කාටුන් වලින් දරුවා ප්‍රවේශම් කර ගන්න

child-watching-cartoons

රූපවාහිනියෙන් බැහැර කල විට දරුවාට සිය විවේකය ගත කිරීමට විවිධ කාර්යයන් වල යෙදෙන්න පුළුවන්. පාසල් ඇරි එන දරුවන් හැන්දෑ වරුවේ නිවසින් එලියට බැස සෙල්ලම් කිරීමට කැමතිය. නමුත් රූපවාහිනිය විසින් දරුවාගේ ඒ අවස්තාව උදුරා ගෙන ඇත. ඔවුන් අද කල්පනා කරන්නේ සවස් වරුවේ කුමන කාටුන් වැඩසටහන බලනවාද කියාය. ළමයින් වෙනුවෙන් කාටුන් ඉදිරිපත් කිරීමට අද වන විට රූපවාහිනී නාලිකා අතර පවතින්නේ පුදුමාකාර තරගයකි. උදයේ පාසල් යෑමට සුදානම් වන ළමයා උදයේ කාලයේදී පවා කාටුන් නැරඹිය යුතු යැයි රූපවාහිනී වැඩසටහන් කළමනාකරුවන් තීරණය කොට ඇත. ළමයින්ට මේවායින් ගැලවීමක් නැත. ළමයාගේ ළමාකම හා නොමේරුකම හා කතාන්දරය කෙරෙහි දක්වන ඇල්ම මෙහිදී රූපවාහිනී නාලිකා වල වාසියට පවතී. අද වන විට සියල්ල විකිනෙන සමාජයක ළමයා සුක්ෂම ආකාරයට කාටුන් ඔස්සේ නාලිකා වලට ඇද බැද ගෙන ඇත.

ළමයින්ට සෙල්ලම් කරන්න, දුවන්න, පනින්න, නිදාගන්න තිබෙන කාලය තමයි මේ පුංචි දරුවෝ රූපවාහිනීය බලමින් සිදු කරන්නේ. මේ හරහා දරුවාගේ ශාරීරික හා මානසික වර්ධනය අඩාල වෙනවා. බොහෝ මවුවරුන් තම දරුවන් එක අරමුණක රදවා ගැනීමට රූපවාහිනීයට හුරු කර තිබෙනවා. මවට හෝ පියාට යම් කාර්යයක් සිදු කිරීමට තිබෙනවා නම් “ අනේ පුතේ මම ඔයාට ටීවී එක දාලා දෙන්නම්. කාටුන් එකක් බලන්න තාත්තාට වැඩ තියෙනවා.”

නමුත් ඔබ මෙමගින් සිදු කරන්නේ දරුවාට විශාල හානියක්. දරුවන්ට සැබෑ ලෝකය හා රූපවාහිනීය සිදු වන දේ අතර වෙනස වටහා ගැනීමට හැකියාවක් නෑ. රූපවාහිනීයේ සිදු වුනු දේ ඔහු සැබෑ ලෝකයේදී බලාපොරොත්තු වෙනවා. කාටුන් වැඩසටහනක යම් භාණ්ඩයක් පෙන්නුවා නම් ඔහු එය තමන්ට තිබුනා නම් හොද යැයි සිතනවා. කුඩා දරුවන් මෙම රූපවාහිනී වැඩසටහන් වල තිබෙන කාටුන් චරිත අනුකරණය කරන්න පුරුදු වෙනවා. මේ හරහා දරුවා ඉතා සැඩ පරුෂ පුද්ගලයෙක් බවට පත් වෙනවා. යම් හෙයකින් කාටුන් චරිතයක් තමන්ට අනුකරණය කරන්නට නොහැකි වුවහොත් ඔහු මානසික වශයෙන් බිද වැටෙන්න පටන් ගන්නවා.

ළමයින්ගේ සංවේදීතාවය නැති කිරීමට මේ කාටුන් හේතු වන බව අද වන විට සොයා ගෙන තිබෙනවා. ඔබේ දරුවාගේ හැසිරීම් රටාව හොදින් නිරීක්ෂණය කර බලන්න. ඔහු කාටුන් නැරඹීමෙන් පසුව හැසිරෙන ආකාරය වෙනස් විය හැකිය. ඒ බව දරුවාට තේරෙන්නේ නැත. ස්පයිඩර් මෑන් , සුපර් මෑන් , වැනි කාටුන් වලින් දරුවාට ප්‍රබල හානි සිදු වෙනවා.

මෙකි කාටුන් නිර්මාණය කරන පිරිසගේ ප්‍රධාන අරමුණ වන්නේ මුදල්ය. ඔවුන්ට දරුවන්ට සිදු වන හානියෙන් පලක් නැත. මෙකී රූපවාහිනී කාටුන් සකස් කර තිබෙන්නේම දරුවන් ආකර්ශනීය කර ගන්නා ආකාරයටයි. ඔබේ දරුවා රූපවාහිනීය නරඹන විට ඔහු අසලම සිටින්න. රූපවාහිනීයෙන් විකාශනය වන දෑ පිලිබදව ඔහුට අවබෝදයක් ලබා දෙන්න. මවට හා පියාට දරුවා මොනාද නැරඹිය යුත්තේ යන්න අවබෝදයක් තිබිය යුතුය. රූපවාහිනීය අධ්‍යාපනය ලබා ගැනීමට ඉතාමත් හොද මාධ්‍යයකි. එම නිසා එවැනි වැඩසටහන් වලට දරුවාට යොමු කරන්න. රූපවාහිනීය නැරඹීමට දරුවා යොදවන කාලයේදී දරුවා සමග සෙල්ලම් කරන්න. රූපවාහිනීය ඉදිරියේ සිටිනවාට වඩා දරුවා සෙල්ලම් කිරීමට යෙදවීම ඉතාමත් හොදය. රූපවාහිනීය ඉදිරියේ සිටින විට දරුවා එක තැනට වී සිටින නිසා අධික ලෙස තරබාරු වීමේ අවධානමක් ද පවතී. එම නිසා පුළුවන් තරම් ඔබේ දරුවා රූපවාහිනීයෙන් ඈත් කර තබන්න.

හැමෝම ඇයට කියන්නේ මාලි කියලා. දැනට ඇය කොළඹ විශ්වවිද්‍යාලය ශ්‍රී පාලී මණ්ඩපයේ ජනමාධ්‍ය විශේෂවේදී උපාධිය හදාරමින් සිටිනවා. මේ ඇගේ අවසාන අවරුද්දයි. අවරුදු හතරක් තිස්සේ නිදහස් ජනමාධ්‍යවේදිනියක් හැටියට විවිධ මාධ්‍ය ආයතනවල වැඩ කරමින් සිටිනවා. මේ වන විට ඇය “Young Media” සඟරාවේද වැඩ කරමින් සිටිනවා. ඇය සැමවිටම කාර්යබහුලයි.හැම මොහොතක්ම කුමන හෝ වැඩක යෙදී සිටිනවා.කාලය පිළිබඳව ගොඩාක් සැලකිලිමත් වෙනවා.නිතරම ඇය පුස්තකාලය පරිශීලනය කරනවා.මොකද වීධ්‍යාර්තයෙක් හැටියට දැනුම නිතරම අලුත් කර ගැනීම් වටිනා බව ඇය විශ්වාස කරනවා.

LEAVE A REPLY

Please enter your comment!
Please enter your name here