නිර්මානශීලි දරුවෙකුගේ ලක්ෂණ

දරුවෙකුගේ නිර්මානශීලීත්වය දෙමව්පියන් විදිහට ඔබටම අත්දකින්න පුලුවනි. නමුත් සමහර දරුවන් නිර්මාශීලී වුනත් ඔවුන් ඒවා ප්‍රදර්ශනය කරන්නේ නැහැ. සමහර දරුවන් යාන්තමින් හිටවැටෙන වයසේ පටන්ම තමන්ගේ අපුරු නිර්මානශීලී හැකියාවන් ප්‍රදර්ශනය කරනවා. ඒ වග්ම දරුවාගේ නිර්මානශීලීත්වය ගැන ඔබට දරුවාගේ හැසිරීමෙන්ම යම් යම් ඉගි ලබා ගන්න පුලුවනි.

  • මට එය කළ හැකියි

නිර්මානශීලී දරුවාගේ ආත්ම ශක්තිය ඉතාම ප්‍රබලයි.පුංචි කාලයේ පටන්ම නිර්මානශීලී දරුවාගේ ආත්ම ශක්තිය ප්‍රබලයි. සමහර විට ඔබට දරුවාගේ මේ වගේ වචන ඇහෙන්න පුලුවනි. බබාට පුලුවනි..බබාට දෙන්න…මේ අන්දමින් දරුවාගෙන් ප්‍රකාශිත වචන මගින් පෙනෙන්නේ ඔහුගේ ආත්ම ශක්තියයි. ඒ නිසා දරුවා මට පුලුවන් කියන විටෙකදී නෑ නෑ ඒක ඔයාට කරන්න දෙන්න බැහැ කියලා දරුවාගේ හැකියාවන් නිශේධනය කරන්නඑපා.යම් විදිහකින් එය දරුවාට අවදානම් නම් ඒ අවදානම ගැනත් පැහැදිලි කර දෙන්න.

  • චරිත ලක්ෂණ සෘජුයි

නිර්මානශීලී දරුවාගේ චරිත ලක්ෂණ ඉතාම සෘජුයි. චංචල ගති පැවැතුම් දකින්න නැහැ. සාමාන්‍යෙයන්   දරුවන්ගේ ගති ගුණ විටින් විට වෙනස් වෙනවා නම් එයින් පෙනේනේ ඔවුන්ගේ යම් දුර්වලතාවයක්. නමුත් නිර්මානශීලී දරුවාගේ චරිත ලක්ෂණ බොහොම සෘජුයි. ඔවුන්ගේ ගති පැවැතුම් අතර දකින්න ලැබෙන්නේ සෘජු බවක් මිසක විටින් විට වෙනස්වන දුර්වල ගති පැවැතුම් නොවෙයි.

  • කීකරුයි

දරුවන්ගේ අකීකරුකම් ගැන අපේ දෙමව්පියන් නිතරම චෝදනා කරනවා. එය ඇත්ත. ඉන්න…කියන තැන ඒ විදිහටම නොසිටියත් කීකරු දරුවන් දෙමව්පියන්ගේ බහට අවනත වෙනවා. ඒ නිසා ඔවුන්ගේ නොමග යෑම් බොහෝ දුරට අඩුයි. මේ කීකරුකම නිර්මානශීලීත්වයේ ලක්ෂණයක්.ඔබ මේ විදිහට හිතන්න. අද මත්ද්‍රව්‍ය පිලිබඳව පාසල් දරුවන් ගොදුරුවීම ගැන ආන්දෝලනයෙන් අප කතා කරනවා. ඒත් මේ මත්ද්‍රව්‍ය අතරේ මත්ද්‍රව්‍ය වෙනුවෙන් යොමු වෙන දරුවන් වගේම ඒ අතර එවන් දුරාචාරවලට ගොදුරු නොවන දරුවන්ද සිටිනවා. එහෙමනම් පිරිසක් මතට යොමු වෙද්දී පිරිසක් මතට යොමු නොවන්නේ ඇයි…? මේ හැම දරුවෙක් වෙනුවෙන්ම දෙමව්පියන් මග නොමග කියා දී තිබෙනවා. ඒත් එයින් නිවරැදි මග තේරුම් ගැනීමේ හැකියාව නිර්මානශීලී දරුවා තුල තිබෙනවා. ඒ නිසා ඔවුන් දෙමව්පියන් සහ ගුරුවරු වැඩිහිටි බසට අවනතව කීකරුව හැඩ ගැසී මග නොමග ඉතාම හොදින් බේරා ගන්නවා.

