සංගීතයට සවන් දෙන්න ඉඩ හරින්න

child_listen_to_music

සංගීතය කියන දේ අපේ ජිවිත වලට හරිම වැදගත්. සංගීතය මගින් අපිට තිබෙන ප්‍රශ්න පවා අමතක කරන්න පුළුවනි. විශේෂයෙන්ම මවක් දරුවෙකු පිළිසිද ගත් විට එකී ගර්භනී අවධියේදී සිටම සංගීතයට ඇහුම්කම් දීම හරිම වැදගත්. සංගීතය දරුවට දැනෙන බවත් එමගින් දරුවාගේ බුද්ධිය වර්ධනය වන බවත් මනොවිද්වතුන්ගේ මතයයි. මිහිරි සංගීත වලට යොම වීම, සංගීත භාණ්ඩ වාදනය කල හැකි නම් වාදනය කිරීම මගින් දරුවන්ගේ ඉගෙනුම් හැකියාවන් වර්ධනය වනු ලබයි.

අපේ අධ්‍යාපනය ක්‍රමය තුලම සංගීතය, චිත්‍ර, නර්තනය ලෙස කල විෂයන් එක් කර තිබෙන්නේ එය එතරම්ම වැදගත් වන නිසාවෙනි. මානසික ආතතිය නැති කිරීමේ හැකියාවක් සංගීතයට තිබෙනවා. සංගීතය එතරම්ම ප්‍රබලය. මොලයේ අර්ධ ගෝලය සහ වම අර්ධ ගෝලය යන කොටස් එකට ක්‍රියාකාරී වීමට සංගීතය ඉවහල් වෙනවා. එමෙන්ම නර්තන හැකියාව සහ බුද්ධි වර්ධනය වීමටත් සංගීතය මගින් ලොකු පිටුවහලක් ලැබෙනවා. එමෙන්ම තර්කන හැකියාව සහ බුද්ධි වර්ධනය වීමටත් සංගීතය බලපානවා. දරුවෙකුගේ ඉගෙනීමේ වර්ධන ක්‍රියාවලිය සංගීතය මගින් වඩාත් වේගවත්ව සිදු කරනවා. දරුවෙකුගේ පළමු අවුරුදු 03 සංගීතයට සවන් දීමට යොමු කිරීම තුලින් ඉගෙනීමේ හැකියාව වඩාත් වර්ධනය වන බව පර්යේෂණ මගින් සොයාගෙන තිබෙනවා. ඒ සදහා දරුවට උදව් කිරීමට ඔබට පුළුවනි.

ඇතැම් ගුවන් විදුලි නාලිකා වල උදය කාලයේ දරුවන්ට සුදුසු ගීත විකාශනය වෙනවා. එවැනි ගීත ඇහුම්කම් දීමට ඉඩ සැලැස්වීම වැදගත්. ළමා ගීත තුලින් දරුවන්ගේ අවට තිබෙන සුන්දරත්වය කියාපානවා. අහස, තරු, මල්, සත්තු ආදී ස්වභාවයේ සුන්දරත්වය පිලිබදව ඔවුන්ට අදහසක් ඇති වෙනවා. ඔබට සින්දු කියමින් දරුවාද එයට සහභාගී කර ගත හැකිය. සින්දු කියන විට එයට ගැලපෙන ආකාරයට අත්පොඩි ගසන්න, පද තලයට තබන්න දරුවාට ඉගැන්විය හැකිය.

” තැන තැන රවුමට ඉද ගෙන
ඉදහිට එබී කම් කර කර
ලේන්සු හංගන්න ළමයි එක් රොක් වන්නා
රවුම වටේ යන විට කවි පද කියවෙන්නා …. “

ආදී ලෙස දරුවන් සහභාගී කර ගනිමින් මෙම ගීත ගායනා කල හැකිය.

සංගීත භාණ්ඩ වාදනය කිරීමට දරුවාට කියා දෙන්න- දරුවෙකුට අවුරුදු 3-10 අතර කාලය තුලදීම ඔවුන් කැමති සංගීත භාණ්ඩයක් තෝරා ගැනීමට ඉඩ සැලැස්විය හැකිය. දරුවාට තිබෙන හැකියාවන් ඔබට කුඩා කාලයේ සිටම ඔබට අවබෝධ කර ගත හැකිය. කලාවට දරුවෙකු ලං කිරීම තුලින් දරුවෙකුගේ මානසික හැකියාවන් වර්ධනය වනු ඇත.

දරුවන් සංගීත සංදර්ශන වලට රැගෙන යන්න

සංගීත පුටු වැනි තරග වලට සහභාගී කරවන්න

මේ ක්‍රියාදාමයන් මගින් දරුවන් සංගීතයට සමීප කල හැකිය. අද දරුවන්ගේ ප්‍රධාන ගැටළුවක් වන්නේ සංගීතයෙන් , නර්තනයෙන් දරුවන් ඈත් වීමයි. කලාවට එතරම් වටිනාකමක් දෙමාවුපියන් ලබා දෙන්නේ නැති තරම්. කොතරම් දරදඬු, ප්‍රචණ්ඩ පුද්ගලයෙකු වුවද සංගීතය මගින් හික්මවිය හැකිය. සංගීතයට එතරම් බලයක් තිබෙනවා.

අද දරුවන් ඉතාමත් කලහකාරීව හැසිරීමට සංගීතයෙන් නර්තනයෙන් ආදී කලාවන්ගෙන් ඈත් වීම බලපාලා තිබෙනවා. මේ සදහා වෙනම වෙලාවක් අවශ්‍ය නැත. දරුවා නින්දට යන විට ඔබට පුළුවනි දරුවාට ඇසෙන්න ගීතයක් කියන්න. ඔබ ගීත ගායනා කරන විට දරුවාටද සංගීතය පිලිබදව ඇල්මක් ඇති වෙනවා. දරුවන් යනු ඉක්මනින්ම අනුකරණය යොමු වන පිරිසකි. ඔබ සංගීතයට ලැදි වන විට ඔබේ දරුවාද ස්වාභාවයෙන්ම සංගීතයට සමීප වෙනවා.

හැමෝම ඇයට කියන්නේ මාලි කියලා. දැනට ඇය කොළඹ විශ්වවිද්‍යාලය ශ්‍රී පාලී මණ්ඩපයේ ජනමාධ්‍ය විශේෂවේදී උපාධිය හදාරමින් සිටිනවා. මේ ඇගේ අවසාන අවරුද්දයි. අවරුදු හතරක් තිස්සේ නිදහස් ජනමාධ්‍යවේදිනියක් හැටියට විවිධ මාධ්‍ය ආයතනවල වැඩ කරමින් සිටිනවා. මේ වන විට ඇය “Young Media” සඟරාවේද වැඩ කරමින් සිටිනවා. ඇය සැමවිටම කාර්යබහුලයි.හැම මොහොතක්ම කුමන හෝ වැඩක යෙදී සිටිනවා.කාලය පිළිබඳව ගොඩාක් සැලකිලිමත් වෙනවා.නිතරම ඇය පුස්තකාලය පරිශීලනය කරනවා.මොකද වීධ්‍යාර්තයෙක් හැටියට දැනුම නිතරම අලුත් කර ගැනීම් වටිනා බව ඇය විශ්වාස කරනවා.

LEAVE A REPLY

Please enter your comment!
Please enter your name here