අද දරුවා හෙට ලෝකයේම නායකයා බවට පත් වෙනු ඇති.

අද දරුවා හෙට ලෝකයේම නායකයා බවට පත් වෙනු ඇති.එය අනිවාර්ය සංසිද්ධියකි.ඒ වුනත් ඔබේ දරුවා අද දවසේ හැඩගසන, හික්මවන සහ ශාරිරික ලෙසින් මෙන්ම මානසිකව ගොඩ නැගීම ඉතාම වැදගත්. ඔබේ දරුවාට නිසි හැඩගැස්ම අද දවසේ ලබා නුදුන් විට හෙට දිනයට ජීවත්වීමට අවශ්‍ය පෞරෂය තුළ නොමැතිව දරුවා බෙහෙවින් පසුගාමී චරිතයක් බවට පත් වෙන්න පුලුවන්. ඒ නිසා දරුවාගේ පෝෂණය පමණක් නොව දැණුම, ආකල්ප සහ කුසලතාවයන්ගෙන් දරුවා ගොඩ නගා ගැනීමත් අනිවාර්යෙන්ම සිදු වුනොත් ඉතාම යහපත් අන්දමින් ඔබේ දරුවා හෙට දවසට පියනගනු ඇත. එසේ නම්…පහත දැක්වෙන අන්දමින් ඔබත් කටයුතු කරන දෙමව්පියන් වීම වැදගත්.

 

  • දරුවන් අසල්වැසියන් සමග සහයෝගයෙන් කටයුතු කිරීම

අපි ඉතින් කාටවත් කරදැයක් නැහැ. අපේ පාඩුවේ ගේට්ටුවත් වහගෙන ඉන්නවා. අහල පහල කා එක්කවත් ආශ්‍රයක් නහැ. මේ වගේ සිතුවිල්ලෙන් ඔබත් තෘප්තිමත්ව කතා කළත් ඒ තත්වය ටිකක් වෙනස් කරන්න වෙනවා. අපි කාටවත්ම හුදෙකලාව ජීවත්වීම එතරම් සුබදායක නැහැ. ඒ නිසාම යම් පමණකින් සමාජ සම්බන්ධතාවයන් තබා ගැනීමත් අවශ්‍ය වෙනවා. මෙය දරුවන්ගේ ජීවිතයට ඉතා හොද බලපෑම් ගොඩ නගන බැව් මනෝ විද්‍යාඥයින්ගේ අදහසයි. අසල්වැසියන් සමග ගැටෙනවා වෙනුවට තමන්ගේ පාඩුවේ ජීවත්වීම වඩාත් හොඳ බව ඔබ සිතුවත් යම් තරමකින් හෝ අසල්වැසියන් සමග සහයෝගයෙන් කටයුතු කිරීම දරුවන්ගේ ජීවිතයට ශක්තියක් බව අමතක කරන්න එපා.

  • ගෙදර දොර වැඩ පුරුදු කරන්න

දරුවන්ට තමන්ගේ වැඩ තමන් කර ගැනීමට ඉඩ දීම වගේම ගෙදර දොර වැඩත් යම් තරමකින් හෝ ඔවුන්ගේ වයසේ පමණට කර ගැනීමට පුරුදු කරන්න.පිරිමි දරුවන්ට වුනත් හදිසියේවත් බතක්, සම්බෝලයක් හසා ගැනීමට පුරුද්දක් තිබුනොත් වරදක් නැහැ.ඊට හේතුව කොයියම් මොහොතක හෝ ඔවුන්ට නිවසේ අවශ්‍යතාවයකදී තමන්ගේ දැනුමෙන් ප්‍රෙයා්ජන ලබා ගැනීමට හැකියාව ලැබේවි.

  • ප්‍රංශසාව වැදගත්

දරුවන් හොද දෙයක් කළ විට ඒ වෙනුවෙන් ප්‍රංශසාව ලබා දෙන්න. දරුවා නොගැලපෙන දෙයක් කළ විට දොස් නගනවාට සමගාමී විදිහටම යහපත් දෙයක් කළ විට ඒ වෙනුවෙන් ප්‍රශංසාව ලබා දීම ඉතාම වැදගත්.

  • ඉහළ බලාපොරොත්තු දෙන්න

මිනිසුන් ජීවත් කරන්නේ බලාපොරොත්තුව බව ඇත්ත. අපේ හිතේ නිතරම හෙටක් ගැන බලාපොරොත්තු තිබෙනවා.දරුවන්ගේ හිතටත් මේ බලාපොරොත්තුව ලබා දීම වැදගත්. හෙට දවස ඉතාම රසවත්ව ගත කිරීම ගැන බලාපොරොත්තු ලබා දෙන්න. එවිට දරුවා ජීවිතයේ හෙට දවස වෙත තමාගේ දෑස් දල්වාගෙන ජීවිතය ගොඩ නගා ගනු ඇත.