  • මෘදුයි

දරුවන් මල් වගෙයි. බොහොම මෘදුයි ලසස්නයි. ඒ වුනත් දරුවාගේ බාහිර පෙනුමට වඩා හිතේ තිබෙන මෘදු ගති ගුණ සමාජය විසින්ම අගය කරනවා. දරුවන් මෙලොව උපත ලබන්නේ හිස් පුවරුවක් වගේ පිරිසිදු හිතකින්. ඔවුන්ගේ හදවත පිරිසිදුව මලක් වගේ පවත්වා ගැනීම වගේම දුර්දාන්ත ගති පැවැතුම්වලින් සන්නද්ධ වීම සිදු තුළ මෘදු බව වගා කිරීම දෙමව්පියන්ගේ වගකීමක්. බාල කාලයේ පටන්ම දරුවාට දක්වන ආදරය, සෙනහස සහ රැකවරණය ඔවුන්ගේ මෘදු පැවැතුම් වගාවට වගේම නිර්මානශීලී හැකියාවන් විකසිත කිරීමටත් හේතු වෙනවා.

  • විනය ගරුකයි

නිර්මානශීලී දරුවන් බොහොම විනයගරුකයි. ඔවුන් විනය ගැන සැලකිලිමත්. ඒ වගේම තවත් එකක් මතක තබා ගත යුතුයි. දරුවන්ගේ ලෝකයේ මුලින්ම දැන හඳුනන චරිත වන්නේ තමන්ගේ නිවසයි. දරුවා විනය ඉගෙන ගන්නේ නිවසෙන්. ඒ නිසාම වැඩිහිටියන්ද විනය ගැන වැඩි සැලකිල්ලලක් දරුවා ඉදිරියේ දැක්වීම ඉතාම වැදගත්. නිර්මානශීලී දරුවන් වෙතින් විනයගරුක බව නිතැතින්ම ප්‍රදර්ශනය වෙනවා.

  • නිහතමානියි

නිර්මානශීලී දරුවන් බොහොම නිහතමානියි. එය හරියට බොල් කරල් උඩ බලාගෙන සිටියදී පැසුණ වී කරල් බිමට හැරෙන්නා වගෙයි. තමන්ගේ හැකියාවන් ගැන අහංකාර වීමක් ඔවුන් තුළ නැහැ. වචනයට වුනත් කියන්නේ නිහමානී ආඩම්බරයක් පමණයි. ඒ නිහතමානී ආඩම්බරය ඇති වෙන්නේ තමන් ගැන තිබෙන විශ්වාසය නිසා මිසක පුහු ආඩම්බරයක් නොවෙයි. එබේ දරුවාගේ නිර්මාශීලී හැකියාවන් සමග නිහතමානී බවත් නොදැනීම ගොඩ නැගේවි.

  • සතුටින් සිටී

සමහර දරුවන් දෙස බලන විට ඔවුන්ගේ මුහුණේ කිසිම සතුටක් දකින්න නැති වේවි. ඒ වගේම දෙමව්පියන් වුනත් ඔවුන්ට මේ විදිහට චෝදනවා කරාවි. මොකද මේ…දැක්කොත් මූණ එල්ලා ගෙන..ඇඩියාව…..දරුවන් වෙනුවෙන් මේ විදිහට චෝදනා නග දෙමව්පියන් ගැන ඔබටත් ඇසි ඇති. ඒ වුනත් නිර්මානශීලී දරුවන් බොහාම සතුටින් සිටිනවා.ඔවුන්ගේ ජීවිතය දවසින් දවස අලුත්..එහෙමනම් ඔබේ දරුවා වෙතිනුත් මේ වගේ ලක්ෂණ ප්‍රදර්ශනය වෙන අන්දමින් ඔවුන්ට ජීවත්වීමට ඇවැසි පරිසරය ගොඩ නැගීම ඉතාම වැදගත්.

පුන්‍යා චාන්දනී ද සිල්වා

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here