2010 වසරේ ඔක්තෝබර් 10 වැනි දින විලියම් සහ කේට් කුමරියගේ විවාහ මංගල්‍යය සිද්ධ වුන අතර එදින කේට් කුමරිය විසින් පළඳනු ලැබුවේ ඇගේ නැන්දණිය හෙවත් ඩයනාගේ මගුල් මුදුවයි. 2011 වසරේ අප්‍රේල් 29 වැනි දින කේට් සහ විලියම් කුමරුගේ විවාහ මංගල්‍යය වෙස්ට්මිනිස්ටර් ඇබේ හි පවත්වන ලද අතර මිලියන 26 ක ජනතාව මෙම විවාහ මංගල්‍යය සජීවි ලෙසින් දැක බලා ගන්නට පැමිණ සිටියා.
එතැන් පටන් ලෝකයා බලා සිටියේ ඇය දරුවෙක් ලොවට දායාද කරන්නේ කවදාද යන්නයි. ඒ සිහිනය සැබෑ වීමටත් එතරම් කාලයක් ගත වුනේ නැහැ. 2013 වසරේ ජූලි 22 වැනි දින ලන්ඩනයේ ශාන්ත මේරි රෝහලේදී ඇය කුලුඳුල් දරුවා බිහි කරනු ලැබුවා. ඒ පුතෙක්… රජපැටියාගේ උපත් බර කි.ග්‍රෑම් 3. 80 ක් වුණා. දරුවා උපත ලබන විට ආචාර වෙඩි මුර 21 ක් පවත්වා බ්‍රිතාන්‍ය වැසියන් රජ පවුලේ අලුත් අමුත්තා ඉතාම අභිමානයෙන් පිලිගත්තා.
2013 වසරේ ජූලි වැනි දින කෙන්සින්ග්ටන් මාලිගාවෙන් මේ දරුවාගේ නම “ජෝර් ජ් ඇලෙක්සැන්ඩර් ලුවී” යැයි නිල ප්‍රකාශය ලබා දුන්නා.රාජකීය බිළිදා උපත ලද දිනයේ පටන් තෑගි බෝග බොහොමයක් ලැබුණා. ඔස්ට්‍රෙලියාවේ උතුරු ටෙරිටෝනි ප්‍රාන්තයේ මහ ඇමති විසින් ජෝර්ජ් කුමරා නමින් කිඹුලෙක් නම් කරනු ලැබුවා. ඩඩ්ලි සත්වෝද්‍යානයේ උපත ලද මීර් බලලුන් තුන්දෙනක් වෙනුවෙන් ජෝර්ජ්, ඇලෙක්සැන්ඩර් සහ ලුවිස් යනුවෙන් ඔහුගේ නමේ කොටස් ඇතුලත් කළා.කෙන්යාවේ සම්බාරු ගෝත්‍රිකයන් විසින් කලු ගවයෙක් සහ එළුවෙක් ත්‍යාග විදිහට ලබා දුන්නා. මේ ගවයා මුල් කර ගෙන ලෙවා වන සත්ව සංරක්ෂිතයේ රාජකීය ගව රංචුව ලෙසින් අලුත් කොටසක් ඇතුලත් වුණා.
නැවතත් ඇය ගැබ් ගත් බවට ආරංචියක් ලැබුනා. 2015 වසරේ අප්‍රෙල් මාසයේදී ඇයගේ දෙවැනි දරුවා ප්‍රසුත වන බවට වෛද්‍යවරුන් නිර්දේශය ලබා දුන්නත් දින පිළිබඳව පුංච් වෙනසක් වෙලා 2015 වසරේ මැයි දෙවැනි දින ශාන්ත මරියා රෝහලේදී රජපවුලේ හතරවැනි උරුමය ලෙසින් දියණියක් රජපුරුකට එක් වුණා. ඇයට ඔවුන් නම් තැබුවේ චාර්ලට් යනුවෙන් නම් තැබුවා. මේ අතර බටහිර ජපානයේ ඔයිටා සත්වෝදයානයේ හැම වසරකදීම මහජන විමසීම් අනුව සත්වෝද්‍යානයේ උපත ලබන වානර පැටවෙකුට නමක් තබනවා. 2015 වසරේදී චාර්ලට් කුමරියගේ උපත සමග වානර පැටවා වෙනුවෙන් යෝජනා වුනේ “චාර්ලට්” යන නමයි. පැය 24 ක් ගෙවෙත්ම දුරකථන ඇමුතුම් මගින් චෝදනා නැගෙන්නට වුණා.
