ස්නායු උත්තේජක ව්‍යායාම – දරු ප්‍රසුතියෙන් පසුව කිසියම් අවස්ථාවකදී දරුවා මෙවැනි ලක්ෂණවලින් සිටී නම් හෝ දරුවා අත සෙලවීමක් නොකරන්නේ නම් එවැනි අවස්ථාවලදී දරුවා ඉරියව් ගත කිරීමක් සිදු කරයි. මෙම අවස්ථාවේදී වෙනත් චලන හෝ ව්‍යායාම සිදු කරන්නේ නැත. ස්නායුවේ ඇති වූ ආබාධය නිසා කිසියම් විටක රුධිර වහනයක් හෝ වෙනයම් ආබාධයක් ඇති වී ඇත්නම් හෝ එය නැවත යථාතත්ත්වයට පත් කළ යුතුය. ඒ සඳහා අදාළ බාහුවට විවේකය ලබාදීම කෙරේ. මේ සඳහා අතට උරමාවක් යොදනු ලැබේ. එලෙස ඉරියව් ගත කිරීම මාසයක් පමණක් සිදු වේ. මෙම මාසයෙන් පසුව දරුවාගේ අත යථාතත්ත්වයට පත් කිරීම සඳහා අදාළ ඉරියව්වට විරුද්ධ ඉරියව්වෙන් අත තැබීම සිදු කරනු ලැබේ.
උදාහරණ :-
- මැණික්කටුව සන්ධියෙන් බාහුව දෙසට නැවී ඇති අල්ල අනෙක් දෙසට දිග හැරීම සිදු කරයි.
- ඇඟ දෙසට කැරකැවී ඇති යටි බාහුව අල්ලා උඩට සිටින සේ හැරවීම සිදු කරයි.
- දිග හැරී ඇති වැළමිට නැවීම සිදු කරයි.
- ඇඟ දෙසට කැරකැවී ඇති ඉහළ බාහුව ඇෙඟන් පිටතට කරකැවීම සිදු කරයි. වැළමිට ඇඟට හේත්තු කර යටි බාහුව ඇෙඟන් ඇතුළටත්, පිටතටත් ගෙන යාම මෙහිදී සිදු වේ.
- අත ඉදිරියට එසවීම.
- ඇඟ පිටතට අත චලනය සිදු කිරීම.
මෙවැනි ව්‍යායාම සිදු කරවීම මඟින් දරුවාගේ පේශිවල උත්තේජනයක් සිදු වේ. විශේෂයෙන්ම මෙම ව්‍යායාම එකක් එක්වරකට විස්ස බැගින් දිනකට හතර වරක්වත් කළ යුතුය. මෙලෙස ව්‍යායාම සිදු කර කාලයක් ගත වීමෙන් පසු නැවත ඇගයීමකට භාජනය කරන අතර දරුවා තුළ කිසියම් ප්‍රමාණයකට චලනයන් සිදු වේ නම් ඉහත ව්‍යායාම තවදුරටත් කරගෙන යනු ලැබේ.
බොහෝ අවස්ථාවලදී මෙම තත්ත්වය ව්‍යායාම ම`ගින් පමණක්ම සිදු වේ. එහෙත් ව්‍යායාම මඟින් සුව නොවන අවස්ථාවලදී ආඝාතයට ලක්වූ ස්නායු නැවත යථාතත්ත්වයට පත් කිරීම සඳහා අවශ්‍ය විද්‍යුත් උත්තේජනයක් ලබාදීම සිදු කරයි. මෙහිදී ඉතා සියුම් විද්‍යුත් ධාරාවක් ආඝාතයට ලක්වූ ස්නායුවලට වෙන් වෙන් වශයෙන් ලබාදෙමින් අදාළ බාහුවේ චලනය සිදු කරනු ලැබේ. මෙලෙස විද්‍යුත් ධාරා ලබාදීමෙන් පසු නැවත ස්නායු උත්තේජනය වී එහි කි්‍රයාකාරීත්වය ඇති වේ. සාමාන්‍යයෙන් අපේ මොළයෙන් නිකුත් කරන විද්‍යුත් ධාරා ස්නායු හරහා ගමන් කිරීමේ කි්‍රයාවලිය මෙහිදී සිදු වන බැවින් මෙම කෘති්‍රම විද්‍යුත් ධාරා දරුවාගේ ශරීරයට අහිතකර නොවේ. එම ස්වභාවයෙන්ම ලැඛෙන විද්‍යුත් ධාරාවට සමාන විද්‍යුත් ධාරාවක් ගමන් කරවීම මෙහිදී සිදුවේ. මේ හරහා ඉතා ඉක්මනින් දරුවා යථාතත්ත්වයට පත් වේ.
