- Advertisement -

දරුවෙක් මිටි වෙන්න බලපෑ හැකි මේ හේතු ඔබ දන්නවාද?

-

මව්පිය ආරයට දැරුවන් ද ගමන් කළද ඇතැම් අවස්ථාවන්හිදී ඉන් ඔබ්බට පෙන්නුම් කරන ලක්ෂණ දරුවන් තුළින් දැක ගත හැකි වේ. මිටි බව එවැනි තත්ත්වයකි. දරුවෙකු මිටි බවට පත්වීමට හේතු විය හැකි රෝග තත්ත්වයන් 14 ක් පිළිබඳව අපි දැනුවත් වෙමු.

ක්වොෂියර්තෝර්  (Kwashiorkor)

ප්‍රෝටීන් ඌණතාවයක් නිසා ඇතිවන තීව‍්‍ර මන්දපෝෂණ තත්ත්වයකි. මෙය Oedematous Malnutrion ලෙසද හඳුන්වයි. තරලය රැඳිම නිසා ඉදිමාවන් උදරය, වළලුකර පාදය ආශ‍්‍රිතව දැකිය හැකි අතර ශරීරයේ අනෙක් අවයව කෘශ ස්වභාවයක් ගනී. (emaciated)

ට(ර්)නර් සහලක්‍ෂණය (Turner Syndrome)

- Advertisement -

ලිංගික හෝමෝනවල අසාමාන්‍යතාවයන් නිසා ඇතිවන ජානමය රෝග තත්ත්වයකි. මෙය Monosomy X ලෙසද හඳුන්වයි. X වර්ණ දේහයේ කොටසක් හෝ සම්පූර්ණයෙන් නොමැති වීම මෙහිදී සිදුවේ. කාන්තාවන් තුළ පමණක් ඇති වන තත්ත්වයකි. අත් හා පාද ඉදිමීම, කන් පහළින් පිහිටීම, තරබාරු බව, අඩවන් වූ ඇසිපිය, පැතලි පතුල ලක්‍ෂණ ලෙස දැකිය හැක.

වර්ධන හෝමෝනයේ ඌණතාවයන්

පිටියුටිරි ග‍්‍රන්ථියේ වර්ධන හෝමෝනය ප‍්‍රමාණවත් ලෙස ශ‍්‍රාවය නොවීම නිසා ඇතිවේ.

සංජානීය හෘද රෝග (Congenital Heart Disease)

උපතේ සිටම දැකිය හැකි හෘදයේ ඇතිවන අසාමාන්‍යතාවයකි. හෘද බිත්තියේ, හෘදයේ කපාට හෝ රුධිර වාහිනීවල ඇතිවිය හැක.

Achondroplasia

අස්ථිවල වර්ධනයේදී ඇතිවන අසාමාන්‍ය තත්ත්වයකි. වයස හා ස්ත‍්‍රී පුරුෂ භාවයට නියමිත ප‍්‍රමාණය වඩා අඩුවෙන් අස්ථි වර්ධනයක් පවතී. කෙටි අත් හා පාද විශේෂයෙන් ශරීරයේ උස හා සංසන්දනයේදී අතේ ඉහළ බාහුව හා කලව කෙටිවීම, අත්වල මුදු ඇඟිල්ල හා මැඳගිල්ල කෙටි වීමද මෙහිදී දැකිය හැකිය. ශරීරයට වඩා විශාල හිසත් අසාමාන්‍ය ලෙස විශාල නළලත් ආදී ලක්‍ෂණද  දැකිය හැක.

මන්ද පරාභතාවය (Hypothyrodism)

ශරීරයට ප‍්‍රමාණවත් තරම් තයිරොයිඞ් හෝමෝන නිපදවීම සිදු නොවේ. මෙම හෝමෝන නිසි පරිදි නොතිබීමෙන් ශරීරයේ පද්ධතිවල ස්වභාවික ක‍්‍රියාකාරීත්වය මන්දගාමී වේ. මෙහි ලක්‍ෂණ පුද්ගලයාගෙන් පුද්ගලයාට වෙනස් වේ. රෝග තත්ත්වයේ තීව‍්‍රතාවය අනුව ලක්‍ෂණ ඇතිවේ. තෙහෙට්ටුව, මළ බද්ධය, අවපීඩනය, සීතල දැනීම, වියළි සම, බර වැඩිවීම, පේශී දුර්වල වීම ආදී ලක්‍ෂණ ඇති වේ.

Rickets

විටමින් D කැල්සියම් හෝ පොස්පේට්වල ඌණතාවයක් නිසා ඇති වේ. මෙම සංඝටක අස්ථි ශක්තිමත් හා නිරෝගී වීමට වැදගත් වේ. මෙම රෝග තත්ත්වය ඇති පුද්ගලයන්ගේ දුර්වල, මෘදු අස්ථි දැකිය හැක. අත්, පාද, ශ්‍රෝණියේ හා සුෂුම්නාවේ අස්ථිවල වේදනාව, අස්ථි බිදීම්, මිටි සිරුර, දත්වල ආබාධ, පේශී පෙරලීම ආදිය ඇති වේ.

