පුංචි හිතට සතුට ගෙනෙන නත්තල් ගස

නත්තල් සැරසිලි සමග දරුවන්ගේ නෙත් ඉබේටම ඇදෙන්නේ ‘‘නත්තල් ගහ“ දිසාවටයි.පොඩි හිතට සතුට ගෙනෙන තෑගි වගේම වර්ණවලින්. විදුලියෙන් අලංකාර වුන නත්තල් ගහේ ආරම්භයේදී නම් මේ තරම් විසිතුරක් තිබුනේ නැහැ.

මුල්ම වතාවට නත්තල් ගහ පිළිබඳ සංකල්පය ඇති වුනේ මෙහෙමයි. ජර්මානු ජාතිකයෙක් දීප්තිමත් කොළ පැහැයෙන් බබලන ගසක් කපා ගෙන නිවසට ගෙන ගොස් ඒ අබියස වන්දනාමාන කිරීමට පටන් ගත්තා.ක්‍රි.ව 700 දී පමණ මේ ගස හඳුන්වනු ලැබුවේ ‘‘ක්‍රිස්තු ගස “^christ tree) යනුවෙනුයි.ජේසුස් වහන්සේගේ උත්පත්තිය සිහි කිරීම වෙනුවෙන් යොදා ගන්නා ලද නත්තල් ගස උන්වහන්සේ ජීවමානව සිටින්නා සේ විශ්වාස කරනවා.

මේ තවත් ජනප්‍රවාදයක්..

ක්‍රි.ව 719 දී ශාන්ත බොනිෆස් තුමා ජර්මනියට පැමිණි අතර එතුමා විසින් ජර්මානු ජාතිකයන්ට වන්දනාමාන කිරීම පිණිස ගසක් කපා දමන ලදී.මිනිසුන් මිථ්‍යාවන්ට යොමු වෙන නිසා බොනිෆස් තුමා විසින් ගසක් කපා දැම්මත් එතැනින් සුදු ලොම් සහිත ගසක් මතු වුණා. මේ ප්‍රාතිහාර්ය නිසා ඒ ගස ඇදහීම එතැන් පටන් ආරම්භ වුණා.

බ්‍රතාන්‍යෙය් නත්තල් ගස

බ්‍රතින්‍ය ජාතිකයන් විසින් පවුගේ සියළු දෙනාම අත ගසා එක් අත්තක් නිවස තුළට ගන්නවා. මෙය ‘‘Yule log“ සම්ප්‍රදාය යනුවෙන් හැදින්වෙනවා.මේ අත්ත ගිනි උදුනක් ඇති තැනක තබනවා. ඒ අළු සහ අඟුරු නිවසට ආරක්ෂාවක් ලෙසින් සැලකෙනවා.

ස්පාඤ්ඤය

ස්පාඤ්ඤ ජාතිකයන් නත්තල් ගස ඉදිකටුවලින් සරසනවා.එවිට යක්ෂ ආත්ම පලවා හැරීමේ හැකියාව ඇතැයි අදහස් කරනවා.

බටහිර ජර්මනිය

අද අපට පුරුදු නත්තල් ගසේ ආරම්භය බටහිර ජර්මනියේ උපත ලබා තිබේ. මධ්‍යකාලීන නාට්‍යක් අනුව ‘‘ආදම් “ සහ ‘‘ඒව“ පුවත වස්තු කර ගෙන මේ සංකල්පය බිහි වුන  අතර ‘‘ඒඩන් “උද්‍යානයේ පාරාදීසියේ ගස විදිහට යොදා ගෙන තිබුනේ නත්තල් ගසයි.

කාලයක් යන විට දෙසැම්බර් 24 වැනි දා ‘‘පාරාදීසියේ ගස “ ලෙසින් හැම නිවසකම නත්තල් ගසක් ඉදි කරනු ලැබුවා. එදිනට ඇපල්වලින් මේ ගස සරසනු ලබනවා. එයින් නිරූපනයවන්නේ තහනම් ගසේ ගෙඩි කෑමේ සංකල්පයයි. රතු සහ කොළ ඇපල් මේ වෙනුවෙන් යොදා ගන්නා අතර මේ අවස්ථාව ‘‘Christmas Eve “යනුවෙන් සලකනු ලැබේ.

රෝම ජාතිකයන් නත්තල් ගස යොදා ගත්තේ ‘‘සැටර්න් ““ දෙවියන්ගේ උත්සවය වෙනුවෙන්. මේ සදහා සදාහරිත හාඛ යොදා ගත් අතර ගස තහඩු කැබලිවලින් සරසන ලදී. ශීත සෘතුවේ උත්සවය ලෙසින් මේ අවස්ථාව හදුන්වන ලදී.