  • පොත්පත් කියවීම, ප්‍රෙහලිකා පිරවීම පුරුදු කරන්න

දරුවෙක් ශාරිරිකව පෝෂණය කරන අන්දමින්ම ඔවුන්ගේ දැනුම සහ කුසලතාවයන්ගෙන්ද පරිපුර්ණ කිරීම ඉතාම වැදගත්. ඒ නිසා පුංචි කාලයේ පටන්ම පොත් පත් කියැවීමට දරුවා හුරු කරන්න. පුංචි පුංචි ප්‍රෙහලිකා, තේරවිලි, ගණිත ගැටුලු ආදිය දරුවාට ලබා දෙන්න. මොළයේ ක්‍රියාකාරිත්වය සංවර්ධනය සදහා මෙවැනි කටයුතු ඉතාම වැදගත්. ඒ නිසා පුංචි වයසේ පටන්ම මෙම ක්‍රියාකාරකම් ආරම්භ කිරීම ඉතාම ඵලදායකයි.

  • නිර්මානශීලී වෙන්න

දරුවන් නිර්මානශීළී බව මුලින්ම තේරුම් ගන්නේ අම්මා..තාත්තා..ඒ නිසා බාලකාලයේ පටන්ම දරුවාගේ නිර්මානශීලී කුසලතාවයන් අවදි කරන්න. සමහර විට දරුවා ගීත ගායනය, රංගනය, අනුකරණය, ලිවීම වැනි විවිධ හැකියාවන් තිබෙන්න පුලුවන්. ඒ නිසා දරුවාගේ නිර්මානශීලීබව අවදි කිරීමත් වැදගත්.

  • සිරිත් විරිත් හා චාරිත්‍ර

දරුවන්ට සිරිත් , විරිත් හා චාරිත්‍ර පුරුදු කිරීමේ හොඳම තෝතැන්න නිවසයි. සිංහල අලුත් අවුරුදු කාලයේදී අදාල චාරිත්‍ර, වෙසක් සමයේදී සීල සමාදාන වැඩ සටහන් ආදියට දරුවා සම්බන්ධ කරන්න. ආගන්තුකයෙක් පැමිනි විට, ආගන්තුක තැනකට ගිය විට, පාසල, පන්සල ආදි තැන්හි හැසිරෙන අන්දම ගැන දරුවා දැණුවත් කිරීම පමණක් නොව ප්‍රාෙයා්ගිකව  ඔවුන් හැසිරෙන අන්දම ගැන අවධානයෙන් සිටින්න. මෙහිදී  න්‍යාය පමණක් ප්‍රමාණවත් වන්නේ නැත. දරුවන් යනු එතරම් දැනුම් තේරුම් සහිත කණ්ඩායමක් නොවන නිසා වැරදීම් වීමට තිබෙන අවස්ථාවන් ඉතා ඉහලින් ඇති නිසා ඔවුන් දෙස අවධානයෙන් බලා සිටීම සහ වරද දුටු විට නිවරැදි කිරීම වැදගත්.

  • දෙමව්පියන් සතුටින් සිටින්න

දරුවන්ගේ සතුට දෙමව්පියන්ගේ සතුට සේම, දෙමව්පියන්ගේ සතුට දරුවන්ගේ සතුටයි. ඒ නිසා නිතරම මත ගැටුම්, අඬවැඬියාවන් සහිත නිවසේ පරිසරය දරුවාට කොහෙත්ම ගැලපෙන්නේ නැහැ. පියා මත්පැන් පානය කොට නිවසට පැමිණ මව සමග අඩදබර වෙනවා නම්, පවුලේ එකම නිවස යට ජීවත්වෙන පිරිස් අතර විවිධ හැලහැප්පීම් ඇති වෙනවා නම් එයින් වඩාත්ම පීඩාවට පත් වෙන්නේ දරුවා බව තරයේ සිහියේ තබා ගැනීම වැදගත්.

  • නීරෝගීබව

දරුවාගේ නිරෝගිබව දෙමව්පියන්ගේ  වගකීමක්. ඒ වගේම බාලකාලයේදී දරුවාට නිසි පෝෂණය ලබා නුදුන් විට ඔවුන් අනාගතයට පිට නගන්නේ රෝගී පුද්ගලයන් විදිහට නිසා පුංචි කාලයේ පටන්ම ආහාරපාන, ප්‍රතිශක්ති එන්නත් වේල්,හොද සෞඛ්‍ය පුරුදු ගොඩ නගා ගැනීම ඉතාම වැදගත්. ඒ නිසා එබේ දරුවා අනාගතය වෙනුවෙන් හැඩගැසිය යුතු රටාව තුළ දරුවාගේ නීරෝගීබවත් ඉතාම වැදගත්.

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here