- Advertisement -

අවුරුද්දට රතිඤ්ඤා පත්තු කරනවාද? එහෙනම් මේ ලිපිය ඔබ සඳහායි

-

මේ දවස් වල රතිඤ්ඤා හේතුවෙන් සිදු වන හදිසි අනතුරු , නිලා කූරූ, අහස් කූරූ ,බඹර චක්‍ර වලට තිබෙන ඉල්ලුම නම් ඉතා ඉහළයි. ලබන්නාවූ  සිංහල හින්ඳු අවුරුද්ද නිමිත්තෙන් සතුට ප්‍රකාශ කරන්නට දල්වන මේ රතිඤ්ඤා කරලක් නිසාවෙන් පවුලේම සතුට නැති වන්නත් පුලුවන්. සෑම වසරකම රතිඤ්ඤා හේතුවෙන් සිදු වන හදිසි අනතුරු වල නම් අඩුවක් නැහැ. අන්න ඒ කාරණය නිසාම අපි හිතුවා මේ රතිඤ්ඤා ගැන ඔබව දැනුවත් කරන්න.

රතිඤ්ඤා මිලදී ගන්නට පෙර මේ පිළිබඳ සිතන්න

  • ප්‍රමිතියකින් යුතු රතිඤ්ඤා කරලක් 2 1/2 දිග සිලින්ඩරාකාර හැඩයකින් යුක්ත විය යුතුය.රතිඤ්ඤා කරලක බර 10 පට ක් පමණ වේ.
  • ඇසුරුම් කල පෙට්ටියේ උපරිම රතිඤ්ඤා කරල් තිබිය යුත්තේ 100 පමණක්ය.
  • තවද විශේෂයෙන් විශාල ලෙස ශබ්දය නිකුත් වන විශාල ප්‍රමාණයේ බට්ටෝ නමින් හඳුන්වන රතිඤ්ඤා වර්ග භාවිතයෙන් බරපතල අනතුරු සිදුවිය හැකි නිසා හැකිතාක් ඒවා මිලදී නොගන්න. රතිඤ්ඤාවල ගබඩාකර තිබෙන පුපුරණ ද්‍රව්‍ය ප්‍රමාණය වැඩිවෙත්ම එහි අනතුරු සහගත බවද වැඩිය.

භාවිතයට පෙර මේ ගැන සිතන්න

  • ගිණි කූරක් ආධාරයෙන් රතිඤ්ඤා දැල්වීම ඉතා අනතුරුදායක බව මතකයේ තබා ගන්න.
  • සතුන් සිටින බොහෝ දෙනෙක් සිටින ස්ථාන වල රතික්‍ද්ක්‍දා පත්තු කිරීමෙන් වලකින්න.
  • දැල් වූ රතිඤ්ඤා වැලි ගොඩවල්, ගල් ගොඩවල් මතට විසි කරන්න එපා. රතිඤ්ඤා පිපිරීයාමේදී වැලි හෝ ගල් විසි වී යාම තුලින් අවට සිටින අයට මෙන්ම ඔබටද අනතුරක් විය හැකිය.එසේම පොල්කටු, ටින්, කුරුම්බා කෝම්බ, ප්ලාස්ටික් භාජන යටිකුරුව නවා, ඊට යට කොට තැබූ රතිඤ්ඤා දැල්වීමෙන් රතිඤ්ඤාව වැසීමට භාවිත කළදෑ පිපිරී දසත කැබලි වීසි වී මුහුණ, ඇස්, සිරුර තුවාල වන්නට පුලුවන්.
  • උස් ගොඩනැගිලි වල සිට පහළට රතිඤ්ඤා දල්වා විසි කිරීමෙන් වලකින්න. මන්ද යත් පහළ සිටින පුද්ගලයන් හා ද්‍රව්‍යවලට හානි සිදු විය හැකිය.
  • රතිඤ්ඤා වැල් වශයෙන් පත්තු කිරීමට සකස් කර ඇති විට ඒවා ගලවා වෙන් වෙන් වශයෙන් පත්තු නොකරන්න. මෙම වැල්වල රතිඤ්ඤා වෙඩි නූල් කොටට සාදා බැඳ තිබෙන බැවින් වෙන් වෙන්ව ගලවා පත්තු කිරීමට යාමේදී අතේදීම පුපුරා යාමට ඉඩ තිබෙනවා පත්තු වෙනවා. ඒවා වැල් වශයෙන්ම පත්තු කරන්න.
  • නිලා, බඹර චක්‍ර, මල්වෙඩි ගුණ්ඩු වලින් පවා අනතුරු ඇති විය හැකියි. මේවා පත්තු කරන විට අන් අය ඈත් කර තබන්න. පත්තු කරන අයද ඉවත් වන්න පිළිස්සී ඉතිරි වන ද්‍රව්‍යයන් ගෙන්ද, විසිරෙන මල් වලින්ද දෙපය, දැස්වලට තුවාල විය හැකියි.

දැල් වූ රතිඤ්ඤා කරල විසි කල පසු

  • සමහර රතිඤ්ඤා කරල් දල්වා විසි කල පසු පුපුරා යන්නේ නැහැ. පුස් රතිඤ්ඤා කියමින් ඒවා පරික්ෂා කිරීමට නොයන්න. සමහර අවස්ථා වල ඔබ ඒ අසලට ළංවී නැවත බලන විට පුපුරා ගොස් මුහුණට අනතුරු විය හැකි ය.
  • තවද කුඩා දරුවන් සිටින ස්ථාන ආශ්‍රිතව රතිඤ්ඤා පත්තු කරනවා නම් ඒවා භාවිතයෙන් පසුව ඉතිරිවන කැබලි නිසි පරිදි ඉවත් කළ යුතුයි. එසේ නොකිරීමෙන් කුඩා දරුවන්ගේ තිබෙන නොදැනුවත්කම නිසා බරපතළ මට්ටමේ අනතුරු පවා ඇති කරගත හැකියි.

අනතුරක් සිදු වුවහොත්

  • යම් ලෙසකින් මුහුණට අනතුරක් සිදු වුවහොත් අනතුරට පත් තැනැත්තා පැතලි තලයක හාන්සි කරවා සියුම්ව අඛණ්ඩව මුහුණට වතුර ඉසිමින් රෝහල වෙත ගෙන යන්න.
  • ඇසකට හානී වූ විට දෑස් සිසිල් කිරීම හැර වෙන කිසිඳු ප්‍රතිකර්මයක් නොකර රෝහල වෙත ගෙන යන්න.
  • ඇඟිල්ලක් වෙන් වුවහොත් ඇඟිල්ල පිරිසිඳු පොලිතින් උරයක දමාඅයිස් දැමු බහාලුමක දමන්න. රුධිර වහනය වලක්වාලීමට අත ගැට ගසා ඉහළට ඔසවා තබා ගනිමින් රෝහල වෙත ගෙන යන්න.

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article