2016 වසරේ ජූලි 17 වැනි දා “නතාෂා එඩ්නන් ලැපරෝස්” තම පියා සමග හීත්රෝ ගුවන්තොටුපොලට පැමිනියේ කෙටි නිවාඩුවක් වෙනුවෙන් ප්‍රංශයේ “නීස්” නගරයට යෑම වෙනුවෙන්. මේ වෙන විට නතාෂාගේ වයස අවුරුදු 15 යි. පුංචි වයසට මොනවා හෝ දෙයක් හපන්න තිබෙන සාමාන්‍ය ළමා ලෝකයේ ගති පුරුදු ඇයගෙන්ද ඉවත්ව ගියේ නැහැ.
හීත්රූ ගුවන්තොටුපොලේ පිහිටි “ප්‍රීට්” ආපනශාලාවකින් ඇය පාන් බගට් එකක් මිළට ගත්තා. මේ බගට් එක ඇතුලේ “තල ඇට” තිබුනත් ඇය ඒ බව දුටුවේ නැහැ. නතාෂා තල වෙනුවෙන් ආසාත්මිකතාවයක් දක්වන දැරියක්. පාන් බගට්ටුව පිටතින් තල ඇට නොතිබුන නිසා ඇය කිසිම සැකැක් නැතුව මෙය ආහාරයට ගත්තා.
අපි අතරත් එකිනෙක ආහාර වෙනුවෙන් ආසාත්මිකතාවයන් දක්වන තත්වයන් තිබෙනවා. බොහෝ දරුවන් රටකජු, බිත්තර, අන්නාසි වැනි විවිධ ආහාරවලට ආසාත්මිකතාවයක් දක්වනවා. මේ ආහාර නිසා කැසීම, ඉදිමුම, වමනය වැනි තත්වයන් පමණක් නොව හුස්ම ගැනීමේ අපහසුතාවය වැනි තත්වයන්ද ඇති වෙන්න පුලුවනි. ඒ නිසා ආහාරයට පෙරාතුව ඒ ගැන දැනගැනීමට නම් ඒ පිලිබඳව ඇසුරුමේ සටහන්ව තිබීම ඉතාම වැදගත් බවයි.
මෙම මරණ පරීක්ෂන වාර්තාවට අනුව තීන්දු වුනේ එම බ්‍රෙඩ් නගට්ටුවේ ඇතුලත් සෙසමි සීඩ් හෙවත් තල ඇට ආසාත්මික තාවයෙන් මෙම මරණය සිදු වුන බවයි. එහි බරපතල චෝදනාව වන්නේ ඇසුරුමේ මෙම නිෂ්පාදනයේ අඩංගු දේ සටහන්ව නොතිබීමයි. ප්‍රිට් ආයතනයට එරෙහිව නීති මගින් කටයුතු කිරීමට තීන්දු වුනා. ඒත් මේ ආයතනය නිදහසට කරුණු ඉදිරිපත් කරමින් කියා සිටියේ ආහාර මිලට ගැනීමට පෙරාතුව එහි ඇතුලත තිබෙන දේ ගැන විමසා දැනගැනීමේ අයිතිය පාරිභෝගිකයන්ට තිබෙන නිසා මේ ගැන කල්තබා විමසා සිටියා නම් දැරිය මේ අවාසනාවන්ත ඉරණමට පත් නොවන බව කියා සිටියා.
ඔබ ආහාර ගැනීමේදී ඇසුරුමේ එම ආහාරයේ අඩංගු දේ සටහන්ව තිබීම වගේම ඇසුරුම සුරක්ෂිතව තිබීමත් වැදගත්. ඇසුරුම බිදී හෝ ඉරී ඇත්නම් එවන් ආහාර මිළට ගැනීමෙන් වලකින්න. කිරි සහ මස් එකට ගබඩා කර තිබෙනවානම් එවන් ස්ථානවලින් මිලට ගන්නා ආහාර පිලිබඳව සුරක්ෂිතතාවයක් නැහැ.
නිතරම මස් ගබඩා කළ යුතු වන්නේ අධි ශීතකරණයකයි. මේ අන්දමින් ගබඩා කර තිබෙන මස් මිළට ගැනීමේදී ඉහලින්ම සහ බිත්ති අසල තිබෙන මස් හෝ වෙනත් ආහාර වර්ග තෝරා ගන්න එපා. මස් වලින් ඇමෝනියා ගන්ධයක් යාන්තමින් හෝ දැනෙනවා නම් ඒවා මිලට නොගෙන සිටීම විතරක් නොවෙයි, අදාල ආයතනයටත් ඒ බව දන්වා සිටින්න. එසේ නොවුනොත් ඔබ මිලදී නොගත්තත් වෙනත් කෙනෙක් විසින් මෙම මස් / මාළු වර්ග මිළට ගත හැකියි. ඒවා ආහාරයට ගැනීමට සුදුසු නැහැ.
නිවසට ගෙනැවිත් අධි ශීතකරන කොටසේ තබන මස් වර්ගවලින් එදා ආහාරය පිණිස ගන්නේ සුලු කොටසක් විය හැකියි. ඉතිරි කොටස ශිතල ඉවත් වුන පසුව නැවත ශීතකරනයේ තබන පුරුද්ද ඔබටත් ඇති නමුත් මෙය එතරම් සෞඛ්‍යාරක්ෂිත නැත. ඒ නිසා කොටස් ලෙසින් මස් වෙන් වෙන්ව තැන්පත් කර අවශ්‍ය වේලාවට අදාල කොටස ගෙන පිළියෙල කරගන්න.
ඔබේ දරුවන් තුළත් මෙවැනි පුරුදු ඇති .විශේෂයෙන් සුපිරි වෙළඳසැලකදී දරුවන් බිළ ගෙවීමටත් පෙරාතුව ශිතකළ ආහාර එසැනින්ම කටට ඔබා ගන්නා පුරුදුවලට හුරුවී ඇති. ඒත් මේ නිසා මුඛයේ සංවේදී සෛල විනාශ වෙනවා. ස්නායුවලටත් බලපෑමක් ඇති වෙන්න පුලුවනි. ඒ නිසා ශීත කරන ලද ආහාර වුනත් අනුභව කිරීමට පෙරාතුව ඒ වෙනුවෙනුත් පිළිවෙලක් අවශ්‍ය වෙනවා.
ඉතින් අම්මා තාත්තා විදිහට ආරක්ෂිත නොවන විදිහට ආහාර මිළට ගැනීම මොනතරම් දරුණු ප්‍රතිඵල ගෙන දෙනවාද කියල දැන් ඔබට තේරෙයි. යුරෝපීය ළමා රෝග විශේෂඥයෙකු වන “ස්ටීව් රයන්” පවසන ආකාරයට දෙමව්පියන් විදිහට අනාරක්ෂිත ආහාර පුරුදු නිසා නිසාම වර්තමාන පරම්පරාව තමන්ගේ දරුවන්ගේ සොහොන් කොත්වල පහන් දල්වන දෙමවුපියන් බවට පත්ව සිටින බවයි.