මේ දරුවන්ගෙන් සීයාට කිසිම කරදරයක් නැති බව චාල්ස් කුමරු සෙබලුන් සිහිකිරීම වෙනුවෙන් පැවැති උත්සවයකදී සඳහන් කර තිබුණා. මුණුබුරා වන ජෝර්ජ් කුමාරයා නම් බිලිදු අවධියේදී නිදි නොමැතිව රාත්‍රියේදී පුංචි පුංචි කරදර කළත් චාර්ලට් කුමරියගෙන් ඒ විදිහට කිසිම කරදරයක් නැති බව චාල්ස් කුමාරයා කියා තිබෙනවා.
2017 වසරේ නැවතත් කේට් කුමරිය ගැබ් ගත් බව කෙන්සින්ටන් මාලිගාවෙන් නිවේදනය කරනු ලැබුවා. පළමු දරු උපත් දෙකේදී මෙන්ම මේ වතාවේදිත් කේට් කුමරිය උදෑසන අසනීප ගතියෙන් පසු වුණා. හෝර්මෝන මට්ටමේ වෙනස්කම් නිසා ඇති වෙන උදෑසන ඔක්කාරයෙන් human chorionic gonadotropin මේ තත්වය ඇති වෙනවා. ඇය මේ වතාවේදී තම දරුවා මාලිගාවේදී ප්‍රසුත කරන බවට කල් තබා දැණුම් දුන්නා. ඒ තම සහෝදරයාට සහ සහෝදරියාට අලුත් අමුත්තා අලුත් විදිහට දැක ගැනීමේ අත්දැකීම ලබා දීමටයි. නැත්නම් මුලින්ම මාධ්‍යයන්ට නිරාවරනය වන නිසා දරුවන්ට මේ නැවුම් අත්දැකීම නොලැබෙන බව ඇගේ අදහස වී තිබුණා.
ඒත් අදහස වෙනස් වුණා. 2018 වසරේ අප්‍රෙල් 23 වැනි දින ලන්ඩන් නගරයේ ශාන්ත මේරි රෝහලේදී කේට් කුමරිය තෙවැනි දරු ප්‍රසුතිය සිදු කලා. ඔහු පුතෙක්. අම්මාත් පුතාත් සෞඛ්‍ය තත්වයෙන් පසු වෙන බව රෝහල් ආරංචි මාර්ග වෙතින් පනිවිඩ ලබා දුන්නා. පුත් කුමරාගේ උපත් බර රාත්තල් අටකුත් අවුන්ස හතක් බවත් වාර්තා වෙනවා.
අලුත් සාමාජිකයාගේ රජ පවුලේ පස්වැනි උරුමයයි. 2013 වසරේ හඳුන්වා දෙන ලද නෛතික වෙනස්කම් අනුව ගැහැණු දරුවන්ටත් රාජ්‍යත්වය වෙනුවෙන් පෙලගැසීමට අයිතිය තිබෙනවා. ඉස්සර මේ අයිතිය තිබුනේ එම පවුලේ පිරිමි දරුවන් නොසිටියොත් එම පවුලේ සිටින ගැහැණු දරුවාටයි. දැන් පෝලිමේ පිලිවෙලට රජකම ලැබෙනවා. ඒ අනුව චාර්ලට් කුමරිය රජ පුරුකේ හතරවැන්නිය වන අතර අලුත් අමුත්තා පස්වැනි උරුමයයි. රජපැටියාට තවමත් නමක් යතබා නැහැ. ඒත් නම් කීපයක් යෝජනා වී තිබෙනවා. ආතර්, ඇල්බට්, ෆෙඩ්රික්, පිලිප් සහ ජෝර්ජ් ඒ නම් අතරට එක්ව තිබෙනවා.
රජපවුලට පුතෙක් ලැබීම ගැන බොහෝ දෙනා සතුටට පත්ව සිටින මොහොතක බ්‍රිතාන්‍ය අගමැතිනි තෙරේසා මේ සහ ලන්ඩන් නගරාධිපති විසින් කේම්බ්‍රිජ් ආදිපාද කේට් කුමරියට සහ විලියම් කුමරාට සුබපැතුම් එක් කරමින් නිවේදන නිකුත් කර තිබෙනවා.
