ඔබේ දරුවා නිවැරදි ඉරියව් පවත්වා ගන්නවාදැයි ඔබම පරීක්‍ෂා කරන්න

kids-are-studying

දරුවන් යනු සෑම මොහොතකම ක‍්‍රියාශීලී පිරිසක් ලෙස හැඳින්වීමේ කිසිදු වරදක් නොමැත. විශේෂයෙන්ම වයස අවුරුදු තුනක් පහත් අතර සිටින දරුවන් එනම් පෙර පාසැල් විය ඇරඹූ දිනයේ පටන් දරුවන් සැමවිටකම පාහේ නොයෙකුත් ක‍්‍රියාකාරකම්හි නිරත වනු නිසැකය. ඔවුන් දුවන්න, පනින්න වගේම චිත‍්‍ර අඳින්න, ගීත ගයන්න නටන්නත් ප‍්‍රිය කරනවා. මව්පිය සෙවණේ මෙතෙක් කල් නිවසේ සිටි දරුවා පළමුවෙන්ම නිවසින් පිටතට යන්නේ පෙර පාසැල වෙත යොමු වීමත් සමගයි. මෙතැන් පටන් දරුවන් නිවසේදීට වඩා ක‍්‍රියාකාරකම් රැසකට යොමුවෙනවා. සාමාන්‍යයෙන් නිවසේදීට වඩා මෙම ක‍්‍රියාකාරකම් වෙනස් විය හැක්කේ අධ්‍යයන කටයුතු වෙනුවෙන්ද පෙර පාසැල හරහා දරුවෙකුට යොමු වීමට සිදු වන බැවිනි.

මෙසේ පෙර පාසැල් ජීවිතය ආරම්භයත් සමගම යොමු වන ක‍්‍රියාකාරකම් හේතුවෙන් විවිධ වූ ගැටලු සහගත තත්ත්වයන්ට බඳුන් වූ දරුවන් ද සිටින අතරම එවැනි ගැටලු සහගත තත්ත්වයන්ට උදාහරණ ලෙස මාංශ පේශී වේදනා, සන්ධි වේදනා, මෘදු පටක වේදනා ආදී තත්ත්වයන් දැක්විය හැකිය. මෙවැනි ගැටලුකාරී තත්ත්වයන්ට මූලික හේතුවක් ලෙස මෙම කුඩා දරුවන් ඔවුන්ගේ ක‍්‍රියාකාරකම්වලදී නිවැරදි ඉරියව්ව පවත්වා නොගැනීම දැක්විය හැකිය.

මොකද්ද මේ නිවැරදි ඉරියව් කියන්නේ…?,

ඉහත දැක්වූ ගැටලූ මගහරවා ගැනීම සඳහා සැමවිටම නිවැරදි ඉරියව්ව වැදගත් බව අප කලිනුත් පැවසූවා. නිවැරදි ඉරියව්වක් පවත්වා ගෙන යාම සඳහා දැනුවත් වීමට නම් අපගේ කොඳු ඇට පෙළ පැවතිය යුතු ආකාරය පිළිබඳව සැළකිල්මත් වීම වගේම ඒ ගැන දැනුවත් වීමත් ඉතාම වැදගත් වන්නේ නිවැරදි ඉරියව් පවත්වා ගෙන යාම සඳහා කොඳු ඇට පෙළෙන් විශාල බලපෑමක් සිදු කරන නිසයි.

කොඳු ඇට පෙළේ ඇති වන වක‍්‍රයන් ප‍්‍රධාන වශයෙන් කොටස් 3 ක් ලෙස දැක්විය හැකි අතරම එම කොටස් තුනෙහි පැවතිය යුතු වක‍්‍ර ගතිය යම් වැරදි ඉරියව්වක් හේතුවෙන් වැඩි හෝ අඩු වී සාමාන්‍ය තත්ත්වයෙන් වෙනස් වුවහොත් වේදනාකාරී තත්ත්වයක් ඇති විය හැකිය. එය දිගින් දිගටම පැවතිය යුතු ආකාරයෙන් වෙනස්ව පැවතීම යම්තාක් දුරට ගැටලුකාරී තත්ත්වයක් දක්වා වර්ධනය විය හැකියි. අන්න ඒ නිසාම කොඳු ඇට පෙළේ සාමාන්‍ය ස්වරූපය පිළිබඳව දැනුවත් වීම වඩාත් වැදගත් වේ.

කොඳු ඇට පෙළේ පිටුපස ස්වරූපය:

img-01

කොඳු ඇට පෙළ පැත්තෙන් බැලූ විට ස්වරූපය :

img-02

දරුවන්ට පමණක් නොව වැඩිහිටි ඔබටද වැරදි ඉරියව් හේතුවෙන් බොහොමයක් ගැටලුකාරී තත්ත්වයන්ට මුහුණ දීමට සිදුවිය හැකි බව දැන් ඔබට වැටහෙනවා ඇති. වැරදි ඉරියව් හේතුවෙන් එසේ ඇති වන තත්ත්වයන් ඉතා ඉක්මණින් නිවැරදි කරගැනීම එතරම්ම පහසු නොවන නිසා මව්පියන් ලෙස ඒ පිළිබඳව අවධානය යොමු කරමින් නිවැරදි ඉරියව් වෙත දරුවා යොමු කිරීම පමණක් නොව දරුවන්ට ආදර්ශයක් වන්නට සැමවිටම ඔබේ ඉරියව්ද නිවැරදිව පවත්වාගැනීමට සැලකිල්මත් වන්න. අපි එදි නෙදා ජීවිතයේදී භාවිත කරන වැරදි ඉරියව් සහ ඒවා නිවැරදි විය යුත්තේ කොයි ආකාරයෙන්ද යන්න ඡයාරූප සහිතව ඊළඟ ලිපියෙන් සාකච්ජා කිරීමට බලාපොරොත්තු වේ.

රිජ්වේ ආර්යා ළමා රෝහලේ ජ්‍යෙෂ්ඨ භෞත චිකිත්සක උදය පී. චන්ද්‍රසේන මහතා සමග සකසන ලද ලිපියකි.

 

අධ්‍යාපනික අතින් කොයිතරම් උසස් මට්ටමක හිටියත් අම්මෙක් වුණාම ඇති වන ගැටලූවලට අපි ළඟ පිළිතුරු නෑ. මව්පදවියත් එක්ක දහසකුත් එකක් ප්‍රශ්න මටත් ඇති වුණා. ඔය අතරෙදියි මව්වරුන් වෙනුවෙන්ම වෙන්වුණු පුවත්පතක සංස්කාරකවරිය විදියට සේවය කරන්න මට අවස්ථාව ලැබුණේ. අම්මා කෙනෙක් විදියට මට ඇති වෙන ගැටලූ අධ්‍යාපනය අතින්, මිල මුදල් අතින් ඉහළ, පහළ ඕනෑම තරාතිරමක හැම අම්මා කෙනෙක්ටම පොදුයි කියලා ඔය අතරෙදි මම තේරුම් ගත්තා. මගේ අත්දැකීම්, දරුවන් ගැන මට තියෙන ගැටලූ ගැන වෘත්තීමය සුදුසුකම් සහිත පුද්ගලයන් එක්ක සාකච්ඡ කරලා, සටහන් කරන්න මම හිතුවේ දහස් ගණනක් මව්වරුන්ට නිවැරදිම මගපෙන්වීම අවශ්‍ය බව දැණුනු නිසා.

LEAVE A REPLY

Please enter your comment!
Please enter your name here