මෙම තත්ත්වය යටතේද යථාතත්ත්වයට පත් නොවන්නේ නම් විවිධ ආධාරක ක්‍රම භාවිත කිරීම මඟින් දරුවාගේ අත නැවත යථාතත්ත්වයට ගෙන ඒමට කටයුතු කරනු ලැබේ.
මෙවැනි ක්‍රම මඟින් අත කි්‍රයාකාරී වන විට අත ශක්තිමත් කිරීම සඳහා ව්‍යායාම සිදු කරනු ලැබේ. ඉහත ව්‍යායාම මඟින් අතෙහි කි්‍රයාකාරීත්වය ආරම්භ වුවද පේශිවල ශක්තිමත් බව ඉතා දුර්වලය. පේශිවල පැවතිය යුතු බලය එම පේශිවල නොමැත. එම පේශි සිය කටයුතු කරගෙන යාම සඳහා යොදා ගැනීමට අපහසුය.
උදාහරණ වශයෙන් දරුවාට එම අත භාවිතකර යමක් එසවීමට අපහසු වේ. යමකට ගැසීම ආදිය නිරෝගී අතින් මෙන් සිදු කළ නොහැකිය. එම නිසා එම පේශි ශක්තිමත් කරවීම සඳහා ශක්තිජනක ව්‍යායාම සිදු කළ යුතු වේ.
මෙම තත්වය යටතේ පහත ආකාරයේ ශක්තිජනක ව්‍යායාම දරුවා ලවා විවිධ කි්‍රයාකාරකම් හරහා සිදු කළ යුතුය.
කුඩා වැලි කොට්ට එසවීම (රෝගී අත භාවිත කරමින්)
විවිධ කි්‍රයාකාරකම්වල නිරත කරවීම
මෙවැනි කි්‍රයාකාරකම් සිදු කිරීම හරහා දරුවාගේ අත සම්පූර්ණයෙන්ම කි්‍රයාකාරීත්වයට පත් වේ.
මෙවැනි තත්ත්වයක් ඇති වූ දරුවන්ගේ සාමාන්‍ය කි්‍රයාකාරකම්වලට මෙම අර්බ්Zස් පෝල්සි තත්ත්වය බලපෑම් කළ හැකිය.
උදාහරණ :-
පෙරළීම ප්‍රමාද වීම
දණ ගෑම ප්‍රමාද වීම
නිසි කලදී සිදු විය යුතු මෙම කි්‍රයාකාරකම් සිදු නොවන්නේ නම් එම කි්‍රයාකාරකම් දරුවා ලවා සිදු කරවීමට වග බලා ගත යුතුය. එම ඉරියව්වල දරුවා තැබීම කළ යුතුය. එවිට ක්‍රමයෙන් දරුවාගේ කි්‍රයාකාරකම් සිදු වන අතරම දරුවාගේ අතෙහි කි්‍රයාකාරීත්වයටද ඉන් අවකාශ සැලසේ.
කෙසේ වුවද මෙවැනි තත්ත්වයන් දරුවකුගෙන් දිස්වන්නේ නම් ඔබ ඉතා ඉක්මනින් භෞතචිකිත්සක සායනයකට යොමු වන්න. එසේ යොමු වී, දරුවාගේ එම තත්ත්වය පිළිබඳ පරීක්ෂණය කිරීමෙන් පසු නිවැරදි ප්‍රතිකර්මවලට යොමු විය හැකි අතරම දරුවාගේ රෝගය ඉතා ඉක්මනින් යථාතත්ත්වයට පත් කරගැනීමට හැකි වනවා ඇත.
කොළඹ, රිජ්වේ ආර්යා ළමා රෝහලේ ප්‍රධාන භෞත චිකිත්සක, වරලත් භෞත චිකිත්සක සංගමයේ සභාපති ආචාර්ය ජාලිය උඩුවැල්ල මහතා සමග සකස්කරන ලද ලිපියකි.
