දස මසක් පුරා ස්වභාවික රැුකවරණය යටතේ ඉතා සුරක්‍ෂිතව මවගේ කුස තුළ වැඩුණු කිරි කැටියා ආදරයේ උණුසුම මැද කිරෙන් පෝෂණය කිරීම අම්මාගේ වගකීමයි. එය සොබාදහම තුළින්ම කිරි කැටියාට හිමි වූ අයිතිවාසිකමකි. මව්කිරිවල පෝෂණය, මව්කිරි දීමේ වැදගත්කම, මව්කිරි දීමේ ඉරියව් පිළිබ`ද නිරන්තරයෙන් ඔබේ අවධානය යොමු වුවත් මෙන්න මේ කරුණු ඔබට මගහැරෙන්නට ඇති. කිරි දෙන මවක වන ඔබේ අවධානය වැඩි වශයෙන් යොමු කළ යුතු වෙනත් කරුණු සහ ඒ සඳහා සූදානම් විය යුතු ආකාරය පිලිබඳ දැනුවත් වෙමු.
මවගේ ඇඳුම් පැළඳුම්
මවගේ ඇඳුම කිසිවිටෙකත් දරුවාගේ කිරි උරා බීමට බාධාවක් නොවිය යුතුය. ඒ සඳහා ඔබ නිසිදු විටෙක ටී ෂර්ට් හෝ ඉදිරිපස විවෘත නොකළ ඇඳුම් තෝරාගැනීම නුසුදුසුය. මන්ද ටී ෂර්ට් එක කිරි දීමට උඩට එසවූ විට එය දරුවාගේ මුහුණට වැටේ. දරුවාට කිරි දෙන විට පියයුර එක් අතකින් අල්වා ගෙන කිරි දීම කළ යුතු වුවත් මෙවැනි තත්ත්වයකදී නිසි ආකාරයෙන් කිරි දීම සිදු කිරීමට නොහැකි වේ. එය දරුවාට හොඳින් කිරි උරා බීමට බාධාවකි. ඔබේ ඇඳුම ඉදිරිපස විවෘත විය යුතු වන්නේ මේ නිසාය. අම්මාගේ ඇඳුමේ ඉදිරිපසින් අගල් 6 කට වඩා වැඩි ප‍්‍රමාණයක් විවෘත විය යුතුය. එමගින්, මවගේත් දරුවාගේත් සම එකිනෙක ගැටී මවත් දරුවාත් අතර බැඳීමට වර්ධනය වන අතරම කිරි නිෂ්පාදනයට ද එය රුකුලක් වනු ඇත. එබැවින් කිරි දෙන මවක් ලෙස ඔබ විලාසිතාවන්ට වඩා දරුවාට නිසි පෝෂණය ලබාදීම පිළිබඳව වැඩි අවධානය යොමු කළ යුතුය.
මවගේ ආභරණ
මවගේ ගෙලෙහි දෑතෙහි අතැඟිලි වල ආභරණ ඉවත් කරන්නට ඔබට මේ කාලය තුළ කල්පනා කළ යුතුයි. ඔබේ ගෙලේ ඇති මාලයේ රැඳවුණු පෙණ්ඩනය දරුවාගේ මුහුණේ හෝ වෙනත් ස්ථානයක වැදෙන්නට ඉඩ ඇත. අලූත උපන් කිරිකැටියෙකු කොයිතරම් නම් සුයුමැලි ද යන්න ඔබ නොදන්නා කරුණක් නොවේ. ඔබේ ගෙලේ ඇති මාලයේ ළදරුවාගේ අත පැටලූණහොත් අත ගැනීමට වෙර දරන අවස්ථාවේදී වුවද යම් තුවාලයක් සිදුවීමේ අවධානමක් පවතී. එසේම ඔබ දරුවා වඩා ගැනීමේදී ඇඟිල්ලේ ඇති මුදුව දරුවාගේ සිරුරට තද විය හැකිය. උත්තරීතර මව්පදවිය උරුම වූ නුඹේ රුව වැඩි කරන වටිනාම අභරණය දැන් ඔබ සතුය. ඔබ තුරුලේ සැනසී කිරි උරා බොන්නේ ඔබ විසින්ම නිමවා මෙලොවට කැන්දන් ආ ඒ ලොව උතුම්ම වස්තුවයි. ඉතින් ඔබ ඒ පිළිබ`දව සිතන්න.
ෆීඩින් බ‍්‍රා
ළදරුවා සමග රෝහලට යාමේදී හෝ වෙනත් අත්‍යවශ්‍ය ගමනක් යාමේදී ඔබට ෆීඩින් බ‍්‍රා පාවිච්චිය නිසා උපරිම පහසුව සලසා ගත හැකි වුවත් සෑම මොහොතකම එය භාවිතයට හුරු නොවන්න. නිවසේදී ඔබ ළදරුවාට කිරි ලබා දෙන සෑම අවස්ථාවේදීම සම්පූර්ණ පියයුර පිටතට ගෙන දරුවාගේත් ඔබේ සමට සම ස්පර්ශ වන ආකාරයෙන් කිරි දීමටයි වඩාත් උචිත වන්නේ. ඒ ස්පර්ශය හේතුවෙන් ළදරුවා සහ මව අතර බැඳීම වර්ධනය වනවා පමණක් නොව දරුවා මවගේ උණුසුම විඳිමින් හොඳින් කිරි උරා බීමටද එය හේතුවක් වේ.
