විටමින් C පවුලටම ආරක්ෂාවට

පැටව් විටමින් C පෙති කන්න හරිම හපන්නු. එයින් දිවට දැනෙන මිහිරි රසයට ඔවුන් බොහොම ප්‍රියයි. විටමින් C මුත්‍රා මගින් පිටවෙන නිසා පොඩි අයට ඒ තරම් ලොකු බලපෑමක් ඇති කරන්නේ නැහැ. ඒත් කරල් පෙති මත යැපෙන්නේ නැතුව ආහාර මගින් විටමින් C උපයා ගැනීමට අපට තිබෙන අවස්ථාවන් අමතක කරන්න එපා.

හැබැයි ඔබට විටමින් C ගැන බොහොම හොඳ දැනුමක් තිබෙනවා. උදාහරණයක් විදිහට විටමින් C අන්තර්ගත පලතුරු මොනවාදැයි ඇහුවොත් දෙහි, දොඩම්, නාරං යන ලැයිස්තුවක්ම ඉදිරිපත් කරාවි. ඒ සියල්ලම ඇත්ත. නමුත් ඔබ විටමින් C මගින් පොඩි පැටියාට ලබා දෙන්න පුළුවන් නිරෝගීතාවයේ අත්වැල ගැනත් දැන සිටියොත් හොදයි..

විටමින් C ප්‍රතිශ්‍යාවට ගුණයි. මේ ගැන පුංචි පැටව් හොඳින්ම දන්නා නිසා ඔවුන් බොරුවටත් විටමින් C ඉල්ලා සිටින බව ඔබත් දන්නවා නේ. ඒක ඇත්ත. දැනට පවත්වා ඇති අධ්‍යයනයන් මගින් හඳුනා ගත් අන්දමට රෝග ලක්ෂණ පහළ වූ සැනින්ම දිනකට විටමින් C මිලිග්‍රෑම් 1000 සිට 6000 ක් අතර මාත්‍රාවක් ගත්තොත් ප්‍රතිශ්‍යාව පවතින කාලය 21% කින් අඩුකර ගැනීමට හැකියාවක් තිබෙනවා.

තුවාල සුව වෙන්න…

තුවාල ගැන නම් ඉතින් කියල අවසානයක් නැහැ. පාසල් යන වයසේදී විතරක් නොවෙයි, ළදරුපාසල් යන්න පටන්ගත් තැන පටන්ම ඔන්න වැටිලා, හීරිලා තුවාල ඉවරයක් නැහැ. සමහර විට මේ තුවාල පැසවලා පුංචි පැටියාට ලොකු වේදනාවක් වගේම අපහසුතාවයක් ඇති කරන්නත් පුළුවන්. ඒ නිසා මේ නිසා විටමින් C ගැන වැඩි අවධානයක් දක්වන්න පුළුවනි. විටමින් C වල තුවාල සුවපත් කිරීමේ හැකියාවක් තිබෙනවා. ඒ මෙහෙමයි. විටමින් C මගින් සියුම් රුධිර නහර ශක්තිමත් කරනවා. ඒ නිසා පැසවීමේ ක්‍රියාවලියට අවස්ථාවක් නොදී තුවාලය ඉක්මනින් සුවපත් කරනවා. ඒ නිසා කෙළවරක් නැතුව තුවාල කර ගන්නා පැටියාගේ තුවාල ඉක්මනින් සුවපත් කර ගැනීමට නම් විටමින් C වටිනා මෙහෙයක් ඉටු කරනවා.

විදුරුමස් රෝග..

”දත් කැකුළු පාලා” කිව්වට අද පුංචි පැටියන්ගේ දත් රෝග ගැන වාර්තාවන් බොහොමයක් ලැබෙනවා. කැකුළු දත් ආරක්ෂා කර ගත්තේ නැත්නම් එයින් ඇති වෙන ප්‍රතිඵල අනාගතයට බලපානවා. ලස්සන දත් දෙපෙලක් අහිමි වුනාම සමාජයේදී ඇති වෙන විවිධ ප්‍රශ්න නිසා දරුවා අසරණ වෙන්න පුළුවන්. ඒ නිසා දත් ආරක්ෂා කර ගැනීමට නම් පුංචි පැටියාගේ විදුරුමස් ගැනත් දෙමව්පියන්ගේ අවධානය වැඩිපුර යොමු කළ යුතුයි. ඒ නිසා විදුරුමස ආරක්ෂාවට විටමින් C අඩංගු අහාර වගේම විටමින් C කුඩු කර ගෙන ඒ කුඩුවලින් විදුරුමස මැදීමත් හොඳයි. ඔන්න අම්මලාට ඉතිං පුංචි පැටියාගේ විදුරුමස මදින්න විටමින් C පෙත්තක් සහය ලබා ගන්න පුළුවනි

කොලස්ටරෝල්…

”අනේ මේ කිරි දරුවන්ට කොහෙද කොලස්ටරෝල්…” ඔබ එහෙම හිතනවා නම් වැරදියි. අද දරුවන්ට ලැබෙන ආහාර වගේම ඔවුන්ගේ අලස සහ කිසිම ක්‍රියාකාරීත්වයක්, ක්‍රියාශීලීත්වයක් නැති ජීවිත නිසා කොලස්ටරෝල් ඇති වෙන අවදානම වයස අවුරුදු දහ දොළහ වෙද්දී වුනත් ඇති වෙන්න පුළුවන්. ඒ කියන්නේ වයස අවුරුදු දහයක් වෙද්දී කොලස්ටරෝල් ඇති වෙනවා කියන එක හෙම නොවෙයි. අපේ ජීවන රටාව නිසා බොහොම ඉක්මනින්ම කොලස්ටරෝල් වැලඳෙන අවදානම තිබෙනවා කියන එකයි.

විටමින් C කොහොමද විසඳුම් දෙන්නේ…

හදවත් රෝග වෙනුවෙන් එල්.ඩී. එල් හෙවත් අහිතකර කොලස්ටරෝල් මගින් ඇති වෙන බලපෑම බොහොම ඉහළයි. ඒ වුනත් විටමින් C මගින් එල්.ඩී. එල් හෙවත් අහිතකර කොලස්ටරෝල් සඳහා ලබා දෙන ඔක්සිකරණ ආරක්ෂාව නිසා මේ තත්ත්වයෙන් අහිතකර බලපෑම් ඇති කරන්නේ නැහැ. කොලස්ටරෝල්වලත් හිතකර හෙවත් එච්. ඩී. එල් යනුවෙන් හැදින්වෙන විශේෂයකුත් තිබෙනවා. විටමින් C මගින් මේ හිතකර කොලස්ටරෝල් මටට්ම හිතකර විදිහටම තබා ගෙන හදවත් රෝගවලින් ආරක්ෂාවට වඩාත් හොඳ සහයෝගයක් ලැබෙනවා.

පිළිකා

”පිළිකාවට වයසක් ඇත්තේ නැහැ. අද මට නම් හෙට ඔබට” කියන තරමටම පිළිකා රෝගයේ ගොදුරක් වීමේ අවස්තාව කොතැනද කියල නැහැ. නමුත් විටමින් C ඔක්සිකාරකයක් විදිහට කටයුතු කරන නිසා නිදහස් ඛණ්ඩ හෙවත් free radicals මගින් සිදු වෙන හානියෙන් ඔබේ දරුවා විතරක් නොවෙයි, පවුලම ආරක්ෂා වෙනවා.

Reader’s digest

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here