16 වන සියවස වෙන විට නත්තල් ගස අද දක්නට ලැබෙන අන්දමින් තෑගි බෝග එල්ලා අලංකාර විය.1605 වසර වෙන විට මනාව සරසන ලද නත්තල් ගසක් ගැන ජර්මනියේ ‘‘ස්ට්‍රාස්බර්ග් “ නගරයෙන් වාර්තා වේ. එම ගස කඩදාසි රෝස මල් සහ රසකැවිලිවලින් අලංකාර කරන ලදී. ජේසු තුමාගේ එඬේර යෂ්ටිය සිහිපත් කිරීමට ‘‘සීනි කෙවිට““ යොදා ගෙන තිබේ. 19 වැනි සියවසේදී ඇමරිකාවේ ඉන්දියානා ප්‍රාන්තයේ වාසය කළ රසකැවිලි වෙළෙන්දෙක් යෂ්ටිය ඉංග්‍රිසි ‘‘j“ අකුරක හැඩයෙන් නිර්මානය කළ අතර එයින් ජේසු තුමාගේ නම අර්ථවත් විය.

නත්තල් ගසට රතු මේස් කකුල් එල්ලන්නේ ඇයි…?

නත්තල් ගසට රතු මේස් කකුල් එල්ලන්නේ ශාන්ත නිකුලස්තුමා විසින් දුගී දැරියන්ට ත්‍යාග පිරිනැමීමේ සිදුවීම සිහිපත් කිරීමටයි. එතුමා දුගී දියණිවරුන් වෙනුවෙන් තෑගි දමා එම නිවසේ දුම් කවුළුවක් අතරින්ය. ඒ මුදල් තෑගි වැටී තිබුනේ දර මැස්සේ එල්ලා තිබුන රතු මේස් කකුලකටයි. එම සිදුවීම සිහිපත් කිරීම පිණිස රතු මේස් කකුල් නතත්ල් සැරසිලි අතරට එක්ව තිබේ.

ජේසු තුමාගේ උපත සමග බැදුන වල්ගාතරු සිහිපත් කිරීමට නත්තල් සැරසිලි අතරට එක්ව තිබේ. මාර්ටින් ලූතර් පියතුමා විසින් නත්තල් ගස සංකේතවත් කිරීමට ඉටිපහන් යොදා ගන්නා ලදී.මෙම ඉටිපහන් රතු සහ සුදු වර්ණවලින් යුක්තයි.මෙම සිරිත ජර්මනියෙන් ඇමරිකාවටත් ,එතැනින් ඇමරිකාවටත් සංක්‍රමනය විය.  අද ඒ වෙනුවෙන් විදුලි බුබුලු යොදා ගැනේ.

නතත්ල් සැමරුම වෙනුවෙන් නත්තල් ගස 18 වන සියවසේදී සම්බන්ධ කර ගෙන ඇති අතර 19 වන සියවස වෙන විට වික්ටෝරියා රැජිනගේ ස්වාමිපුරුෂයා වූ ඇල්බට් කුමරු විසින් නත්තල් ගස බ්‍රිතාන්‍යයට හදුන්වා දී තිබේ.එහිදී වින්ඩ්සර් කාසල් රජපවුල විසින් නත්තල් සැමරුම වෙනුවෙන් නත්තල් ගස යොදා ගෙන තිබේ.

1851 වසර වෙන විට නත්තල් ගස වෙනුවෙන් වාණිජ මුහුණුවරක් ලැබී තිබේ. ඇමරිකා එක්සත් ජනපදයේ ‘‘කාට් කීල්ස් “ විසින් මෙම නත්තල් ගස නිව්යෝක් නගරයට ගොස්  අලෙවි කරන ලදී. 1880 වසර වන විට ජර්මනිය තුළ පැවැති යුධමය වාතාවරණය නිසා ගස් කැපීම තහනම් වූයෙන් කෘතිම නත්තල් ගස් සමාජගත වී තිබේ.

හිතට එන අදහසක් පත්තරයකින් පළ වුනාම ලැබෙන සතුට දන්නේ ඒ අත්දැකීම ලබන කෙනෙක් පමනයි. මේ නිසාම දන්නා කාලයේ පටන්ම ලියන්න ලැබෙන හැම මොහොතකම යමක් ලිව්වා. ඒවා පළ වුනා.දැනට මහවැලි ජාතික අධ්‍යාපන විද්‍යා පීඨයේ පුස්තකාලයාධිපතිනිය ලෙස සේවය කරන අතර ලේඛනය අමතක කරන්නේ නැහැ.කැළනිය විශ්ව විද්‍යාලයේ ශාස්ත්‍රපති උපාධිය සහ පේරාදෙණිය විශ්ව විද්‍යාලයේ කලා උපාධිය වෙනුවෙන් කිසිම අපහසුතාවයක් ඇති නොවුනේද ලිවීමේ කලාවට පිං සිදු වෙන්නයි.නිවස , රැකියාව සහ පවුල සමග වූ ගණුදෙණුව ලිවීමේ කලාවට හරස් නොවන සේ පවත්වා ගෙන යන අතර මගේ ජීවිතයට ලේඛනයත් නොදැනම බද්ධව තිබෙනවා විය හැකියි.

LEAVE A REPLY

Please enter your comment!
Please enter your name here