දීර්ඝ කලෙකින් නැවතත් ඕබ වෙනුවෙන් ලිවීමට සුලු කාලයක් වැය කලෙමි. මාගේ ෆේස්බුක් ගිණුමට නොයෙකුත් මව්වරුන් ඒවන පණිවිඩ මා කියවන්නේ ඉතා සතුටින්. ඉන් හමුවූ මේ කතාව ඔබ වෙනුවෙන් අකුරු කිරීමට මට සිතුනේ මෙයින් අම්මා කෙනෙක් කෙතරම් ශක්තිමත් ද යන්න කියා පෑමටයි.
ලගදි ඉදලා ඇගට හරි තෙහෙට්ටුයි..කන්න පිරියක් නෑ..ඇදට වැටුනොත් නින්ද යනවා.. මේ ගතිය නිසා ගෙදර වැඩත් මග හැරුනා…මේ ලක්ෂණ ඔක්කොම දරුවෙකු පිළිසිඳගත් ගැහැණියකගේ ලක්ශණ වූවත් ඒය පිළිගැනීමට මා පැකිලුනේ මා හා සැමියා එකට එක් වන්නේ ඉතාමත් කලාතුරකින් එනම් මසකට වරක් හෝ මාස කීපයකට වරක් පමණක් නිසයි.. මාගේ ඔසප්වීමත් ඉතා අක්‍රමවත් වන අතර පසුගිය සතියේත් එය ඉතා සුලු ආකාරයෙන්න් සිදුවුනි.. ඒමෙන්ම අවසන් වතාවට අප ඒක්වු මොහොතේ අපි උපත් පාලන පෙතිද භාවිතා කලෙමු… මගේ ගත කෙමෙන් කෙමෙන් දුර්වල වන බව මට දැනේ..දැන් ටික ටික වමනය යයි..මගේ ගතේ දරුනු අසනීපයක් ඇති බව මට හැගේ..
“අපි full body check up එකක් කරගමු ඉක්මනට” ඒ මගේ සැමියාගේ යෝජනාවයි. මා ඒයට කැමති වූයේ ඒක පයින්. ඒත් දෙවරක් ගැබ් ගෙන පලපුරුදු මා හට එක වරම සිතට පැමිනියේ “ඔන්න ඔහේ urine pregnancy test එකක් කරල බලමු” කියාය. මාගේ ඉල්ලීම මත මගේ සැමියා මා හට ලබා දුන් මුත්‍රා පරීක්ශණ පටි වලින් මා පරීක්ෂණය කර බැලුවෙමි. පුදුමයකි..මා ගැබ් ගෙන තිබේ..
මෙය අපට අනපේක්ශිත පුවතකි. විශේශයෙන් මාගේ සැමියා ඒ පිලිබද කිසිදු ප්‍රසන්න බවක් නොපෙන්වූයේය..එය මගේ සිතට වද දුන්නේය.. පසුදින අපි නුදුරු පෞද්ගලික රෝහල වෙත ගොස් ලේ සාම්පලයක් ලබා දී දරු ගැබට කොපමණ කලක් දැයි බැලීමට පරීක්ෂණයක් කලෙමු. එහි ප්‍රතිපළ ලැබෙන්නේ පසුදිනයි.
අපි නැවත නිවස බලා එන අතරතුර මම සැමියාගෙන් මෙසේ ඇසීමි. “ඔයාට මේ ගැන සතුටු නෑ වගේ නේද?” ඔහු ඇසුවේ.. යම් බිරිදක් සිය ආදරබර සැමියාගෙන් ඇසිය හැකි ඉතාම කටුකම ප්‍රකාශයයි..එනම්..”ඔය ළමයාගේ තාත්තා කවුද?”
මට ඇත්ත කියන්න මවුවරුනි..ඔබට මෙවන් දෙයක් අසන්නට ලැබුනොත් ඔබේ ප්‍රතික්‍රියාව කුමක් වේවිද?
මොහු මේ කුරිරු ප්‍රශ්ණය මාගෙන් ඇසූයේ මන්ද? මීට මසකට පමණ පෙර ඔහු දින 12 කට පමණ විදෙස් සංචාරයකට සහභාගි වුනේය. ඉන් පසු අප එක්වූයේ ඒක් වරක් පමණි..ඒයත් ආරක්ෂිතවය. කෙතරම් උගත් මිනිසෙකු වුවද..කොපමණ ඉහළ රැකියාවක් කළද..ඔහු මා ඉදිරියේ සැණෙකින් අති දුර්වල මෝඩයෙකු බවට පත්වුණි. ඒ මන්ද?
මීට පෙර අප ලිංගිකව එක්වූ කිසිම විටක (අවසන් වතාවේ හැර) අපි කිසිම ආරක්ෂක ක්‍රමයක් භාවිතා නොකලෙමු. ඒසේ ම ඔහු මේ ප්‍රශණය ඇසීමට හදිසි වූයේය. ඔහුට පසු දින ලේ පරීක්ෂණයේ ප්‍රතිඵල එනතුරු ඉවසා සිටියේ නම්, ඔහු මේ තකතීරු ප්‍රශ්නය කවදාවත් අසන්නේ නැත. මන්ද. එහි ප්‍රතිඵල අනුව මා තෙමස් ගැබිණියකි.
මා සිතන්නේ ඔහු මේ පිළිබඳව දැන් තැවෙනවා විය හැකියි. නමුත් ඒ ගැන මට කිසිදු කලකිරීමක් නොමැත. නමුත් එක දෙයක් මා පැහැදිලිවම ප්‍රකාශ කලෙමි.
“මේ තීරණය මාව නිදොස් කිරීමට ගත් තීරණයක් නොව මාගේ නූපන් දරුවා වෙනුවෙන්,ඒ පිරිසිදු ලේ ධාතුව වෙනුවෙන් මම කලයුතු යුක්තියකි. මේ දරුවා ඉපදීමට පෙර හෝ පසු මේ දරුවාගේ ජාන පරීක්ෂාවක් සිදු කර මේ දරුවා පිරිසුදු බව ඕප්පු කර මිසක් මේ දරුවා පියාගේ නිවසට ගෙන නොඑමි”
මව්වරුනි .බලන්න මේ මවගේ තීරණය…. හඩා දොඩා වැලපෙන්නේ නැති මෙවන් තීරණ කෙතරම් ආදර්ශමත් ද? ඔබ දුර්වල නැත..එය කිසිදා අමතක නොකරන්න. ඔබ වරදක් කර නොමැතිනම් බුදු හිමියන් දෙසූ අටලෝ දහමින් නොසැලෙන්න. ජීවිතයට ශක්තිවන්තව මුහුන දෙන්න..
