හිමොග්ලොබින් අඩු ගැබිනි ඔබට ඉතා වටිනා පෝෂණ පණිවිඩයක්

pregnant-mother-taking-food

අද වන විට රුධිරගත හිමොග්ලොබින් ප‍්‍රමාණය අවම වීම ගැබිනි මව්වරුන් අතර සුලබව දැකිය හැකි තත්ත්වයක්ව පවතිනවා. සාමාන්‍යයෙන් අපේ සිරුරේ පටක සඳහා අවශ්‍ය වන ඔක්සිජන් ප‍්‍රවාහනය කිරීමේ කාර්යභාරය සිදුවන්නේ මේ හරහායි. යම් හෙයකින් රුධිරගත හිමොග්ලොබින් ප‍්‍රමාණය අවම වීම ගැටලු රැසකට මුල් විය හැකිය.

රුධිරගත හිමොග්ලොබින් ප‍්‍රමාණය අඩු වීමට මූලික මෙන්ම වැඩිපුරම හේතු විය හැකි සාධකය ලෙස දැක්විය හැකිකේ යකඩ ඌනතාවයයි.

යකඩ ඌනතාවයට අමතරව රුධිරගත හිමොග්ලොබින් අඩු විය හැකි අවස්ථා :

  • ෆෝලික් ඇසිඞ් විටමිනය අවම වීම
  • නිසි පෝෂණය නොලැබීම
  • තැලසීමියා වාහකයෙකු වීම
  • පණු රෝගවලට ගොදුරු වූවෙකු වීම
  • ලියුකේමිය වැනි රෝග තත්ත්වයන්ට ගොදුරු වීම

යකඩ ඌනතාවය හේතුවෙන් රුධිරගත හිමොග්ලොබින් මට්ටම අවම වූ ගැබිනි මවක් තම ආහාර රටාව සකස් කර ගැනීමේදී විශේෂ අවධානයක් යොමු කළ යුතුය. ඔවුන් සැමවිටම තමන් ලබාගන්නා යකඩ ප‍්‍රමාණය නිසි ආකාරයෙන් සිරුරට අවශෝෂණය කරගැනීම සම්බන්ධයෙන් සැලකිලිමත් වීම ඉතා වැදගත් වේ. උදාහරණයක් ලෙස යකඩ ලබාගන්නේ ප‍්‍රධාන කෑම වේල් ආශ‍්‍රිතව නම් ඒ ලබාගත් යකඩ ආහාර සමග ප‍්‍රතික‍්‍රියා කිරීම නිසා නිසි ලෙස සිරුරට අවශෝෂණය වීමක් සිදු වන්නේ නැත. මේ හේතුව මත යකඩ පෙති ලබාගැනීමේදී ඒවා හිස්බඩ ලබාගන්නා ලෙස වෛද්‍යවරුන් උපදෙස් ලබාදෙන්නේ එවිට යකඩ වැඩි ප‍්‍රමාණයක් සිරුරට අවශෝෂණය වන නිසයි. එවිට රුධිරගත හිමොග්ලොබින් ප‍්‍රමාණය ඉහළ යයි.

රුධිරගත හිමොග්ලොබින් ප‍්‍රමාණය අවම මව්වරුන් සඳහා යකඩ පෙති දෙක බැගින් ලබාගන්නා ලෙස වෛද්‍යවරුන් නිර්දේශ කරනු ලබයි. එසේම යකඩ පෙත්ත සමග විටමින් C ලබාගැනීමට උපදෙස් ලබා දෙන්නේ එහි ඇති ආම්ලික ස්වභාවය යකඩ අවශෝෂණය ඉහළ දමන බැවිනි. එසේම කැල්සියම් පෙත්ත හා යකඩ පෙත්ත එකට ලබා නොගන්නා ලෙසත් ගැබිනි මව්වරුන්ට වෛද්‍යවරු උපදෙස් ලබාදෙන්නේ එමගින්ද යකඩ අවශෝෂණය අඩාල කරන බැවිනි.

taking-pills

යකඩ ඌනතාවය හේතුවෙන් රුධිරගත හිමෝග්ලොබින් ප‍්‍රමාණය අවම වීම සඳහා සැමවිටම සමබල ආහාර වේලක් ලබාගන්න.

යකඩ බහුල ආහාර වර්ග අතරින් පහසුවෙන් අවශෝෂණය වන යකඩ අඩංගු රතු පැහැති මස්/මාළු/පීකුදු යන මාංශ ආහාර වර්ග, බිත්තර, සෝයා බෝංචි, ධාන්‍ය වර්ග සහ කතුරුමුරුංගා සහ මුරුංගා කොළ පැහැති පලා වර්ග ගැබිනි මවගේ ආහාර වේලට එක්කිරීම වඩාත් සුදුසුය. ඔබ නිර්මාංශ ගැබිනි මවක් නම් යෝගට්, කිරි, මී කිරි වැනි දේ ආහාරයට ලබා ගැනීම වඩාත් සුදුසුය.

healthy-food

රුධිරගත හිමොග්ලොබින් අවම ගැබිනි මවකට ආහාර සැකසීමේදී මේ උපදෙස් පිළිපැදීමෙන් ඇයගේ සිරුරට යකඩ අවශෝෂණය හොඳින් සිදු වේ.

  • මස්/මාළුවලට සියඹලා, ගොරකා වැනි ඇඹුල් දේ එක් කරන්න
  • මැල්ලුම් වර්ග සෑදීමේදී නිවුණු පසු දෙහි ස්වල්පයක් එක් කරගන්න
  • ආහාර වේලෙන් පසුව විටමින් ක්‍ බහුල පළතුරු ආහාරයට ලබාදෙන්න
  • ආහාර ගත විගස එනම් පැය දෙක තුනක්වත් යාමට පෙර පසු තේ/කෝපි වැනි යකඩ අවශෝෂණයට බාධා කරවන පාන වර්ග ලබානොගන්න
උතුරු කොළඹ ශික්ෂණ රෝහලේ ප‍්‍රසව හා නාරි විශේෂඥ වෛද්‍ය ටිරාන් ඩයස් මහතා සමග සකසන ලද ලිපියකි.

 

අධ්‍යාපනික අතින් කොයිතරම් උසස් මට්ටමක හිටියත් අම්මෙක් වුණාම ඇති වන ගැටලූවලට අපි ළඟ පිළිතුරු නෑ. මව්පදවියත් එක්ක දහසකුත් එකක් ප්‍රශ්න මටත් ඇති වුණා. ඔය අතරෙදියි මව්වරුන් වෙනුවෙන්ම වෙන්වුණු පුවත්පතක සංස්කාරකවරිය විදියට සේවය කරන්න මට අවස්ථාව ලැබුණේ. අම්මා කෙනෙක් විදියට මට ඇති වෙන ගැටලූ අධ්‍යාපනය අතින්, මිල මුදල් අතින් ඉහළ, පහළ ඕනෑම තරාතිරමක හැම අම්මා කෙනෙක්ටම පොදුයි කියලා ඔය අතරෙදි මම තේරුම් ගත්තා. මගේ අත්දැකීම්, දරුවන් ගැන මට තියෙන ගැටලූ ගැන වෘත්තීමය සුදුසුකම් සහිත පුද්ගලයන් එක්ක සාකච්ඡ කරලා, සටහන් කරන්න මම හිතුවේ දහස් ගණනක් මව්වරුන්ට නිවැරදිම මගපෙන්වීම අවශ්‍ය බව දැණුනු නිසා.

LEAVE A REPLY

Please enter your comment!
Please enter your name here