- Advertisement -

පුංචි පුතා ඉස්කෝලේ ගිය මුල්ම දවස අදයි…

-

ළදරු පාසලේ පරිසරයෙන් වෙනස් වෙලා අලුත් මිතුරු මිතුරියන් වගේම අලුත් ගුරුතුමියක් සමග එක්කාසු වෙන දවසක් ඇවිත්. අවුරුදු දහතුනක දිගු කාලයක් දැන් පුංචි පැටියා මේ දිනපතා පාසල සමග සම්බන්ධ වෙන්න ඕන. ඉතින් මේ කාලසීමාවේදී ඇති වෙන සහ ගොඩ නැගෙන විවිධ හැලහැප්පීම් දරුවාගේ මානසිකත්වයට වගේම පෞරෂයට තදින්ම බලපාන්න පුලුවනි.

හැබැයි දැන් නම් දිනපතා පාසලේ වුනත් මුල් මාසයක් පමණ කාලයක් ළදරු පාසල් මානසිකත්වයටම ගැලපෙන විදිහට කටයුතු සිද්ධ වෙනවා. සෙල්ලම් ගෙවල්, නෑගම් යෑම වැනි විවිධ ක්‍රියාකාරකම් නිසා දරුවාට පාසලත් බොහොම ආකර්ශණීය විදිහට සැලසුම් කර තිබෙනවා. ඒත් මේ න්‍යායාත්මක කටයුතු අතර ප්‍රායෝගිකව දරුවා විවිධ අර්බූදවලට මුහුණ දෙන්න පුලුවනි.

- Advertisement -
අනවශ්‍ය විදිහට බිය ගන්වන්න එපා…

අද බොහෝ අම්මලා දරුවා දිනපතා පාසලට යෑමට පෙරාතුව පටන්ම ඔවුන්ගේ මනසට ඇතුලු කරන සංකල්පය ‍එතරම් සුදුසු නැහැ. “දැනෙයි…ඉස්කෝලේ ගියාම…මොන්ටිසෝරියේ වගේ හුරතල් නැහැ…අකුරු බැරි වුනොත් වේවැලෙන් තමයි ගහන්නේ…” මේ විදිහට ඇති කරන සංකල්ප නිසා දරුවාගේ හිතේ ඇති වෙන බිය දිනපතා පාසල අප්‍රසන්න පරිසරයක් බවට පත් වීමට හේතුවක් වේවි. ඒ නිසා පාසල රන්දෙවොලක් බවට දරුවාට කියා දීම ඉතාම වැදගත්. ළදරු පාසලේ මානසිකත්වය බලහත්කාරයෙන් වෙනස් කිරීමට යෑම එතරම් සුදුසු නැහැ. දරුවන් ක්‍රමයෙන් දිනපතා පාසලට අනුගත වෙන නිසා එතෙක් ඔබ ඉවසා සිටින්න.

වැසිකිලි කැසිකිලි ප්‍රශ්න…

විශේෂයෙන්ම ළදරු පාසලකට වඩා දිනපතා පාසලක තත්වය වෙනස්. පංති භාර ගුරුතුමියට අවම වශයෙන් දරුවන් හතළිහක්වත් බලා කියා ගැනීමට සිද්ධ වෙනවා. ඒ නිසා ඉහත අන්දමේ අවශ්‍යතාවයන් දරුවන්ට අනිවාර්යෙන්ම අවශ්‍ය වුනත් ඒ අවස්ථාවේදී දරුවාට ඒ වෙනුවෙන් පුහුණුවක් ලබා දීම වැදගත්. ඒ නිසා දෙමව්පියන් විදිහට ඔබ දිනපතා පාසලට ඇතුලු කරන කාලසීමාව වෙත්ම දරුවාට තමන්ගේ හැකියාවෙන් මේ කටයුතු කර ගැනීමට හැකියාව ලබා දීම වැදගත්.

