ජනවාරි 1 වෙනිදා වස විස නැති සහලෙන් කිරිබත් පිසිමු

0
ජනවාරි 1 වෙනිදා වස විස නැති සහලෙන් කිරිබත් පිසිමු

කෘෂිකර්මාන්තයේදී වල් මර්දනය, බිම් සැකසීම, බෝග වගාව, පළදාව වැඩිකිරීම, අස්වනු පොලිෂ් කිරීම, ඉදවීම සහ කල්තබා ගැනීම යනාදී කටයුතු වෙනුවෙන් භාවිත කරන අධික කෘෂිරසායන මිනිසාගේ සෞක්‍ය තත්වය බිඳ දමන සහ ජීවිතය මාරාන්තික තත්වයට පත් කරන බව කවුරුත් දන්නා කරුණකි.

වැරදි ආහාර රටා සහ අප විසින් ආහාර ලෙස ගනු ලබන අහිතකර විස කාරක හේතුවෙන් බෝනොවන රෝග රාශියක් සමාජයේ හිස ඔසවා ඇති අතර මේ මගින් වාර්ෂිකව මිය යන ජනයා ඇති විශාල අගයක් ගනී.
මේ වන විට කෘෂිකාර්මික වකුගඩු රෝගයෙන් පමණක් ලක්ෂයක පමණ පිරිසක් පීඩා විඳින අතර ඉන් විසිඅටදහසක් (28000) දෙනා මියයගාස් ඇත.

එසේම සෑම වසරකදීම පිළිකා රෝගීන් විසිපන්දහසක් (25000) දෙනා ජීවිතක්ෂයට පත්වන අතර පහළොස්දහසක් (15000) දෙනා අලුතෙන් රෝහල් වල ලියාපදිංචි වෙති.

අනෙකුත් බෝනොවන රෝග සේ ගැනෙන දියවැඩියාව, හර්දයාබාධ, අධි රුධිර පීඩනය ගබ්සා මළ දරු උපත්, ගැස්ට්‍රයිටිස් වැනි රෝගවලින්ද තවත් සැලකියයුතු පිරිසක් පීඩාවිඳි. නැතයහාත් මරණයට පත් වෙයි.

මේ තත්වය සැලකිල්ලට ගෙන ගරු ජනාධිපති මෛත්‍රීපාල සිරිසේන මැතිතුමාගේ ප්‍රතිපත්ති ප්‍රකාශනයෙන් ප්‍රකාශ කළ පරිදි තිරසාර කෘෂිකාර්මික වැඩපිළිවෙලක් රටතුළ ක්‍රියාත්මක කිරීම වෙනුවෙන් රටේ කෘෂිකර්මාන්තය වස විසෙන් තොර කිරීමේ ජාතික වැඩසටහන දැන් ක්‍රියාවට නැගේ.

ධාර්මික ගොවිතැනක්, නීරෝගී ජනතාවක්, වස විස නැති රටක් මැයෙන් ක්‍රියාවට නැගෙන මෙම පාරිසරික ගොවිතැන් සංකල්පයෙන් කෘෂිකර්මාන්තය ඔස්සේ නිරෝගී ජනතාවක් බිහිකිරීම අපේක්ෂා කරන බැවින්

එළඹෙන ජනවාරි මස පළමුවැනිදා
අපේ නිවසේ ඉදෙන කිරිබත
වස විස නැති සහලෙන් පිස
එළඹෙන 2017 වසරට ආශිර්වාද පතා වස විස නැති ආහාර රටාවක් සඳහා යලිත් නිවසෙන්ම ආහාරඅනුභවයට එක් වන ලෙස සියලු ලක් වැසියන්යගන් ඉල්ලා සිටින වගයි.

ජනාධිපති කාර්යාලයේ වස විස නැති රටක් ජාතික වැඩසටහනේ පණිවිඩයකි.

LEAVE A REPLY

Please enter your comment!
Please enter your name here