 Fanconi Aíemia

ඇට මිඳුළුවල ඇතිවන ආබාධිත තත්ත්වයකි. මෙහිදී රතු රුධිරානු, සුදු රුධිරානු හා රුධිර පට්ටිකා මිය යාම වෙනුවෙන් අලුත් සෛල නිෂ්පාදනය වීමත් සිදු නොවේ. උපතේ සිටම අස්ථි ආබාධ, ඇසේ ආබාධ, කනේ ආබාධ, සම අවපැහැවීම, වකුගඩු නොමැතිව ඉපදවීම ආදී ලක්‍ෂණ ඇති වේ.

Brittle Bone Disease

පහසුවෙන් බිඳෙන සුළු අස්ථි ඇති වේ. මෙම රෝගය සඳහා පවුල් ඉතිහාසයක් ඇති ළමුන්ට රෝග තත්ත්වය ඇති වීමේ අවධානම පවතී. කන් ඇසීම නොමැති වීම, හෘද අකරණීය, සුෂුම්නා රජ්ජුවේ ආබාධ ආදී ලක්‍ෂණ ඇති වේ.

Juvenile Idiopathic Arthritis

තරුණ කාලයේදී හේතුවක් නොමැතිව සන්ධි ආබාධ ඇති වේ. සන්ධිවල තද ගතිය, ඉදිමුම හා  වේදනාව ඇති වේ. මෙයට හේතුවක් තවමත් නොදන්නා නමුදු පර්යේෂණවලින් මෙය Auto Immunity Disease බව හඳුනාගෙන ඇත. ප‍්‍රතිශක්ති පද්ධතියට නිරෝගී සෛල හා ශරීරයට අහිතකර බැක්ටීරියා, වයිරස ආදිය වෙන්කර හඳුනාගැනීමට නොහැකි වේ. මෙම හේතුව නිසා ප‍්‍රතිශක්ති පද්ධතිය වැරදීමකින් හානිකර නොවන සෛල දරුණු ආක‍්‍රමණිකයන් ලෙස සලකා පහර දෙයි. මෙහිදී ප‍්‍රතිශක්ති පද්ධතිය මගින් Cytokines නම් රසයානිකයක් ප‍්‍රධාන ලෙස නිදහස් කරන අතර එමගින් ශරීරයේ නිරෝගී සෛලවලට හානි කරයි. මෙමගින් සන්ධිවල ප‍්‍රදාහයක්, වේදනාවක් ඇති වේ.

Hypogonadism

ලිංගික ග‍්‍රන්ථීන්ගෙන් ලිංගික හෝමෝන ඉතා සුළු ප‍්‍රමාණයක් ශ‍්‍රාවය වීම හෝ නොවීම නිසා ඇති වේ. කාන්තාවන්ගේ ඩිම්බ කෝෂ හා පිරිමින්ගේ වෘෂණ ලිංගික ග‍්‍රන්ථි වන අතර ඒවා මගින් ශ‍්‍රාවය වන හෝමෝනවලින් ද්විතියික ලිංගික ලක්‍ෂණ පාලනය කරයි.

Acrodysostosis

භ‍්‍රාජකයා සෑදෙන අවස්ථාවේදී ඇතිවන ජානමය විකෘතිතාවයක් නිසා උපතේදී දැකිය හැක.

තැලසිමියාව

රුධිරය හා සම්බන්ධ රෝගයකි. ශරීරය තුළ අසාමාන්‍යව හිමෝග්ලොබින් නිපදවීම නිසා ඇති වේ. හිමොග්ලොබින් යනු ප්‍රෝටීන අණුවක් වන අතර එමගින් ඔක්සිජන් ගෙනයාම සිදු වේ. අධික ලෙස රතු රුධිර සෛල විනාශ වීම නිසා නීරක්තිය තත්ත්වයක් ඇති වේ. තැලිසීමියාව රෝගී දරුවන්ගේ අස්ථි විකෘතිතා (විශේෂයෙන් මුහුණු), වර්ධනය හා සංවර්ධනය ප‍්‍රමාදවීම, අධික ලෙස වෙහෙසකර බව ආදී ලක්‍ෂණ කිහිපයකි.

Adreno Cortical Carcinoma

අධිවෘක්ත බාහිකයේ ඇතිවන පිළිකාමය තත්ත්වයකි. හේතුව නොදනී. මෙය වෙනත් ස්ථානයක ඇති පිළිකා තත්ත්වයකින් ද්වීතියිකව ඇතිවිය හැක. අවු.40-50 අතර අයට හා අවු. 5 අඩු දරුවන්ට ඇතිවිය හැක.

කරාපිටිය ශික්ෂණ රෝහලේ වෛද්‍ය E.M.S. ඒකනායක මහතා සමග සකසන ලද ලිපියකි.

 

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article