පාසලේ පණිවිඩ…

අලුත්ම පරිසරයකදී වෙනදා වගේ අම්මාට ගුරුතුමිය මුණ ගැහිලා පංති කටයුතු වෙනුවෙන් අවශ්‍ය දේ දැන ගැනීමට බැහැ. පංතියේ පණිවිඩවල සන්නිවේදනකරුවා වෙන්නේ දරුවා පමණයි. එක අතකින් මේ පණිවිඩ දරුවාටම රැගෙන යෑමට කටයුතු සිදු කරන්නේ ඔවුන්ගේ සවන්දීමේ හැකියාවට වගේම ස්ව ශක්තියෙන් කටයුතු කර ගැනීමට පෙරහුරුවක් විදිහටයි. ඒත් දරුවන් හැම දෙනාම එක වගේ නැහැ. ඒ නිසා අම්මා , තාත්තා විදිහට ඔබත් පංතියේ ගුරුතුමිය සමග සන්නිවේදනය ගොඩ නගා ගැනීම වැදගත්. එහෙම නැත්නම් අවශ්‍ය පනිවිඩ දරුවා වෙතින් ගිලිහුනත් ඒ ගැන දැනගැනීමට පුලුවනි.

මේ පණිවිඩ දැනගන්නා බව දරුවාට කියන්න එපා…

හැබැයි පංතියේ ගුරුතුමිය වෙතින් මේ පණිවිඩ ගැන දැනගන්නා බව දරුවාට අඟවන්න එපා. එහෙම වුනොත් ඔවුන් ඒ මත යැ‍පෙනවා මිස නිවරැදි ලෙසින් පණිවිඩ නිවසට ගෙන යෑමට උනන්දු වෙන්නේ නැහැ. ඒත් දරුවාගේ පංතියේ දෙමව්පියන් හෝ ගුරුතුමිය එසේත් නැත්නම් වැඩිමහල් සහෝදරයෙක් ලවා නිවරැදි පනිවිඩය ලබා ගෙන එය දරුවා කියන පනිවිඩය සමග කොතරම් දුරට ගැලපෙනවාදැයි බලන්න. ඔහුගේ අඩුපාඩු එහිදී නිවරැදි කර ගැනීමට වගේම පංතියේ අවශ්‍යතාවයන් දරැවාට ඉටු කර දීමටත් එය හේතුවක් වේවි.

දරුවාගෙන් තොරතුරු අසන්න…ඔහුට සවන් දෙන්න…

අනේ පුදුම යුද්ධයක් කරල හොදම ඉස්කොලේට දා ගත්තා… දැන් ඉතින් හුස්ම ගන්න පුලුවනි… දෙමව්පියන් විදිහට මේ උදාන වාක්‍ය කිව්වත් ඔබට එයින් සැහීමට පත් වෙන්න බැහැ.දරුවා සමග පාසලේ තොරතුරු ගැන විමසන්න… සමහර විට ඔවුන් තොරතෝංචියක් නැතුව යම් යම් දේ දොඩවනු ඇති. නිවසේ තිබෙන වැඩ කටයුතු සමග මේ කතා බහ ගැන උනන්දුවක් නොදක්වා ඉන්න එපා. සමහර විට මේ තොරතුරු අතර යම් වැදගත් හේතු සාධක සැගවී තිබෙන්න පුලුවනි. ඒවා දරුවා හිතේ සිරකර ගෙන තබා ගන්නවාට වඩා ඔබ සමග දොඩමලු වීමෙන් යම් නිදහසක් ලබනු ඇත.

  • සහයෝගය කියා දෙන්න…

එදා දරුවන්ට අම්මා, තාත්තා දුන් උපදේශය වුනේ එක පැන්සල දෙකට කඩා ගෙන හෝ සහයෝගයෙන් කටයුතු කිරීමටයි. ඒත් අද දරුවාට කියන්නේ ” මේවා කාටවත් දෙන්න එපා…” යන උපදේශයයි.ඒත් සමහර අමුද්‍රව්‍ය පංතියට යවන විට වැඩිමනත් දේ ඇතනම් ඒවා නැති අයෙකුට දෙන ලෙසට උපදෙස් දෙන්න. ඉරටු කූරු වැනි දේ සමහර දරුවන්ට සොයා ගැනීමට අපහසු ඇති. ඒත් ඔබගේ දරුවාට මේවා වැඩිපුර ලබා දීමට පුලුවන් නම් එයින් කොටසක් නැති අයෙකුට දෙන්නට උපදෙස් දෙන්න. ඔවුන් සහයෝගය ඉගෙන ගන්නේ එවිටයි.

