- Advertisement -

“සතුට” වැඩදායී දරුවෙක් බිහිකරන්නේ මේ විදියට

-

දරුවෙක් සතුටින් සිටිනවා නම් දෙමව්පියන් විදිහට අපි නොදැනීම ඔවුන්ගේ පෞරෂයේ බොහෝ සංවර්ධනයන් සිද්ධ වෙන්න පුලුවනි. ඒවා අවවාද වලටත්, දඬුවමටත් කළ නොහැකි වගේම දරුවෙකුගේ ජීවිතයට වඩාත් ශක්තිමත් අත්තිවාරමක් වගේම ඔවුන් මනසින් නීරෝගී පුද්ගලයන් බවට පත් වීමටත් හේතු වෙනවා.

සතුටින් සිටින දරුවාගේ මනස නිතරම නිරවුල්…

සතුටින් සිටින විට දරුවාගේ මනස බොහොම නිරවුල්. වැඩිහිටියන් විදිහට අපිටත් එහෙමයි නේ.ඔහුට කිසිම සංකාවක් හෝ ශෝකතුල බවක් නැහැ. දරුවන්ටත් දුක දැනෙ න අවස්ථාවන් නැතුවාම නොවෙයි.

  • දෙමව්පියන්ගේ දුරස් වීම හෝ මව එහෙම නැත්නම් පියාගේ මරණය
  • අපයෝජන
  • ලිංගික අපචාර
- Advertisement -

මව පියාගේ මරණය පාලනය කළ නොහැකි හේතුවක් වුනත් අපයෝජන, දෙමව්පියන් දුරස් වීම සහ ලිංගික අපචාර වැනි කටයුතුවලට දරුවා ගොදුරක් නොවෙන සේ කටයුතු කිරීම අපේ පැත්තෙන් සිදු විය යුත්තක්. ඒ නිසා නිතරම දරුවාගේ ආරක්ෂකයින් විදිහට දෙමව්පියන් ඔවුන් වෙනුවෙන් වගකීමෙන් කටයුතු කිරීම ඉතා වැදගත්. අශ්වයා පැන ගිය පසුව ඉස්තාලය වැසීම කිසි සේත්ම පලක් නැහැ. දරුවා ලිංගික හෝ වෙනත් අපචාරයක ගොදුරක් වුනොත් ඒ පුද්ගලයා මරණ කොටන චේතනාවට වඩා තමන්ගේ දරුවා රැකබලා ගැනීම වැදගත්. එවිට ඔබේ දරුවා නිරවුල් මනාසිකත්වයකින් හෙට දවසට ලෝකයට එක් වේවි.

හොඳ පුරවැසියෙක් බවට පත් වීම…

අතීතයේදී යම් පුද්ගලයෙක් වැරැදි සහගත සේ හැසිරුන විට ඒ තැනැත්තා මුල් කර ගෙන දෙමව්පියන්ට චෝදනා නැගීම සාමාන්‍යයෙන් සිදු වුන දෙයක්. එහි වැරැද්දක් ඇත්තෙත් නැහැ. බාල කාලයේ පටන්ම දරුවාට හොඳ නරක කියා නොදුන් විට ඔවුන් නොමගට යෑමේ ප්‍රවනතාවයක් තිබෙනවා. ඒ නිසා දරුවන්ට යා යුතු මග නොමග කියා දෙන්න. එවිට ඔවුන් අනාගතයේදී ලෝකයටම ආශිර්වාදයක් වේවි.

මූලික පහසුකම් ලබා දෙන්න….

අම්මා තාත්තාට හැකියාව තිබෙනවා නම් ඔවුන් තමන්ගේ දරුවාට අවශ්‍ය හැම පහසුකමක්ම ලබා දෙනවා. එය ඇත්ත. ඒත් සමහර දෙමව්පියන් මේ ගැන වැඩිමනත් සැලකිල්ලක් දක්වන්නේ නැහැ. ආහාරපාන වුනත් එතරම් සැලකිල්ලකින් ලබා දීමට වගේම හැකියාව තිබුනත් දරුවාගේ අවශ්‍යතාවයන් ගැන මුල් තැන නොදෙන අවස්ථාවනුත් තිබෙනවා. පාසලේ වැඩ කටයුතු වෙනුවෙන් අවශ්‍ය අමුද්‍රව්‍ය පවා ඇතැම් දෙමව්පියන්ගෙන් නොදැනීම මග හැරෙනවා. එවන් අවස්ථාවන් නිසා බොහෝ විට දරුවන් අසරණ වෙනවා. පංතියේදී ඉගෙනුම් කටයුතු වෙනුවෙන් අවශ්‍ය දේ නැති වුනාම වගේම සෙසු දරුවන් අතර ඒ දේවල් තිබෙනවා නම් ඔබේ දරුවා එතරනදී නොදැනීම අසරණබවට පත් වෙනවා. ඒ නිසා හිතට ඇති වෙන්නේ තමන් ගැනම අනුකම්පාවක්. පුංචි හිතට මේ වගේ මානසික තත්වයක් ඇති වීම එතරම් හොඳ තත්වයක් නොවෙයි. ඒ නිසා දරුවා සතුටින් තැබීමට නම් ඔබට හැකි අන්දමින් මූලික පහසුකම් ලබා දෙන්න. එසේ නොමැති නම් මේ පහසුකම් සලසා දීමට දෙමව්පියන් විදිහට ඔබ උනන්දුවක් දක්වන බව ඔවුන්ට ඒත්තු ගැනෙන සේ කටයුතු කරන්න.

