අධ්‍යාපනයට උචිත පරිදි යම් ස්ථානයක් සකස් කර දෙන්නේ කොහොමද කියන්නේ මේ සුදානම.

මේ සදහා,

බාහිර ශබ්ද වලින් තොර පරිසරයක්

උෂ්ණත්වය අඩු සිසිල් සිරුරට සුව පහසු පරිසරයක්

හොදින් ආලෝකය වැටෙන තැනක්

පිරිසිදු වාතය ලැබෙන, ඔහු වඩාත් ප්‍රිය කරන තැනක්  ඉගෙනුම් කටයුතු වල යෙදීමට සුදුසු වේ. එසේම ඉගෙනම් කටයුතු කරන ස්ථානයේ දරුවාගේ ආත්ම විශ්වාසය වැඩි වෙන වදන් ලියා ඔහුට පෙනෙන සේ අලවා තබා ගැනීමට ඔහුට පවසන්න. එනම්,

විද්වතුන්ගේ කියමන් , ආත්ම විශ්වාසය වැඩි වීමට තදින් බලපායි.

ඔහු ලබා ගත් සහතික, පදක්කම් ඔහුට පෙනෙන සේ තබන්න.

ඔබේ දරුවා  අධ්‍යාපනය යෙදෙන පරිසරයේ වර්ණය ද ඉතාමත් වැදගත් වේ. මෙහිදී බිත්ති වලට තද වර්ණ යොදා ගන්න එපා. ලා වර්ණ උචිතය. විද්වතුන්ගේ මතය වනුවේ කහ වර්ණය මතක ශක්තිය වර්ධනයට බලපාන බවයි. එම නිසා එවැනි වර්ණයක් වඩාත් සුදුසුය. එසේම පාඩම් කරන ස්ථානයට ආලෝකය ලැබෙන දිශාවද වැදගත් වේ. ඔබේ දරුවා දකුණු අත ලිවීමට භාවිතා කරන්නේ නම් වම් පසින් ආලෝකය ලැබීම වඩාත් සුදුසු වන අතර ඇතැමුන් වම් අත ලිවීමට භාවිතා කරන නිසා දකුණු පසින් ආලෝකය ලැබීම වඩාත් සුදුසුය.

කාමරය සදහා භාවිතා කරන බල්බයේ ආලෝකය පිළිබදවද සැලකිලිමත් වීම වටි. මන්ද අඩු ආලෝකයක් භාවිතා කරන විට එය ඇසට වෙහෙසකාරී වේ. එසේම නින්ද යෑමේ ප්‍රවණතාවයද වැඩිය. එසේම මෙම බල්බය සහ මේසෙට පවතින දුර ප්‍රමාණය ගැනද සැලකිලිමත් විය යුතුය.

පාඩම් කටයුතු වල යෙදෙන ස්ථානය ඉතාමත් පිළිවෙල විය යුතුය. අවශ්‍ය දේවල් හැර ඉතිරි සියල්ල ඉවත් කරන්න දරුවාට කියා දෙන්න. එසේම අවශ්‍ය දේවල් ඉතා ඉක්මනින් ලබා ගත හැකි වන පරිදි රාක්ක වල අසුරා තබන්න. එවිට යම් පොතක් අවශ්‍ය වූ විට ඒ සදහා වැඩි කාලයක් ගත වන්නේ නැත.

එසේම ඉගෙනුම් කටයුතු අවසන් වූ විට ඒවා නැවත පිළිවෙලට තබන ආකාරය ඔබේ දරුවාට කියා දෙන්න. පාඩම් කරන පරිසරය අවුල් ජාලාවක් නම් ඔහුට කිසි දෙයක් ධාරණය වන්නේ නැත. කාල සටහනකට අනුව පාඩම් වල යෙදෙන ආකාරය පිලිබදව දරුවා දැනුවත් කරන්න.

බොහෝ දරුවන් අනවශ්‍ය දේවල් ගොඩ ගසා ගෙන සිටි. ගැහැණු දරුවන්ට වඩා තරමක් පිරිමි ළමුන්ගේ පිළිවෙල බව අඩුය. ඒ නිසාම  අනවශ්‍ය දේවල් ඉවත් කොට අවශය දේවල් පමණක් පිළිවෙලට තබා ගන්න අකාරය පිලිබදව දැනුවත් කරන්න.

ඇතැම් දරුවන්ට මෙවෙනි දේ පිලිබදව නිසියාකාර දැනුවත් බවක් නැත. ඇතැම් රටවල දරුවන්ට කුඩා කල සිටම පිලිවෙට තම කටයුතු වල යෙදෙන අකාරය පිලිබදව පාසල හරහා දැනුවත් කරයි. දරුවා අධ්‍යාපනය ලබන පරිසරය නිසියාකාරව නොමැති විට ඔහුගේ ඉගෙනුම් මන්දගාමී කරයි.

මේ නිසාම දරුවාට ඔබේ උදව් අවශ්‍යයි. කුඩා කල සිටම දරුවන්ට පිළිවෙලකට සිටීම උගන්වන්න. හොද පුරුදු කුඩා කල සිටම කියා දීමෙන් දරුවන් ඒවා දිගටම පවත්වා ගෙන යයි.

හැමෝම ඇයට කියන්නේ මාලි කියලා. දැනට ඇය කොළඹ විශ්වවිද්‍යාලය ශ්‍රී පාලී මණ්ඩපයේ ජනමාධ්‍ය විශේෂවේදී උපාධිය හදාරමින් සිටිනවා. මේ ඇගේ අවසාන අවරුද්දයි. අවරුදු හතරක් තිස්සේ නිදහස් ජනමාධ්‍යවේදිනියක් හැටියට විවිධ මාධ්‍ය ආයතනවල වැඩ කරමින් සිටිනවා. මේ වන විට ඇය “Young Media” සඟරාවේද වැඩ කරමින් සිටිනවා. ඇය සැමවිටම කාර්යබහුලයි.හැම මොහොතක්ම කුමන හෝ වැඩක යෙදී සිටිනවා.කාලය පිළිබඳව ගොඩාක් සැලකිලිමත් වෙනවා.නිතරම ඇය පුස්තකාලය පරිශීලනය කරනවා.මොකද වීධ්‍යාර්තයෙක් හැටියට දැනුම නිතරම අලුත් කර ගැනීම් වටිනා බව ඇය විශ්වාස කරනවා.

LEAVE A REPLY

Please enter your comment!
Please enter your name here