සහයෝගය කියා දෙන්න…

එදා දරුවන්ට අම්මා, තාත්තා දුන් උපදේශය වුනේ එක පැන්සල දෙකට කඩා ගෙන හෝ සහයෝගයෙන් කටයුතු කිරීමටයි. ඒත් අද දරුවාට කියන්නේ “මේවා කාටවත් දෙන්න එපා…” යන උපදේශයයි. ඒත් සමහර අමුද්‍රව්‍ය පංතියට යවන විට වැඩිමනත් දේ ඇතනම් ඒවා නැති අයෙකුට දෙන ලෙසට උපදෙස් දෙන්න. ඉරටු කූරු වැනි දේ සමහර දරුවන්ට සොයා ගැනීමට අපහසු ඇති. ඒත් ඔබගේ දරුවාට මේවා වැඩිපුර ලබා දීමට පුලුවන් නම් එයින් කොටසක් නැති අයෙකුට දෙන්නට උපදෙස් දෙන්න. ඔවුන් සහයෝගය ඉගෙන ගන්නේ එවිටයි.

තමන්ගේ දේ පරිස්සම් කර ගැනීමත් වැදගත්…

ළදරු පාසලේදී මෙන් නොව  දැන් දරුවා භාරයේත් යම් යම් සම්පත් තිබෙනවා. මේවායේ ආරක්ෂාව දරුවා විසින්ම සලසා ගැනීමේ වගකීම ඔවුන්ට බාර ගත යුතු කාලය ඇවිත්. දරුවා වගකීම ඉගෙන ගන්නේද එවිටයි. ඒ නිසා පොත් පත් පැන්සල්, පාට කූරු ආදිය පරිස්සමින් පාවිච්චි කිරීමට වගේම, නැවත නිවසට ගෙන ඒමේ අවශ්‍යතාවය දරුවාට කියා දෙන්න.

දරුවාගේ බිඳ වැටීම සුලුපටු නැහැ…

දිනපතා පාසලේ පරිසරය නිසා දරුවා ඒ මුල් කර ගෙන යම් පසුබෑමක් සහ මානසික ගැටුමක් ඇති වුනොත් එය එතරම් පහසු කටයුත්තක් ‍නොවේ. පාසල් යන්න බැරිය කියන තැනට පත් වීමට වෙනත් විකල්ප සෙවීම පහසු නැත. පාසල් යන්නට බැහැ කියන තැනට පත් වුන විට දිනපතා පාසලේ ඉගෙනුම් කටයුතු අතර ඔහු පසුගාමී තත්වයට පත් වීමට ඉඩ ඇත. ඒ වගේම තමාගේ මනසට අප්‍රසන්න පරිසරය වෙත යෑමට දක්වන මැලි කමත්, ඒ වෙනුවෙන් දෙමව්පියන්ගෙන් ලැබෙන පීඩනයත් දරුවාට දරා ගැනීමට අපහසු වෙනවා පමණක් නොව ඒ මුල් කර ගෙන දරුවාද මනසින් රෝගී වීමටත් ඉඩ තිබෙනවා.

ඒ නිසා පුංචි පුතා ඉ‍ස්කොලේ යන මුල් දවසට පෙරාතුව පටන්ම මව්පියන් ඒ වෙනුවෙන් දරුවාගේ මනස හුරු කිරීම ඉතාම වැදගත්.

LEAVE A REPLY

SUBSCRIBE කරන්න ⇢

165,796FansLike
12,900SubscribersSubscribe
- Advertisement -
- Advertisement -

More article