මව්වරුන්ගේ කාර්ය බහුලත්වය දරුවන්ගේ සෞඛ්‍යයට අවධානමක්

busy-mom

මෑතකදී කරන ලද පර්යේෂණ වලට අනුව හෙළි වී ඇත්තේ මව්වරුන්ගේ කාර්ය බහුලත්වය නිසා දරුවන් අධික ලෙස තරබාරු වන බවයි. අද වන විට බොහෝ මවුවරුන් රැකියා වල යෙදෙන නිසා ඔවුන්ට තම දරුවන්ගේ සෞඛ්‍යය පිලිබදවවත් හිතන්න වෙලාවක් නැති තරම්. මව්වරුන්ගේ කාර්යබහුල බව නිසාම දරුවන්ට තුලින් වැඩිහිටියන් මෙන්  පෙනුමක් දිස් වේ.

අද වන විට බොහෝ මවුවරුන් තම පාසල් යන දරුවාගේ උදේ ආහාරය පවා පිළියෙළ කර නොදී ක්ෂණික ආහාර ලබා දෙන තත්වයක් ඇති වී තිබේ. මේ ක්ෂණික ආහාර දරුවන්ගේ සෞඛ්‍යය තත්වය පහල වැටීමට බල පා ඇත. මේ ක්ෂණික ආහාර නිසා දරුවන්ගේ පමණක් නොව වැඩිහිටියන්ගේද ශරීර ක්‍රියාවලිය අඩපන වන බව සොයා ගෙන තිබේ. එමෙන්ම රුධිර නාල සිහින් වීම, මානසික ඒකාග්‍රතාව අහිමි වීම වැනි අහිතකර ප්‍රථිපල ගණනාවක් ඇති වේ.

මේ නිසාම මනා පෝෂණයක් අඩංගු ආහාර වේලක් ලබා දීම මවුවරුන්ගේ වගකීමයි. විශේෂයෙන්ම මේ පාසල් දරුවන් ක්ෂණික කෑම වලට අධික ලෙස පෙළඹී තිබේ. රෝල්ස්, පැටිස්, ප්‍රෙස්ටි , කඩ්ලට්, නුඩ්ලස් වැනි ක්ෂණික කෑම ඕනෑ තරම් විකිනීමට තිබේ. මෙම ආහාර වලට දරුවන් වැඩියෙන් පෙළඹෙන්නේ නිවසින් ප්‍රමාණවත් ආකාරයේ අහාර වේලක් නොමැති විටය. මව රැකියාවට යන නිසා උදය ආහාර වේලද දරුවන් නිවසින් පිට ස්ථානයකින් ගනු ලබයි. එසේම මව රැකියාව අවසන් වී නිවසට එන විට ද කුමන හෝ කෙටි ආහාරයක් ගෙන එනු ලබයි. ඉතින් දෙමවුපියන් හිතන්නේ දරුවන්ට හොදට කන්න බොන්න දෙනවා කියාය. නමුදු ඔවුන් නොදැනුවත්වම දරුවන් අධි රුධිර පීඩනය, දියවැඩියාව වැනි රෝග වලට නතු වී හමාරය.

ක්ෂණික ආහාර වලින් ළමුන්ට නිවැරදි පෝෂණයක් ලැබෙන්නේ නැත. එවිට දරුවා කොතරම් අධ්‍යාපනය ලැබුවාද ඔහුට ධාරණය වීමේ ශක්තිය අඩුය. නිසි වයසේදී මොලය වර්ධනය නොවූ විට එය නැවත සකස් කල නොහැකිය. මෙහි ප්‍රථිපල අධ්‍යාපනය ලබන කාලයේ දී පමණක් නොව විවාහ ජීවිතයේදීත් බලපානු ලැබේ. විශේෂයෙන්ම ගැහැණු දරුවන්ගේ ඔසප් චක්‍රය අක්‍රමවත් වී නිසරු වීමට, පිරිමි ළමුන්ගේ පිරිමි ශක්තිය දුර්වල වීම වැනි දෑ සිදු වනු ඇත.

මවක් වූ විට තම දරුවාගේ ආහාර වේල පිලිබදව ඉතාමත් සැලකිලිමත් විය යුතුය. ඇතැම් දරුවන් මෙම ක්ෂණික ආහාර වලට පුරුදු වී ඇති හෙයින්ම පෝෂදායි ආහාර ප්‍රතික්ෂේප කරනු ඇත. දරුවාට තුන් වේලම එකම ආහාරය ලබා දෙන්න එපා. එකම ආහාර ලබා දෙන විට දරුවා ආහාර ප්‍රතික්ෂේප කරනවා. තුන් වේලටම බත් දෙන විට එය එපා වීම සාමාන්‍ය දෙයකි. ඒ නිසා ආහාර රටාව  වෙනස් කිරීම වැදගත්. උදෑසනට ධාන්‍ය වර්ග ලබා දීම ගොඩක් හොදය. ධාන්‍ය වර්ග සකස් කිරීමට එතරම් කාලයක් ගත වන්නේ ද නැත. එය ඔබේ දරුවාගේ සෞඛ්‍යයට හිතකරය. රාත්‍රී ආහාරයට වැඩි පුර එළවලු, පලතුරු එක් කල හැකිය. එසේම සුප් වර්ග ලබා දිය හැකිය.

ඔබ දිගින් දිගටම දරුවාට ක්ෂණික ආහාර ලබා දීමෙන් දරුවා නොදැනුවත්වම අකර්මන්‍ය පුද්ගලයෙක් බවට පත් වේ. ඔබ කොතරම් කාර්යබහුල මවක් වුවත් දරුවාගේ ආහාර වේල පිලිබදව සැලකිලිමත් වන්න. නිරෝගී දරුවන් රටකට අවශ්‍යය. දරුවාගේ සෞඛ්‍යය තත්වය පිරිහී නිතරම රෝග වැළදෙන පුද්ගලයෙක් බවට පත් වුවාට පසුතැවීමෙන් වැඩක් නැත.

හැමෝම ඇයට කියන්නේ මාලි කියලා. දැනට ඇය කොළඹ විශ්වවිද්‍යාලය ශ්‍රී පාලී මණ්ඩපයේ ජනමාධ්‍ය විශේෂවේදී උපාධිය හදාරමින් සිටිනවා. මේ ඇගේ අවසාන අවරුද්දයි. අවරුදු හතරක් තිස්සේ නිදහස් ජනමාධ්‍යවේදිනියක් හැටියට විවිධ මාධ්‍ය ආයතනවල වැඩ කරමින් සිටිනවා. මේ වන විට ඇය “Young Media” සඟරාවේද වැඩ කරමින් සිටිනවා. ඇය සැමවිටම කාර්යබහුලයි.හැම මොහොතක්ම කුමන හෝ වැඩක යෙදී සිටිනවා.කාලය පිළිබඳව ගොඩාක් සැලකිලිමත් වෙනවා.නිතරම ඇය පුස්තකාලය පරිශීලනය කරනවා.මොකද වීධ්‍යාර්තයෙක් හැටියට දැනුම නිතරම අලුත් කර ගැනීම් වටිනා බව ඇය විශ්වාස කරනවා.

LEAVE A REPLY

Please enter your comment!
Please enter your name here