නින්දට පෙර ගත යුතු ආහාර

foods-which-are-eat-before-a-sleep

එක හුස්මට නින්ද යනවා නම් ඒ තරම් සැපයක් සුවයක් තවත් නැහැ. විවිධ හේතුන් නිසා නින්ද නොයන තැනට අපි පත් වෙනවා. ඒත් අපි නින්දට පෙරාතුව ලබා ගන්නා ආහාර මගින් සුවදායක නින්දක් ලබා ගැනීම එතරම් අපහසුවක් වෙන එකක් නැහැ. අම්මා විදිහට ඔබට පවුලේ රාත්‍රි ආහාර අතරට මේ දේවල් එකතු කර ගැනීමත් ලොකු ප්‍රාතිහාර්යක් නොවෙයි.

සැමන් මේද අම්ල බහුල ආාහරයක්. සැමන්වල අඩංගු  විටමින් බී6 මෙ‍ලටොනින් උත්තේජනයට හිතකර තත්වයක් ඇති කරනවා. අපි ගැඹුරු නින්දට පත් කිරීමට උපකාරී වෙන මෙම හෝර්මෝනය නිදහස් කිරීමේ හැකියාව නිසා රාත්‍රි ආහාරයට සැමන් එකතු කිරීම වඩාත් හොඳයි. බත් වලට වගේම පාන්, රොටී , ඉදිආප්ප වැනි කුමන ආහාරයට වුනත් සැමන් හොදටෝම ගැලපෙනවා. දිනපතා සැමන් ආහාරයට ගැනීමෙන් විටිමින් “ඩී” උපයා ගන්නත් පුලුවන්. ඒ විතරක් නොවයි, සැමන් ආහාරයට ගැනීමෙන් මානසික ආතතිය දුරු වෙලා සැහැල්ලු සිතින් ජීවිත්වීමේ හැකියාව ඇති වෙනවා. සැමන් ආහාරයට ගැනීම නිසා වෙනත් ආහාරයන්ට සාපේක්ෂව නින්ද ලැබෙන කාලය විනාඩි 10 කින් ඉක්මන් කරන බව හදුනාගෙන තිබෙනවා.

කෙසෙල්

පොටෑසියම් බහුල කෙසෙල් අපේ සාමාන්‍ය අතුරුපස අතරට නිතරම එක් වෙන පළතුරක්. රාත්‍රි ආහාරයෙන් පසුව වූ අතුරුපසට ඔබ කෙසෙල් එක් කරන්න අමතක කරන්න එපා. මැග්නීසියම් අඩංගු නිසා මාංශපේශි සැහැල්ලු වීමත් සුවදායක නින්දට හේතු වෙනවා. සමහර දරුවන් කෙසෙල් කෑමට අකමැතියි. ඒ වගේ අවස්තාවලදී පළතුරු සලාදයක් විදිහට හෝ කෙසෙල්පෙති කපල චොකලට් , ප්ලම්ස් එකතු කරල දෙන්න පුලුවනි.

ඖෂධීය තේ

රාත්‍රි ආහාරයට පෙරාතුව ඖෂධීය තේ පානයත් සැප නින්දකට හේතු වෙනවා. හැබැයි කළු තේ සහ ග්‍රින් තේ නින්දට ආසන්නයේදී පානය කරන්න එපා. ඒ වෙනුවෙන් යෝග්‍ය වෙන්නේ මින්ට්, ලැවැන්ඩර්, කැමොමයිල් වැනි ඖෂධීය තේ වර්ගයි.

ධාන්‍ය

ඕනෑම ධාන්‍ය වර්ගයක මැග්නීසියම් අඩංගුයි. සුවදායක නින්නදට මැග්නීසියම් විශාල මෙහෙයක් කරනවා. ඒ නිසා රාත්‍රි ආහාරයට වුනත් ධාන්‍ය එක් කර ගැනීමට කිසිම බාධාවක් නැහැ. කඩල, කව්පි, වැනි දේ රාත්‍රියට ගත්තා කියල බාධාවක් නැහැ.

යෝගට්

සුවදායක නින්දක් නොලැබීමට අපේ සිරුරේ විවිධ පෝෂණ ඌනතාවයන් බලපානවා. කැල්සියම් අෟනතාවයත් එක් හේතුවක්. ඒ නිසා රාත්‍රි නින්දට පෙරාතුව යොගට් එක්ක ආහාරයට ගන්න. කිරි වීදුරුවක් වුනත් පානය කිරීමට පුලුවනි.

චෙරි යුෂ

චෙරි නින්දට ගුණ ලබා දෙන පළතුරක්. මෙලටොනින් උත්තේජනය කිරීමේ හැකියාව චෙරිවල තිබෙනවා. ඒ නිසා නින්දට පෙර චෙරි යුෂ මිලිලීටර් 250 ක් පමණ පානය කිරීම වඩාත් ගුණ ලබා දීමට පුලුවන් බව වෛද්‍ය විශේෂඥයින්ගේ අදහසයි. ඔබට යුෂ පිළියෙල කර ගැනීමට හැකියාවක් නැත්නම් චෙරි ගෙඩි විදිහට වුනත් රාත්‍රි නින්දට පෙරාතුව ආහාරයට ගන්න පුලුවනි.

වොල්නට්

මැග්නීසියම්, පොස්පරස් සහ ඔමේගා 3 බහුලව ඇති වොල්නට් හදවත නීරෝගී කිරීමේ ශක්තියෙන් යුක්ත පලතුරකි. අහිතකර කොලස්ටරෝල් මට්ටම අඩු කිරීමේ ශක්තිය ඇති වොල්නට් හෘදයාබාධයන්ගෙන් ආරක්ෂාව ලබා දීමේ හැකියාවෙන් යුක්ත පළතුරකි.වොල්නට් මගින් නිදි පුරුදු ප්‍රවර්ධනය කරන අතර එහි අන්තර්ගත මෙලෙටොනින් රාත්‍රිය පුරා සුවදායක නින්දක් ලබා දීමේ හැකියාව ඇති කරයි.

කිවි

අඩු කැලරි ශක්තියක් ඇති කිවි පළතුරකින් දිනපතා අවශ්‍ය විටමින් “සි” ඉතා පහසුවෙන් උපයා ගත හැකිය. තන්තු බහුල නිසාම ජීරණ ක්‍රියාවලියට හිතරක අතර ඉහල ප්‍රතිශතයකින් යුක්ත තන්තු සහ කැරොටොයිඩ නිසා ප්‍රතිඔක්සිකාරක ශක්තිය සිරුරට ලබා දෙනු ඇත.නින්දට පෙරාතුව කිවි ගෙඩියක් ආහාරයට ගැනීම සුවදායක නින්දට හේතු වෙන බව පර්යේෂණ මගින්ද සනාථ වී තිබේ.

ආමන්ඩ්

පොස්පරස්, මැන්ගනීස්, සහ රයිබොප්ලේවින් අන්තර්ගත ආමන්ඩ් මගින් දියවැඩියාව සහ හෘද රෝග වෙනුවෙන් පහසු ආරක්සාවක් ලබා ගත හැකියි. මෙල‍ටොනින් හෝර්මෝනය උත්තේජනය කරන නිසා සුවදායක නින්දක් ලබා ගැනීමට ආමන්ඩ් ඉතා හිතකර පළතුරකි.

Best Foods to Eat Before Bed ලිපිය ඇසුරින්

 

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here