දරුවන් ලිංගික අපයෝජනයට ලක් වන අවස්ථා අද සමාජයේ බහුලව දකින්න පුළුවන්. අද දෙමවුපියන්ගේ කාර්ය බහුලත්වය නිසාම දරුවන් දෙමවුපියන්ගෙන් මග හැරි ඇත. මේ නිසාම ඔබේ දරුවන් අපයෝජනයට ලක් විය හැකි අවස්ථා වැඩිය.
දරුවන් ආගම දහමට ලැදි කලාකාමී පවුල් පරිසරයක් සකස් කර තැබිය යුතුය. අද වන විට සමාජය විෂම වී ඇත. කුඩා දරුවන් දෙස වුව බලන්නේ ඉතාමත් පහත් ආකාරයටය. කුඩා කල සිටම දරුවන්ට මනා පසුබිමක් සකස් කල දිය යුතුය. එසේ වූ පමණින් අපට දරුවන් අපයෝජනයට ලක් නොවන්නේ යැයි කිව නොහැකිය. අද සමාජයේ සිටින ගැහැණු පිරිමි භේදයකින් තොරව සෑම තරාතිරකම අය ළමා අපයෝජනයන් සිදු කරන බව දිනපතා පුවත්පත් වලින් වාර්තා වේ. ඒ නිසා ඔබේ දරුවා කුමන ස්ථානයක කොයි මොහොතක අපයෝජනයට ලක් වීමේ ඉඩකඩ වැඩිය.
ඇතැම් පවුල් වල පියවරුන්ගෙන් දරුවන් අපයෝජනයට ලක් වන අවස්ථා තිබේ. කෙසේ හෝ දරුවෙකුගේ ආරක්ෂාවට සිටින විශ්වාසම දෙපල වන්නේ දෙමාවුපියන්ය. දරුවා පවුල් පසුබිමෙන් ඈත් වන හුදෙකලා වන සෑම මොහොතකම අපයෝජනයට ලක් විය හැකිය. එසේ නම් දරුවාට අපයෝජනයක් නොවිය හැකි යැයි අපිට සිතිය හැක්කේ ඔබේ පවුලේදී පමණි. නමුදු ගෙදර කිසිවෙකු නොමැති විට හුදෙකලා වන දරුවා නිවසේදීම වුව අපයෝජනයට ලක් විය හැකිය.
ඔබ මොහොතකට දරුවා තනිකර නිවසින් බැහැරව සිටින්නේ යැයි සිතන්න. දරුවා ගෙදර රූපවාහිනියෙන් අසභ්‍ය චිත්‍රපටයක් නරඹන්න පුළුවනි. එවැනි මොහොතක පිටස්තරයෙක් පැමිණ දරුවා අපයෝජනයට ලක් කල හැකිය. එනම් ඔබ දරුවා මග හරින සෑම මොහොතකටම දරුවන්ට අපයෝජනයන් සිදු වීමේ හැකියාව වැඩිය. දරුවා අපයෝජනයට ලක් වන්නේ කුමන ස්ථානයේද යැයි අපට හරියටම කිව නොහැකිය. ඒ නිසා සෑම අවස්ථාවකදීම දරුවා ගැන සැලකිල්ලෙන් සිටිය යුතුය. මවුපියන්ගෙන් ඈත්ව දරුවා හුදෙකලා විය හැකි ස්ථාන කිහිපයකි. ඉන් කිහිපයක් නම්,
පාසල, මිතුරන්ගේ නිවාස, නෑදෑ හිත මිතුරන්ගේ නිවාස, දුම්රිය ස්ථාන, ලදු කෑලෑ , ළමා නිවාස, ළමයින් ගමන් කරන වාහන, විනෝද චාරිකා, තමන්ගේම නිවස ආදී ස්ථානය. මෙම ඕනෑම ස්ථානයකින් දරුවා අපයෝජනයට ලක් විය හැකිය. පාසලේ ගුරුවරුන්ගෙන් පවා දරුවා අපයෝජනයට ලක් විය හැකිය. මෙම අපයෝජකයන්ගේ හැසිරීමෙන් ඔබට ඔවුන් හදුනා ගැනීමට හැකිය.
- මොවුන් ළමයින්ට අසීමිත ආදරයක් සෙනෙහසක් දක්වයි
- ළමයින් සමග පමණට වඩා සුහදව ඉතාමත් ලගින් ළමයි සමග කාලය ගත කරන්නට කැමැත්තක් දක්වයි
- ඇතැම් පිරිස් ළමුන්ට බොහෝ අකමැති බවක් දක්වයි
- තවත් පිරිසක් සාමාන්‍ය අය මෙන් සිටි
- ඇතැම් පිරිස්ට දරුවා බොහෝ බියක් දක්වයි නම් බොහෝ ආදරයක් දක්වයි නම් බොහෝ දුරට ඔහු ඔබේ දරුවාගේ අපයෝජකයා විය හැකිය
ලිංගික අපයෝජන චෝදනා වලට ලක් වන්නේ නිතර ළමයින් සමග සිටින අයමයි. ඒ නිසාම ඔබේ දරුවා ඇසුරු කරන අය පිලිබදව සැලකිලිමත් වන්න. එසේම දරුවා අපයෝජනයට ලක් වන්නේ නම් ඔහු වචනයෙන් ප්‍රකාශ නොකලද වෙනත් ක්‍රම වලින් ඔබට පැවසිය හැකිය. ඒ පිලිබදව හොදින් සැලකිලිමත් වන්න. ඔබ දරුවා අත්හරින සෑම මොහොතකම ඔබේ දරුවා තවත් මිනිසෙකුගේ අපයෝජනයට ලක් විය හැකිය.
