- Advertisement -

දරුවන්ට ව්‍යායාම් කරන්න අවස්ථාව දෙන්න

-

ව්‍යායාම් කිරීම ලොකු කුඩා අපේ කාගේත් ශරීර සෞඛ්‍යයට හිතකරය. දිනපතා ව්‍යායාම් කිරීම සිරුර නිරෝගී වීමට හේතු වනු ලැබේ. බුද්ධි වර්ධනය සහ මොලයේ ක්‍රියාකාරිත්වයට ඒ ආකාරයෙන්ම ව්‍යායාම් වලින් බලපෑම් ඇති කරනු ලබයි. ව්‍යායාම් නිතර සිදු කිරීම මගින් ප්‍රයෝජන රැසක් අත්පත් කර ගත හැකි බව පර්යේෂකයින් පෙන්වා දී ඇත.

  • රුධිර ධාවනය වැඩි කර මොලයට ඔක්සිජන් ගමන් කිරීම
  • කෙටි කාලීන මතකයේ ක්‍රියාකාරිත්වය වර්ධනය වීම
  • ප්‍රති ක්‍රියාවන් ඉක්මනින්ම සිදු වන බවක් පෙන්වීම
  • ව්‍යායාම් වල යෙදෙන ළමයෙකු ව්‍යායාම් වල නොදෙන ළමයෙකුට වඩා ඉතා ඉහල නිර්මාණශීලිත්වයක් පෙන්වයි
  • ව්‍යායාම් නිසා මොලයේ රසායනික ක්‍රියාකාරකම් වල වෙනසක් වීම

අද දරුවන්ට තිබෙන ටියුෂන් පන්ති නිසාම ඔවුන්ට ව්‍යායාම් වල යෙදීමට කාලයක් නැති තරම්. පාසල් වල උදයේ කාලයේ විවිධ ක්‍රියාකාරකම් සිදු කලත් බොහෝ පාසල් වල ව්‍යායාම් වලට තැනක් ලබා දෙන්නේ නැත. කුඩා කාලයේ සිටම දරුවන්ට ව්‍යායාම් වල පවතින වැදගත් බව අවබෝධ කරලිය යුතුය. පර්යේෂණ මගින් පෙන්වා දෙන්නේ මතු දැක් වූ ආකාරයට ව්‍යායාම් බුද්ධි වර්ධනයට හේතු වන බවයි. මානසිකව සහ ශාරීරිකව ව්‍යායාම් මගින් වැසි රැසක් අත්පත් වේ.

- Advertisement -
  • සංගීත රිද්මයකට අනුව ව්‍යායාම් කිරීමට ඉඩ සලස්වන්න
    මෙහිදී නර්තනය ව්‍යායාම් වල ඉතාමත් ප්‍රබල ව්‍යයාම් මාධ්‍යයක් ලෙස හැදින්විය හැකිය. උදෑසන හෝ සවස් කාලයේදී දරුවන් සමග ඔබට ව්‍යායාම් කල හැකිය. එහිදී කනට මිහිරි සංගීත නාදයක් යොදා ගෙන නර්තන විලාශයකින් ව්‍යායාම් වල යෙදිය හැකිය. ව්‍යායාම් කිරීමට කම්මැලි දරුවෙකු වුව මෙමගින් ව්‍යායාම් වලට පෙලඹවීමක් සිදු කල යුතුය.
    එමෙන්ම දරුවාගේ අත පපුවට තබා Heartbeat එක ගණනය කරන්න යැයි කියන්න. ඉන්පසු විසිපස් වතාවක් පමණ උඩ පනින්න ලෙස දරුවාට උපදෙස් දෙන්න.
  • ව්‍යායාම් පටියක් යොදා ගන්න
    ව්‍යායාම් සිදු කිරීමේදී ව්‍යායාම් පටියක් යොදා ගත හැකිය. අඩි 03ක් පමණ දිග සෙන්ටිමීටර් 03ක් පමණ පළල ඉලාස්ටික් පටියක් සකස් කර ගත හැකිය. සංගීත රිද්මයකට අනුකුලව කෙලින් සිටගෙන දෙපසින් අල්ලා ගන්න. ඉන් පසු ඉහලට, ඉදිරියට, පිටුපසට ඉලාස්ටික් පටිය අදිමින් ව්‍යායාම් වල නිරත විය හැකිය. මේ ආකාරයට දරුවන්ට ව්‍යායාම් පටියක් සකසා ගෙන නිවසේදීම ව්‍යායාම් කල හැකිය. දරුවන් තිදෙනෙක් පමණ සිටින්නේ නම් කණ්ඩායම් ස්වරූපයෙන් ව්‍යායාම් වලට යොමු කල හැකිය. මේ සදහා විවිධ උපකරණ භාවිතා කල හැකිය.
  • බෝලයක් භාවිතා කරන්න
    කුඩා දරුවන් බෝල මගින් සෙල්ලම් කිරීමට ඉතා කැමතිය. සංගීත නාදයට අනුකුලව දරුවන් එකිනෙකා අතර බෝලය හුවමාරු කර ගත හැකිය. එසේ නොමැතිව තනියම මෙම ව්‍යායාම් වල නිරත වෙනවා නම් සංගීත නාදයට අනුව දරුවාට දැන් බෝලය වම අතේ අල්ලේ තබා ගන්න. පසුව උරහිසේ තබන්න යැයි විධාන කල හැකිය.

මොලයේ ක්‍රියාකාරිත්වය පිලිබදව කරන ලද පරීක්ෂණ අනුව මිනිස් සිරුරේ සාමාන්‍ය හෝමෝන ක්‍රියාවලිය සෑම මිනිත්තු 90කට වරක් ඉහල නගී. මෙසේ ඉහල නගින සෑම අවස්තාවකදීම මොලයේ හෝමෝන් ශ්‍රාවයන් දකුණු සහ වම් මස්තිෂ්ක අර්ධ ගෝල වල අඩපණ වීමකින් තොරව ක්‍රියාත්මක වේ. මොලයේ වම් කොටසින් ශරීරයේ දකුණත් මොලයේ දකුණු කොටසින් ශරීරයේ වම් කොටසත් පාලනය වේ.  එක් අතක් පමණක් ක්‍රියා කලොත් එක් අංගයක් පමණක් ක්‍රියාකාරී වේ. ඒ නිසා ප්‍රති විරුද්ධ ක්‍රියාවන් සිදු කිරීම ඉතාමත් වැදගත් වේ. මේ නිසා ව්‍යායාම් කිරීම ළමුන්ට ඉතාමත් වැදගත් වේ.

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article