දස මසක් කුස තුළ පෝෂණය කළා සේම දරුවන්ගේ අනාගතය සවිමත් කරන්නට දෙමාපියන් නොසෑහෙන වෙහෙස වෙයි. මෙහිදී මාපිය අවදානය වැඩි වශයෙන්ම යොමු වන්නේ දරුවන්ගේ අධ්‍යාපනය වෙතටයි. උදෑසන පාසැල වෙත යන දරුවා සවස් කාලයේ අමතර පන්ති ස`දහා සහභාගී වේ. ඇතැම් මව්වරුන් මේ පිළිබ`දව දිවා ? නොතකා කැපවන්නේ කුඩා මනසට දරා ගත හැකි ප‍්‍රමාණය කොතරම්ද යන්න පිළිබ`දව ද නිශ්චිත අදහසක් නොමැතිවය. කොපමණ වියදම් කළ ද කොපමණ වෙහෙස වුව ද ”පාඩම් කරන්න ඕනේ” යන්න දරුවෙකුුගේ මනසට කා වැද්දීම බලෙන් කළ නොහැකිය. ඒ නිසාම නිවස තුළ සාමකාමී වටපිටාවක් සකසමින් දරුවාගේ මනස නිරවුල්ව පවත්වා ගැනීමට සහයෝගය ලබාදීම ද අධ්‍යාපනය ලබන වයසේ දරුවන් සිටින නිවසක වැඩිහිටියන් වන අපේ වගකීමකි. පාඩම් කිරීමට දරුවාට නිදහස් තැනක් අත්‍යවශ්‍යයි.
පාඩම් කරන ස්ථානය සැකසීමේදී,
- රූපවාහිනියෙන් හෝ නිවසට පැමිණෙන අමුත්තන්ගෙන් හෝ වෙනත් කිසිවකින් බාධා නොවන ස්ථානයක් තෝරාගන්න
- මේසය හා ඊටම ගැලපෙන පුටුවක් තෝරාගන්න (සැමවිටම වාඩි විය යුතු නිවැරදි ඉරියව්ව පිළිබ`ද දරුවා දැනුවත් කළ යුතුයි. නිවැරදි ඉරියව් භාවිත නොකිරීමෙන් උරහිස්, බෙල්ල සහ කොන්ද යන ස්ථානයන්ගේ යම් යම් දුර්වලතා ඇති විය හැකි බව දරුවාට පහදා දෙන්න.)
- ටේබල් ලෑම්ප් එකක් තිබීම වඩා සුදුසුය (අ`දුරේ පොතපත කියවීම දෑස්වලට එතරම්ම සුදුසු නොවන අතරම ටේබල් ලෑම්ප් එක එසේත් නැතිනම් මේසට මත තබන විදුලි ලාම්පුව මගින් වඩා දීප්තිමත් ආලෝකයක් හිමි වන නිසා නිදිමත ද තුරන් වී යයි.)
- පෑන්, පැන්සල්, මකන ර`දවනයක් තැබීම, විෂයයන් අනුව පොත් වර්ග කිරීම පොත් මේසයේ පිළිවෙළ පවත්වාගෙන යාමට උපකාරී වේ
- අධ්‍යාපන කටයුතු හා සම්බන්ධ වඩා මතකයේ ර`දවා ගත යුතු දේ මේසය වටා නිතර පෙනෙන පරිදි එල්ලා තැබීම ( උදා ආවර්තිතා වගුව වැනි)
- මේසය මේ අයුරින්ම පිළිවෙළට තබාගැනීමට දරුවාට උපදෙස් දෙන්න
දරුවා පාඩම් කරන ස්ථානයේ වැඩිහිටියන් විසින් සිදු නොකළ යුතු දෑ
- කෑම ගැනීම
- තේ බීම
- දුරකථන ඇමතුම් ලබාගැනීම
- නිදාගැනීම
දරුවන් පිළිබ`දව දහසකුත් එකක් සිහින දකින ඔබ ඔවුන්ගේ අධ්‍යාපනය සාර්ථක කරගැනීම ස`දහා උපරිම සහයෝගය ලබාදීමට සැමවිටම උනන්දුවන්න.
