මවකට දරුවා සම්පතකි. මේ සම්පත අංග සම්පුරණ කර ගැනීමට නම් අම්මා අත රැදී ඇත්තේ විශාල වගකීමකි. නමුත් මවුවරුන් කොතරම් දරුවන්ට ආදරේ කලත් දරුවන් සමග ක්‍රියා කරන්නේ කොහොමද යන්න ඔවුන්ට ඇත්තේ ඉතාමත් අඩු දැනුමකි. ඔබ එපා කියන දේවල් සිදු කරන විට ඔබ දරුවාට යම් කිසි දඩුවමක් ලබා දිය හැකිය. ඔබ දරුවට දඩුවම් කරන විට හෝ යම් කිසි බැන වැදීමක් සිදු කරන ඔවුනට කේන්ති යන්නට පුළුවනි. පුංචි ළමා සිතකට වුවත් කෝප යෑම සාමාන්‍ය දෙයකි.
දරුවාට ඇති වන කෝපයේ අඩු වැඩි ප්‍රමාණය අනුව දරුවා ඒ අවස්ථාවේ ක්‍රියාත්මක වෙන ආකාරය වෙනස්ය. දරුවා කෑ ගසනවා, බිම පෙරළෙනවා, තම අත ඇති දේ විසි කරනවා, සෙල්ලම් බඩු කඩා දමනවා ආදී ලෙස විවිධ ස්වරූප ඔස්සේ තම කේන්තිය ප්‍රකාශ කරනවා. ඔබේ දරුවා ඉතාමත් කැමැත්තෙන්, සතුටින් සිදු කරන යම් ක්‍රියාවක් දරුවට හානි කර විය හැකිය. ඇතැම් දරුවන් යකඩ සහිත උපකරණ වලින්, පිහි වැනි දෑ වලින් සෙල්ලම් කිරීමට කිරීමට කැමතිය. එවැනි අවස්ථාවල දරුවාට යම් හානියක් සිදු වේ යැයි බිය නිසා ඔබ එය වලක්වන්න පුළුවනි. දරුවට ඉතාමත් කේන්තියෙන් බැන වැද ඔබ ඒ භාණ්ඩය දරුවාගෙන් උදුරා ගන්නට පුළුවනි. එවැනි අවස්ථාවල දරුවන්ට කේන්ති යන අවස්තා ඔබ දැක ඇත. ඔබ දරුවාගේ ආරක්ෂාව ගැන එසේ සිදු කල බව දරුවට අවබෝධයක් නැත. ඒ නිසා ඔබ එවැනි අවස්ථාවක දරුවාගේ ප්‍රියතම භාණ්ඩ ඉල්ල ගන්නේ නම් දරුවාට සැර කරන්න යන්න එපා.
දරුවන් මෙවෙනි අවස්ථාවල විවිධ ආකාරයට හැසිරිය හැකිය. ඔබට දරුවන්ගේ කේන්තිය ගන්න ගන්නේ නැති වෙන්න පුළුවනි. ” ඕනෑ තරම් අඩපුවාවේ. එයාට ඕනෑ විදියට නටන්න දෙන්න බෑ. ” කියා ඔබ නිහඩ වෙනවා ඇති. මේ හරහා දරුවා තවත් කෝප වෙනවා. සමහර දෙමවුපියන් මෙවැනි අවස්ථාවල දරුවන්ට සුළු පහරක් හෝ ගසනවා. මේ හරහා දරුවා මුරණ්ඩු වෙනවා. එම නිසා දරුවට සෑම දෙයක්ම ආදරෙන් පවසන්න.
දරුවාගේ මෙවෙනි මුරණ්ඩු ගති පැවතුම් සෑම විටම දරුවාගෙන් ඈත් කරන්න. දරුවාට ආවේගයක් ඇති වන විට නිතරම ඔහු අස්වසන අයුරින් ක්‍රියා කර දරුවාට ඔබ කෙරෙහි විස්වාශය ඇති කරවන්න. ළමයින් උප්පත්තියෙන්ම විවිධ අංශ වලට දක්ෂතා පෙන්වනවා. දරුවාට ක්‍රමයෙන් විවිධ ක්‍රියා කිරීමට, තීරණ ගැනීමට. අත්දැකීම් ලබා ගැනීමට අවස්තාව සලසා දෙන්න.
ඔබේ දරුවාට කේන්තිය ඇති වන විට ඔහුට දඩුවම් ලබා දෙන්න එපා. දරුවාට යම් කිසි ක්‍රියාවකට කේන්ති යන්නේ නම් ඔහුට එම සිදුවීම අමතක වන්නට ඉඩ හරින්න. ඔබ එපා කියන දේම දරුවා සිදු කරන්නේ නම් ඔහුගේ අවධානය වෙන පැත්තකට හරවන්න. දරුවා එපා කියන දෙයක් කරන විට එපා නොකියා ” පුතේ එන්න අම්මා ඔයාට ලස්සන කතන්දරයක් කියලා දෙන්න” ආදී ආදරණිය ලෙස වචන භාවිතා කරන්න. දරුවන් කතන්දර අසන්නට ඉතාමත් කැමතිය. නමුදු දරුවා කිසිම විටෙක රවට්ටන්න එපා. එම නිසා දරුවාගේ ළමා ලෝකය පළමුවෙන්ම හදුනා ගන්න.