එලිමහනේ සෙල්ලමට ඉඩ දෙන්න…

දරුවන්ට එලිමහනේ සෙල්ලම්  කිරීමට හැකි හැම විටම ඉඩ දෙන්න. ඒ තරම් සැහැල්ලුවක් දරුවාගේ මනසට තවත් නැහැ. ගස් කොල සෙලවෙන අන්දම, කුරුළු ගී නාදය, ඇල දොල ගලන හඬ මේවා දරුවන්ගේ මනසට මහත් වූ වින්දනාත්මක අත්දැකීම් ලබා දෙන ස්වභාවධර්මයේ දායාදයන් බව අමතක කරන්න එපා. ඒ නිසා අවස්ථාවක් ඇති විකෙවත් එලිමහනට දරුවන් කැටුව ගොස් රිසි සේ දුව පාන ඇවිදීමට අවස්ථාව ඔවුන්ට ලබා දෙන්න.

මිතුරනුත් එපා කියන්න එපා…

වයස අවුරුදු දහතුනක් පමණ වෙන විට දරුවන්ට මිතුරන්ට වඩා හොඳ සමාගමක් නැති වෙන්න පුලුවනි. ඒ නිසා අම්මා, තාත්තා නිතරම දරුවන් සමග සමීපව සිටින අතරම ඔවුන්ටත් මිතුරු සමාගමක් වෙනුවෙන් යම් අවස්ථාවක් ලබා දෙන්න.මිතුරු සමාගමක කටයුතු කරන විට ඔවුන් සහයෝගයෙන් කටයුතු කිරීමට ඉගෙන ගන්නා බැවින් ඔබේ අවධානය යටතේ හෝ මිතුරන් ඇසුරටත් දරුවන්ට ඉඩ දෙන්න. එය දරුවාගේ සතුටට හේතුවක්.

හැම ජන කොටසක් සමගම සහ‍යෝගයෙන්…

අද පාසලක එහෙම නැත්නම් පංතියක හැම ජන කොටසකම දරුවන් එකට ඉගෙන ගන්නා යුගයක්. ඒත් මේ දරුවන්ට මාලයක මුතු ඇට වගේ කිසිදු භේද බින්න  වීමක් නොමැතිව සහජීවනයෙන් කටයුතු කිරීම වැදගත් බැව් පහදා දෙන්න. මෑතකාලයේ ගොඩ නැගී ඇති විවිධ වාද භේද බොහොමයකට හේතුව වී තිබෙන්නේ අපේ හිත් සාමකාමී නොවීමයි. ඒ නිසා බාල කාලයේ පටන්ම දරුවන්ට ඇසුරු කරන අය අතර වර්ගීකරනයන් ගොඩ නගා ගැනීම සුදුසු නොවන කටයුත්තක් බැව් පහදා දෙන්න. එයින් සමාජයේ ජීවත්විය යුත්තේ කෙසේදැයි දරුවා තේරුම් ගනු ඇත.

දරුවා රටේ සම්පතක්…

දරුවා රටේ සම්පතක් බැව් අපේ දෙමව්පියන්ටත් වැටහිමක් නැහැ. එහෙම තිබුනත් ඒ ගැන වැඩි අවධානයක් ලබා දීමටත් දෙමව්පියන් කැමැත්තක් දක්වන්නේ නැහැ. නමුත් දරුවා හෙටට ලෝකයේ වටිනාම සම්පත බැව් ඔවුන්ගේ හදවතට ඒත්තු ගිය දිනකදී තමා වැදගත් යන සංකල්පයෙන් කටයුතු කිරීමට දරුවාගේ හිතේ යම් පෙළඹවීමක් ඇති වෙනවා. ඒ නිසා දරුවා හෙට දවසේ සම්පත බැව් ඔවුන්ට දැනෙන සේ දෙමව්පියන් කටයුතු කිරීම ඉතාම වැදගත්.

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article