කොණ්ඩා මෝස්තරය
කාන්තාවකගේ සුන්දරත්වය, ප‍්‍රියමනාප බව මවක් වීමෙන් පසුද එලෙසම පවත්වාගෙන යාම ඉතාම වැදගත්ය. සුන්දර බව වර්ධනය කරගැනීම සඳහා යොදා ගනු ලබන කොණ්ඩා මෝස්තරය ද මෙහිදී විශේෂ වේ. කිරි දෙන මවකගේ කොණ්ඩා මෝස්තරය නිසා හිසකේ බිලිඳාගේ මුහුණු මතට වැටීම කිසිදු විටෙක සිදු නොවිය යුතුය. සැමවිටම හිසකෙස් හොඳින් එකතු කර විසිරී නොයන පරිදි සකස් කර ගනිමින් ළදරුවාට බාධාවක් නොවන අයුරින් සැරසීමට මවක් වන ඔබ සැලකිලිමත් වන්න.
මවගේ ජංගම දුරකථනය
ළදරුවා කිරි බොන අවස්ථාවේදී දරුවා කෙරෙහිම අවධානය තබාගැනීම ඉතා වැදගත් වේ. මවගේ අවධානය වෙනතකට යොමු වූ බව දැණුන කළ ළදරුවා කිරි බීම නවතයි. කිරි දෙන විට මවගේ ඇස් දරුවා දෙසටම යොමු වී තිබීම වැදගත් වන අතර විටින් විට දුරකථනය නාද වීමත් ඔබ එම ඇමතුම්වලට පිළිතුරු ලබාදීමට යාමත් කිරි බොන ළදරුවාට විශාල බාධාවකි. දස මසක් පූරා අපමණ අපහසුතා වි`ද වේදනාවන් දහසක් මැද කිරිකැටියා මොලොවට බිහි කළ ඔබට දරුවා වෙනුවෙන් සුළු මොහොතකට දුරකථනය විසන්ධි කොට තැබීම එතරම් අපහසු කටයුත්කත් විය හැකිද?
නියමිත වේලාවට ළදරුවාගේ කිරි වේල ලබාදෙන්න
නියමිත වේලාවට කිරි වේල ලබාදීම නිසි පරිදි සැලසුම් නොකළහොත් ළදරුවාට දිනකට ලබා දිය යුතු කිරි වේල් ගණන මග හැරී යනු ඇත. එනිසා ඔබ දරුවා වෙත යා යුත්තේ කිරි දිය යුතු වේලාවට පැය භාගයකට පමණ පෙරය. මන්ද සමහරවිට දරුවා මුත‍්‍රා හෝ මල පිට කර තිබෙන්නට පුළුවන. ඒවා පිරිසිදු කර, ළදරුවා දෑතට ගෙන සිප වැළද, සුරතල් කර තුරුළට ගන්නට කල් වේලා තබාගැනීම අවශ්‍යය. අන්න ඒ නිසාම දරුවාගේ කිරි වේලට පැය භාගයකට පමණ පෙර දරුවා වෙතට ළංවිය යුතුය. එසේම මව යමක් පායන කළ යුත්තේ කිරි දීමට පැය දෙකකට පමණ පෙරය. එනම් එක් කිරි වේලක් අවසන් වූ වහාය. ළදරුවාගේ ඊලග කිරි වේල සඳහා ඔබ හොඳින් සූදානම් වීම සඳහා එය වැදගත් වන අතරම පහසු පුටුවක වාඩිවී ළදරුවාට කිරි දීම වඩාත් සුදුසු වේ.
මවගේ පිරිසිදු කම
මවගේ පිරිසිදුකම දරුවා විෂබීජවලින් ආරක්‍ෂා කිරීමට හේතුවක් වන නිසාම දිනපතා උදේ සවස මව පිරිසිදු වීම ඉතා වැදගත් වේ. එසේම ඔබේ ඇඳුමද පිරිසිදු තත්ත්වයේ තිබිය යුතුය.
මෙම ක‍්‍රියාවන් නිසි පරිදි අනුගමනය කිරීම තුළින් මවට වඩා හොඳින් කිරි දීමට හැකියාව ලැබේ. ළදරුවාට අවශ්‍ය පමණට කිරි නිපදවීමට නොහැකි වීම බොහොමයක් මව්වරුන්ට මුහුණපාන්නට සිදුවන ගැටලූවක් වන අතරම ඉහත කරුණු ද ඒ සඳහා හේතු විය හැකිය. ඔබ මේ කරුණු පිළිබඳව සැළකිලිමත් වීම වැදගත් වන්නේ ඒ නිසාය. එමගින් සිදුවිය හැකි අපහසුතා මගහරවයි. කෙසේ වෙතත් තම දරුවාට මව්කිරි ලබාදීමේදී එය වඩාත් සුදුසු අයුරින් ඉටු කිරීමට මවක් ලෙස වගකීමෙන් යුතුව කටයුතු කිරීම නිසා ඔබත් ළදරුවාත් අතර වූ ආදර බැඳීම දිනෙන් දින වර්ධනය වනු නොඅනුමානය.
